Ruvambi 20
Kumupititili wantjumo. Lipisaromu lyaDaviti.
1
Mpongolishi Hompa ghakuvatere mumayuva ghoye ghaghudito; Mpongolishi lidina lyaKarunga waYakobu ghakukungamene.
2
Ntani tumambatero kutundilira mulivango lyakupongoka kumakwatitoko ghoye ghakutundilira muSiyoni.
3
Mpongolishi ghuye kuyiyira nashinka shavitapa vyoye ntani kutambura ndjambo yoye yamundiro.
sSela
S*
4
Makura ghuye ghakupe ovyo watokomena mutjima ghoye ntani kutikitamo viturapo vyoye navintje.
5
Makura twe ngatupembura mulifundo, ntani, mulidina lyaKarunga, atwe ngatuyerura litjangwa mposhi Hompa ngatupa marushivano ghenu naghantje.
6
Weno naviyiva ngoli ashi Hompa ngapopera vatungikwa vendi; ngamulimburura kutundilira muliwiru lyakupongoka nankondo dakulighoko lyendi lyarulyo lyakuvura kumupopera.
7
Vamwe kwahuguvara mutukara ntani vamwe mutukambe ngoli atwe kuyita kwaHompa Karunga wetu.
8
Vavo ngavava yita vaghurumuke nakuwa ngoli atwe ngatu shapuka nakuyimana ndjikiti!
9
Karunga, popera hompa; tuvatere opo tuna kukukuya.