¹ Opo vyapire navintje,makura vayenditi vamwe vambunga ya Israel avaya kwande nakuya ghamba ashi: "mbunga ya Israel, vapristeri, na va Levi kapi vana kuhangura naumwavo kuvantu vamuvirongo vya pepi na viruwana dona vyavo: Va Canaanites, va Hittites, va Perizzites, va Jebusites, va Ammonites, va Moabites, va Egyptians, na va Amorites. ² Vakafumu vava Juda kuna kukwara vakamali va ntunda virongo, makura vantu vakupongoka vakarunga mbyo vanakukosho navantu vamuvirongo, shinene po tupu va pangeli namarenga mbo vandjoni vavanene mo vino." ³ Opo naviyuvire vino, ani tavaura vidwata vyande nakudjupa huki dande damumutwe nandjwedu makura anishungiri, narugugho rwande. ⁴ Navantje ovo vatjiliro kovyo aghambire Karunga wa Israel vyakuhamena kundjo dovo vakatundiro muupika ava nkundurukidi okuno ame nashungiri narugugho rwande dogoro mpopo va djamberanga ndjambo dangurova. ⁵ Opo shatikire mo shirugho sha ndjambo yangurova ani shapuka po palivango lyande lyalishwaghu ame shimpe nda nadwatera vyuma vyande vya kutavauka, makura anitongamene nakugaununa maghoko ghande niraperere kwa Hompa Karunga wande. ⁶ Anighamba ashi; "Karunga wande, ame nafu unene ntjoni mu kuyerura shipara shande ku yoye, mukonda shi ndjo detu dina pitakana dimutwe detu, ntani maundjoni ghetu ghana katika kuwiru. ⁷ Kutunda kuvakurona vetu dogoro weno atwe kwa kara muundjoni waunene. Morwa mu ndjo detu, na hompa wetu ntani navapristeri vetu mbyo twaye ndilire mumawoko ghava hompa vapeke, avatu dipaya, na kutukwata ntani na kutuvaka nakutufita ntjoni, yira momo tuna kara namuntji. ⁸ Ano mushirugho ghona, ove Hompa Karunga wetu una tufere nkenda mbyo unarenke vamwe vatunde muupika vayakare mumpora mulivango lino lya kupongoka. Navintje vino mukonda ya Karunga mukumahura mantjo ghetu nakutupa twe lishengayiko lyalididi muupika wetu. ⁹ Atwe kwakalire vapika ngoli kapi watushuvililire mo muupika. Ove kwa renka va hompa vamu Persia va tufere nkenda mbyo vatupulitira tukare ngoli namonyo tu wapukurure ntembeli yoye oyo yakaliro lirunda tuwane mpora muno mu Juda namu Jerusalem. ¹⁰ Ano ntantani, Karunga wetu, nke tuvhura kutanta kovi navintje vyo vya horoko? Atwe twa shwena nka kulimburukwa kumarawiro woye, ¹¹ odo watu pera muvakareli voye vaporofete, opo waghambire ashi: "Shirongo osho munakaghupa shanyata. Morwa vantu ovo vakaro mo mbo vashiyudo udona kutunda oko shahura dogoro oko shakahura kwayura viruwana dona. ¹² Vavo kwatutantera ashi nakuku kwara-kwara shi navantu vo, ntani nakushana-shana shi mpora namarago ghavo, mposh ngamukare munapama nakulya ndya dadiwa da mushirongo, makura ngamu shikutambayike naruvharo rwenu dogoro ku naruntje." ¹³ Nampiri momu vyatuhoraukira navintje vino mukutufutita ndjo detu na maundjoni-tuna viyiva ashi ove Karunga wetu, kwatudesheka kovyo twa kuruwanena naumwetu mbyo watu shuva tuhupepo- ¹⁴ makura weni nka omo tushuva dimuragho doye tukukware kware navantu vano vavva dona? Ntjene shi tutwikire kuviruwana ndi ngautu hanaura po, kwato naumwe ogho ngaparuko po. ¹⁵ Hompa, Karunga wa Israel, ove wahungama, mbyo watushuva tuhupe po namuntji lino. Kenga! Atwe vano kumeho yoye mumaundjoni ghetu, mbyovyo shi kwato ghumwe wakuvhura kuyimana kumeho yoye mukonda yovino.