¹ Kwa mupititili yimbiti, nangovera yakureremena, kusheminite. Lipisaroma lyaDaviti.

Karunga, washa mfutita mughugara ghoye ndipo ghuntengeke mughugara ghoye.

² Mfere nkenda, Karunga, ame kunakutororoka; mvherure, Karunga, vifupa vyande kuna kumenga. ³ Monyo wande nawo mughudito ghunakara. Ngoli ove, Karunga --- dogoro shirugho munke vintwalilikida vino? ⁴ Piruka, Karunga ntambure. Mparure mukonda yamughono namatwenyedero ghoye! ⁵ Mumfa munderemo livhurukito lyoye. Mushirongo shavafe are ngakupo mpandu? ⁶ Ame naroroka nalipikaghuko lyande. Matiku naghantje ame kuvoreka ghuro wande namaruntjodi; Ame kukushura mutato wande namaruntjodi. ⁷ Mantjo ghande ghanaghuviri kuliguvo; ghanarembuka mukonda yavakankore vande. ⁸ Kuvorenuko kukwande, anwe namuvantje mwarughanango ghudona; Karunga kwayuvha nkugho yashiliro shande. ⁹ Karunga kwayuvha likukwambero lyande ghufenkenda; Karunga kwatambura ndapero yande. ¹⁰ vanankore vande navantje ngavafa ntjoni, nka ngavakara mughudito. Ngava kuvyuta nakuyakushenga.