¹ Jisas laih Judea sauni Betlehem yakat Sahna dai, King Herod mani balna yakat kidika mani balna yakat sinskira balna ma kilwa niningkaupak Jerusalen yakt uîwi kakana dai dawak yulwi dakakana: ² "¿Ankat sakyah ju balna kingnina sahna kidika? dawak yangna aiwayangna witing ayagni tanik nuhni kidika yulni". ³ king Herod laih adika yulni dakawi witing yaman dana dai, dawak Jerusalen muinni balna bitik sihm yamandudona dai. ⁴ Herod yaklau sumalyang balna kidika bitik dawak lâ ulyang balna kidika bik diyulwak uiwakat diyulwi dakana dai "¿Krais kidika ankat sahwaran sak pah?" ⁵ Witina yaklau diyuyulna: "Judea sauni Betlehem yakat kat prapit kidika yaklau kaput ulna: ⁶ 'JUDA, SAUINI, BETLEHEM MAN NAMANGKAUH LAIH, DIBINTIS PALNI OWASMAN KIDIKA SAUNI TAWANNI NUNUHNI BALNA KIDIKA PASYAKAT KAT MAN KAUPAK GABAMINT KANYANG AS KALAHWARANG HI YANG TAWANKI ISRAEL TANITUNA KAWARANG KIDIKA.'" ⁷ Bahang king Herod yaklau sins duyang balna yakat malni kau di yulwakat uina dai dawak witingna kaupak aminglalana ampuh palni yakat yala kalahna dai kidika. ⁸ Witing pamna Betlehem yakat disihwi apat diyulna dai manna kidika pâni yakat yawa muihbin kidika walta talnauh: "yakta manakat nu yayamtah yang bik yawik witing ayangni tanit nuhni ki yulni mikit yulki." ⁹ Dawak witina king yulni balna kidika karak dakawi uina dai dawak yala kalahwakat tatalna dai kidika witigna tanitna yakat kiuna dai kat muihbin tusdai kidika minit. ¹⁰ Dawak kidika tatalna man kat alasma palni kalalahna dai. ¹¹ Unist kat û pasyakat kakana kat muihbin kidika. nanangni men duwa sak kat tatalna dai; dawak limbabahwi oyangni tanit nuhni yayamna dai. Baksnina kidika apahwi gul, di walapni dawak pan yani walpni kidika kalalana dai. ¹² Papang yaklau amana kau diyulna witing watwi king Herod sak dai yakat uinin awas bahang witingna ta jk dawi saunina yakat nawatwi uina dai. ¹³ Sins duyung balna kidika uman uina man kat, Papang insalni as aminin kau kakalahna dai Jose yakat dawak aput kalyulna: "lauwa muihbin kidika, dawak nanangni kidika duta Egipto yakat irah. kidika yakat walta sakawama, angka yang lawik Ismangpakki kat, kat Herod laih muihbin kidika înin wolwarang." ¹⁴ Kidi putnita Jose laih yaklawi, muihbin kidika dawak nanangni kidika kauna duwi kalahwi uina dai Egipto kiwa tani munah. ¹⁵ Kidika pâni yakat watna raudai Herod dauna mani kat, adika dini kalahna dai Papang yaklau prapit munah yulna dai kidikaka put kalahna atnin yulni "YANG WALAKBIS KIDIKA EGIPTO KAUPAK KALYULTINGKAT KAINA." ¹⁶ Dawak Herod witing amanglawak sins duyang balna kidika alas kalyulna kat putni dauh kalwi, witing pamna dai Betlehem dawak yahnit balna yakat walabis ahal kurih bû dinit kauh dudawa balna yalalahwadai kidika bitik imukna atnin, sins duyang balna yaklau ma awi diyulna dai kidika kapat. ¹⁷ Kapah kalahna dai prapit Jeremias yaklau yulna dai kupah: ¹⁸ "RAMA YAKAT YULNI AS YULNA DAI, KAIDININ DALANI DAWAK KAIDININ NUHNI, KIDIKA LAIH RAQUEL KAIDADAI WALANBIS BALNA YULNINA WAT WALANI ANIN YULWASDAI KAT UMAN DADAUNA DAI BAHANG." ¹⁹ Dawak Herod dauna uinit kat, Egipto yakat Papang insulni as aminin kau Jose yakat kalahwi apah kalyulna: ²⁰ "Lauwa muihbin kidika dawak nanangni bik data Israel sauni yakat nawatta yawah, kah muhbin yakat înin wawalwa dai kidika balna laih uman dadauna." ²¹ Dawak Jose laih yaklauwi muihbin kidika dawak nanangni kidika duwi Israel yakat dawi kiuna dai ²² Bahang dakawakat Herod walambis Arquelao kidika Judea sauni yakat gabamint kawa sakkat, Papang pîni yak, kidika pan yakat kiunin yamanduna dai, dawak Papang yaklau amanakay kalyulwakat Galili sauni yak kiuna dai. ²³ Kidika yakat kiwi kana kuring yak, Nazareth tawanni yakat kiwi yalahna dai. adika dini balna kalahna atnin yulni Jisas laih Nazareth muihni pakna atnin dai kidika.