Lipisaromu lyaDaviti. ¹ Mutungiki ndjegho vaghupirapo lidjono veta, ghuye ndjo yendi vayifika. ² Mutungiki murwana ghogho Hompa Karunga ghamona kwato ghundjoni ntani pampepo kwato ghupukiti. ³ Opo nakalire wakumwena, vifupa vyande vyahepire pashirugho ghosho kanikwenaghukanga ghure waliyuva nalintje. ⁴ Ngoli matiku namwi lighoko lyoye lyaditopire pande. Nkondo dande dampwelire yira rukukutu rwapakurombo. ⁵ Ame napando ndjo yande kukoye, ntani narumweshi paweno nihoreka virughanadona vyande. Ame naghambere, ''Ame ngani tongonona lidjonaghuro veta kwaHompa Karunga wande,'' ano ngoli wangupilirepo ghundjoni wandjo yande.

sSehahi

S*

⁶ Mukonda yavino, kwakeheghuno wakukarera Karunga anahepa kuraperera koye muruvede rwaruguvo rwarunene. Makura ruvede rwamema gharuhandjo kughumpaghuka, ano ngoli kapi ngagha katika kuvantu. ⁷ Ove livango lyaruvando; ove ngaghu mpopera kughudito. Ngaghu nkundurukida namarushumo gharufundo. S Sehali

S*

⁸ Ngani kurondora nakukushongave ndjira oyo ngaghuvhura kukwama. Ame ngani kurondora shirugho sho mantjo ghande poye. ⁹ Ngasha ghukara yira kakambe ndipo murutiya, oyo yadirango kukwata lighano; nkwandi kakareko kashara nakatoma kakuyishivaghura yiyende nkoko ghuna yishanene. ¹⁰ Varughanidona kukuvera vyavingi anongoli likukwatakano lyaHompa Karunga lyamughushiri-shiri lyalyo ngalikundurukida ove vamuhuguvaro mwendi. ¹¹ Kara naruhafo mwaKarunga, ntani shamberera, anwe vapongokipo, yiyirenu muruhafo, namuvantje mwakaro nadimutjima dakuvyukilira.