¹ Ingui o munene, ku Gajus o musuverua, ngu mba suvera mo uatjiri. ² Musuverua, ami mbi kumba kutja o vina avihe vi kaende naua kove nu u kare mo mberukiro tjimuna o muinjo uoje. ³ Orondu mba jorokere tjinene indi o vakambure tji ve jere nu ave hatoirire o uatjiri mbu ri mu ove, otja tji u kaenda mo uatjiri. ⁴ Hina ndjoroka o nene oku kapita o vina mbi, oku zuva kutja o vanatje vandje ve kaenda mo uatjiri. ⁵ Musuverua, ove u tjita mo utakame atjihe tji u ungurira o vakambure na imba o va mbangu, ⁶ Ovo mo rusuvero o mbe ku hatoirira po murungu uo kereka, nu ove tjandji ua tjiti naua tji u eve rongerisire o ujenda uao mo muano mbua puira imba o va Mukuru: ⁷ Ovo tjinga a va kumukire mo tjimbe tje na Re, ave hina tji va toora oku za mo viuana. ⁸ Ete tua soku jakura imba mbe ri nao, kutja turire o vavatere pamue mo uatjiri. ⁹ Ami mba tjangera indji o kereka, nunguari Diotrefes ngu uasuvera oku rira o mutongame mokati kao, ke tu jakurire. ¹⁰ Nu mena ra itji, ami tji mbe ja, me je ku varurura o vitjitua vie mbie tjita, ok utu jamburura no mambo o marunde. Nu otja the ha kovisiua i imbi, uina otje ha jakura o vakambure. Nu u tjaera imba mbu mave zeri oku tjita nai, nu e ve ramba mo kereka. ¹¹ Musuverua, o horere o uvi, nunguari horera o uua. Ingui ngu tjita o uua ua za ku Mukuru, nunguari ingui ngu tjita o uvi ke ja tjiua Mukuru. ¹² Demetrius una o ndangu o mbua mo vandu avehe, na mu imbui o uatjiri o uini. Nu ete uina ma tu hatoire, nu mo tjiua kutja o mahongononeno uetu o uatjiri. ¹³ Mba ri no vina o vingi oku tjanga, nunguari hina ku zera oku vi tjanga no pena no inga, ¹⁴ Nunguari me kambura kutja me je ku mu muna mo usupi, nu atu je ku hungira o tjipara no tjipara. ¹⁵ O hange nga i kare pueena ene. O mapanga je mu minike. Minika o mapanga ko mana.