1 Rushumo rwalididiliko. Aragopa ogho akutikiro Karunga, ogho ayendango muntjira dendi. 2 Ovyo lyaruwana livoko lyoye, ngaghuvihafera; ngaghuragopa ngaghungavopa. 3 Mukamali ghoye ngakara yira shindjembere mumundi ghoye; vanavoye ngavakara yira vitondo vyamaghuvye pakushungira vakundurukide ntishe yoye. 4 Nhii, shili, ngaragopa muntu afumadeko Karunga. 5 Ndi Karunga amutungike kutundilira kuSiyoni; Ndi ngaghukenge ghungavo waYerusalema mumayuva ghamuliparu lyoye nalintje. 6 Ndi ngaghuparuke ngaghukamone, vana vavana voye. Ndi mpora yikare paIsraeli.