¹ Mumwaka wakuhova waSayires,hompa waPersia,Karunga atikitamo nkango yendi yo yapitiliro mukanwa kaJeremiya. Apampilikida Mpepo yaSayires,makura liywi lya Sayires alishaghara mushirongo shendi nashintje. Vino mbyo vyakaliro patjangwa nakuvighamba: ² Sayires, hompa waPersia, aghamba ashi: Hompa,Karunga wakuwiru,anampa dimuhoko nadintje dapalivhu,nka anantoghorora me nimudikire ntembeli yendi muJerusalem,oyo yakaro muJudah. ³ Kehe uno ahameno kuvantu Vendi (Karunga wendi akare naye) ayende kuJerusalem,oyo yakaro muJudah,nakukadika ntembeli yaHompa Karunga wavaIsraeli,Karunga ogho anakaro muJerusalem. ⁴ Kehe vano vahuparo mu kehe livango lyahana ghuturo vanahepa kuvapa siliveri nangorodo,vyuma, navimuna rambangako nandjambo dakutapa kuntembeli yaKarunga muJerusalem. ⁵ Makura matimbi gharuvharo rwa Judah na Benjamin,va pristeri nava Levayitis,nka na kehe uno ogho arambwita Karunga Mpepo yendi avashapuka vayende vakadike ntembeli yaHompa,oyo yakaro muJerusalem. ⁶ Vamaparambo vavo avakwafa viruwana vyavo mukuvapa siliveri navinke vya ngorodo,vyuma,vimuna,vininke vyamulyo, ntani nandjambo davitapa. ⁷ Sayires hompa waPersia aghupu maghushwi gha ntembeli yaHompa ogho ayitire Nebukadinessa atundiro kuJerusalem nakughatura muntembeli yendi yavakarunga peke. ⁸ Sayires, hompa waPersia, avitapa mumaghoko gha Mithredath mupunguli maliva,ogho aghavaliro kuuto wa Sheshbazzar,mupangeli waJudah. ⁹ Shino ntjo shivaro shagho: visha vyangorodo ro ntatu,visha vyasiliveri liyovi limwe,visha vyakuhupako ro mbiri na ntane, ¹⁰ marupasha gha ngorodo ro ntatu,marupasha ghamadidi gha siliveri 410,ntani kukambekako namaghushwi liyovi limwe ghakuhupako. ¹¹ Ghagho kwakalire 5,400 gha ngorodo na siliveri mushivaro shagho. Sheshbazzar apitura maghushwi ghano naghantje opo atundire mughupika muBabiloni ayende kuJerusalem.