¹ Yunda, ngamba ya Yesu kilistu ikeye lalo munaina ya Tiango, kuli ava vavathanene, muli Kalunga Tata mu chilemo, na mu kunyunga kua Yesu Kilistu: ² Nkeke na chiyulo na chilemo vililanethe kuli yeni. ³ Vaka chilemo change, muje munjapangele muoxe muku mithonena kutuala ku vuovoke vuetu, nja mithonenene kutuala muku mimamuna linga muluile muakama kutselela kuje kuvana mikundikila lumo kuvantu voxe vaka kulela vaKalunga. ⁴ Omuo vantu vamo vana lipuitha ngocho muvuxueke hakati keti. Vantu ava vavatumbuile laja kuchihitho echi laja kunthankulu. Vakevo vantu vaka kuxahula Kalunga veku tengulula kutetela kua Kalunga ketu kuvupuitha viuma via kuviha, vaviana xukulu yetu na muene uetu Yesu Kilistu. ⁵ Njiyongola kumivuluitha viuma evi nambe muavithivile laja ma-ma-ma ngocho Kalunga uovuele vantu va Isaleli kutunda kucifuti ca Ingito, vunoni kulutue lalo uavanongethele vaje kuva thselelele . ⁶ Na tungelo, lalo vaje kuvanyungile mpoko ya mihela yavo, vunoni vaje vathile muhela uavo uakukkala uacili-Kaluknga navakutiiya mumalienge amiaka yoxe, mumithithi ya kuinthi noho ha lijtangua liakama lia mpangulo. ⁷ Ngwe omo Sandoma na Ngomola na Vimbongi viaheteleko valikundikile ku Vupangala namukukava vipanga viavo. Vanavahaka ngwe chimuetho cha ava vakayanda na chihitho chatuhia lua miaka yoshe. ⁸ Nolo mumolika vene, na ava vaka vinjothzi va vihitha mivila yavo. vayengula vakama, vashilula vaka vumpau. ⁹ Vunoni nambe kangelo uakama Mikayele, Muje mua lidthungile naSatana nakulinyeka muvila ua Mosesa, Kachukile kutuhula lijui liakumuhitha. ¹⁰ Vunoni ua mulekele nguendi, "Muene akupayethe!" Vunoni vantu ava vekuxaula vioxe nevi kuva dthivuka na kuvuithitha ; nevi vivedthiva via kuchithemua cavo ngue tuthitu kuvethi na vulanguluke, vikevio vije viva nongetha. ¹¹ Luvinda luavo! Muomu vanendi mungila ya Kaini na kulihaka mumutupu ua Mbalame na kuxevuka kuendi kua nganyo. Vananongo muva nongethele Kola muva mutengulukilile. ¹² Vantu ava vanapu vuxonde ha viuano vieni via chilemo, valia hamo neni nantuama yahi vakevo tuniungi va kililitha avo vavenya. Vanapa muaxelua akujeneka mema apekumuka na mpunthi; viti via kuchukumuka, viti via kujeneka vuxuka viathsa luvali, yakutukuka na midthzi. ¹³ Vanapu mankimba amu mema aKalunga, atutumuka lifulu lia nchuama yavo vavenya, vintangantanga via kuendangana ngocho, Vaje vavana vuaethela kukala mumithithi ya kuthivala vuii kumuaka uoxe. ¹⁴ Enoke, uje uapuile ua mucitanu navavali tunde hali Andama, uambuluile vupolofeto vaua ava, nguendi, "Taleni! Muene akeja na makulukadthi na makulukadthi avoxe vaka kujela. ¹⁵ Akeja mu kuteta kuthsompa hali voxe. Akeja mukuhitha voxe vaka kuxaula Kalunga kuvipanga viavo vioxe viva lingile mungila ya kuxaula Kalunga, mumajui oxe a aakalu aveku kujanya vaka vupi mukuluitha Kalumga." ¹⁶ Vantu ava vaka kulingilla, vaka kulinyenyeta, vaka kukavangeya maxungu avo akuviha. Tunua tuavo tue kulixaxa mukutambakana, vathingimika mivila ya vakuavo linga vanganyale vimo. ¹⁷ Vunoni, eni vaka chilemo change, vulukeni majui aje avahandekele laja Vapostolo va Muene Yesu Kilistu. ¹⁸ Vamulekele nguavo, "Kunthimnbu ya kukotokela kukala vaka kuthsompa vakakavangeya maxungu avo a kaxaundu.'' ¹⁹ Vantu ava vakakuneha kahangu, vakevo vakahanthsi vakevo kuvethi nasipilitu. ²⁰ Vunoni eni vakacilemo cange, litungeni eni vavenia mukuthselela kueni kuakujela, lalo lombeni muli sipilitu uakujela. ²¹ Kaleni mucilemo cakalunga, nakutatelela ngodhi yamuene uetu yesu kilistu uje akaneha kuyoya kuakumiaka yoxe. ²² Kaleni nangidhi navaje vali navimpata. ²³ Ovoleni vakueni nakuvaxitula mucoto; kuli vamo vovuileni ngodhi naliova, dhindeni vidhala vivanajualetha na vuthitu. ²⁴ Vunoni kuli uje athsa kumunia linga keti mupunduke nakumilingitha mukemane kumexo endi avumpahu namulonga uahi nakujolela kuakama, ²⁵ kuli kalunga umo lika muovole uetu hali yesu kilistu muene uetu, kukale vumpahu, navukama, nakutumina, nandthzili, kutunda kumiaka yakunthsenkulu, nalelo lino, nakumiaka namiaka kuyekuhua. Amen.