¹ Tukawî dawak mana yak bik manatukawaskarang. ² Mân ais lani karak tukamakah dawak aispitni kau kulnamakah, kidi karak mana kuñwaran. ³ ¿Mân ainin wahaima minikpa payak dî yayanh bin sakki yak talaman, bik man talasman mamakpa payak kau nuhni sakkidi? ⁴ ¿Ampat wahaima yak kalyulma: yadatah mamakpa yak diyayanh as sakki yakkisakyan, baisa man mamakpa yak kaunh sakkidi kau nuhni. ⁵ ¡Alaskira balna! mana pas mamakpa yak kidi yaktanauh, kapat laih man wahaima minikpa payak sakkidi talma. ⁶ Dî klin kidi sûlyak kalawinih dawak dimit din kidi mân kusih balna yak, rumwinih, kapah laih sipki, wasmak ya taihwi balawaran dawi isti palni taih sahwaran. ⁷ Yaltanauh banh mawaran: Waltanauh, banh yaknama: bautanauh banh manakurahwaran. ⁸ Kapat laih wais yalwakidi: duwi dawak wais walwakidi, yakwi banh wais bawakidi wahwi. ⁹ ¿Awaskat wais mana ahal kaupak walambis brit pis as mayulwak, kidara kalanamah? ¹⁰ ¿Awaskah pahwa mayulwak bîl as kauh kalamayah? ¹¹ Kapah banh mana aîs sat dutni awama bik walambis yak dî prisant yamni balna kidi kala taman; ¿Kidi sat adi papanh ma kisan yak sakkidi di balna yamni balna bitik yulmakah mawaran? ¹² Kapah banh mana yulmana muih uk aisyamwaran kidi, mana bik witinna yulni yamtanauh, adi laih prapit balna ulnan; yak sakki. ¹³ Ayawanauh durunhta bintis kidi yuk, tâ pâ nuhni kidi laih disnin yak dawikiwi, dawak mahni palni kidi yuk bayakuiwi ¹⁴ PÂ bintis kidi laih durunhta dawak tâ bintis kidi laih duwi kidi sanka atnin, dawak apit manah auiniwi. ¹⁵ Amangtalanauh propit alasni balna kidi, witinna lai ship asnina kawi, bik rait palni laih panpas sunla. ¹⁶ Minik balna karak talyakaran ¿Kapah banh pan minik kidi ukun kaupak dakwayah awaskat ani panan kaupak pan minik uk? ¹⁷ kidi kapah, pan yamni kidi minik yamni laiwi, bik pan dutni kidi minik dutni yakwi. ¹⁸ Pan yamni as kidi minik dutni yakwaski, dawak pan dutni as sip minik yamni yakwaski. ¹⁹ Pan bitik minik yamni yakwas kidi tuswi dawak kuhpau yak kum awaran ²⁰ Kidi kawak, minik karak talyakwaran. ²¹ Kidi balna bitik papang papang ya yulwabalna kidi â uiwaskaran papang sau ridi yamna kisang yak, bik laih andi balna papang kisang yak sakki putni laka kidi yamwaran kat. ²² Kidi mân balna yak mahni pal yayulwarang papang, papang ¿ayanma yak sumalna yagna dawak ayanma dutik walasa kanhyakna yanna dawak ayanma karak dî yamni ba yamna yanna? ²³ Kapat banh yang diulki: ¡Mana talasyang! ¡Yang kaupak alahyawanauh dutni yamyan balna! ²⁴ Kapat laih papang yuln dakawa balna bitik dawak laihwi dituwakidi âl kulayan kapat karan ûn kipa la minit tanyak pakna kidi kapah ²⁵ Wâs launa, wâs banhwi kiuna, win bik parasni wauhna dawak ûn yak kiu bauna; bik ûn dai bukwas dana kidi laih ûn kidara minit yak pakna daikawak. ²⁶ Bik yang yulk dakawi laihwi duduwaskat, âl kauhmak minit tanyak ûn pakna kidi kapah karan. ²⁷ Wâs launa, wâs banhwi kiuna wîn bik parasni bauna, dawak ûn dispamna dawak dî nuhni pal kalahna. ²⁸ Kidi dawak Jisas adi yulni balna yulwi dana yak, muih balna muihsak, dadauna, witin sumalna yulni kidi. ²⁹ Witin sumalwaday muih tunun nubni kapat, as ulian muinh balna kapat awas.