Rushumo, Lipisamu lyamona wamukafumu waKoraha; mposhi mukurona wavakakuyimbaghura; ashungiri murupe rwaMahalati Leanothi. Kuponga mughungi mukudiraghoma waHeman ndje Ezrahite. ¹ Hompa, Karunga ndjemupopeli wande oghonaliliranga ame pandje mwinamatiku kumeho yoye. ² Tegherera kundapero yande; nakukwata lighano mukulira kwande. ³ Mposhi amewandjuda naghukorokotji, ntani liparu lyande lyakatikire kuSheoli. ⁴ Vantu vampakireme yira vamwe ovo vaghurumukango mukuvarundira; Ame muntu nadiroghunankondo. ⁵ Ame vankombelire mukatji kavafe; Ame yira shimpushinararo mumbira, pepi naghwadirango kupakera mbiri ghunene mukonda wavatetako kughunankondo ghoye. ⁶ Ove wantulireme kulikwina lyakudira kudama, mumundema ntani mumavango ghakudama. ⁷ Ghugara ghoye waghunene ghunaditopa mukurara papande, ntani mukushanita vidjanyagwidi papande.Shera. ⁸ Mukonda yoye, mukudira kuyiva kwande ghunene vyantjayikilitire ame. Ove ghunangupita mukumome mukumoneka kwavo. Ame navakalilire pepimu ntani kwato kwakuhenename. ⁹ Mantjo ghande ghakulilire mukuroroka ghunene kughukorokotji; mwayendo liyuva nalintje ame nakuyitire pandje ove, Hompa; Ame nahanitire pandje maghoko ghande kukoye. ¹⁰ Ngaghuvirughana ove mukukupura kuhamena kumfandi? Kuvura navantje ovo vafongavavumbuke ntani nakukuraperera ovendi? ¹¹ Kuvura lihuguvalito lyoye kulikuguminina mukuyuva ovyo vinawapero mumbira, ghushiri ghoye wakutikiliramo mulivango lyamfandi? ¹² Kuvura virughana vyoye vyaviwa mulikurundema; ndipo lishetakano lyoye mulivango lyakukuvuramenena ndi? ¹³ Enengoli amenalilire kukoye, Hompa; Ngurangura ndapero yande kuyakumeho yoye. ¹⁴ Hompa, nkeghuna ntjuviliri ame? Nkeghuna vandekere shipara shoye kukwandeme? ¹⁵ Ame kehepano kwakaranga livango lyakudjonaghuka ntani kuntere yamfa kutunda kughughundju. Ame nahepire kughutjirwe ghoye; Ame nakaramulikuyuvo lyakudira lihuguvaro. ¹⁶ Virughana vyaghugara ghoye vyapita papandeme, ntani ghutjirwe kuvirughana vyoye vyandjonawireme. ¹⁷ Vavo vankurukidire meyira mema ghurewaliyuva nalintje; vavo navantje kwankundurukireme. ¹⁸ Ove ghuna ghupupo kehegheghu muholi ntani nakudira kuyiva ghunene kukwandeme. Lidiro kuyiva ghunene kwandemene likurundema.