¹ Banh tatuna wik mân mapiris palniyak, Witinna uina dai nuna pani yate, duwi uiwa dai untak walapni yamnin din ridi yamnadaikidi ² Witinna uiwi tatalna nuna pan yak kidara as karak taihna Sak dai kindara kidi yak pamna dis dai lakna pan yak. ³ Auina dai, bikg yayak was dai Jisas Krais muinh nuhni kidi. ⁴ Kidi din kalahwak witinna muihsak dawi di as bikg yamwas bandai kidi din kalahna yulni, kapat dawak diskaupak, ahal bû kalahna raudai, paraknina pipihni ingni karak, yaklawi raudai witin pirin as yak. ⁵ Yayal balna muihsak dauna ban dawi muhnina Sau Sart yak abukwi limbabahwi bondai dawak ahal bu kidi balna mik diyulna yayal balna yak: "¿ Bikg aininh waltamanah muih âl sangka sakkidi muih dauna balna pasyak? ⁶ ¡Witin adi yak diski, witin dauna kaupak wat yaklauna! kalayaktanauh mana balna yak mana yulma dai baisa witin Galilea yak sak dai teim, ⁷ yulnadai muih walanbis âl kidi muih dutni kira balna tingnina yay anaha karan dawak pan pirihni yak papawaran dawak mâ bas bayak witin wat yaklawaran. ⁸ Kapat dawak yayal balna kidi kulawi yayakna witi yulna yulni balda kidi yak ⁹ Witinna wat ramh uina nuna pân dai kaupak dawak nû di yamna witin muinh ahal once balna yak dawak uk balna yak bikg ¹⁰ Kapat banh Maria Magdalena, Juana, Maria Santiago nanan dawak yayal uk balna witinkarak, adi yulni balna adi disaipil once balna yak nu di yamna dai. ¹¹ Bikg adi yulni balna yuyulwa dai kidi laih alasni yulnin yulni yuyulwa kulalawa dai disaipil balna kidi, dawak witinna rait kulalawas dai yayal balna yuyulwa yulni balda kidi. ¹² Bikg Pedro kalahwi dawak kiri kiuna kiri kiuna núna pán, kakiuna dawak payak talna, paraknipihni manah sak dai, kapatdawak Pedro unyak kiuna dawak kulawa dai di kalahwi bayakna kidi. ¹³ adika yak witinna bú balna uiwa bandai semhman yak pâ bintis as yak ayangni laih Emaus, kidi yak ban dai kat duwa dai once kilometro Jerusalen pan leat karak ¹⁴ Witinna yulwi talwa ban dai Semh din balna bitik kalawi bayakna kidi yulni. ¹⁵ Dawak kalahna dai, baisa kal kanhwa ban dai yak dawak yulwi dakakawa witinna kalpak, Jisas witin bikg yaihnitna yak dawak kiuna witinna kalpak. ¹⁶ Witinna yamni tatalwa bik di as mik kaliamwak sip yamni palno talwas dai. ¹⁷ Jisas mik apat di yulna: "¿Ais yulni yulta ban manah mana balna bú lapak ta mana yakat ?" Witinna yakat wowatna sari kalahwi karak. ¹⁸ Kidi kaupak as yakapdana Cleofas, mik kal yulna: "¿Mana kulata manah man manah muih Sakmanh Jerusalen yak di balna kalahwa dai adi man balna yak ?" ¹⁹ Jissa mik apat di yulna kidi balna yak: "¿Ais din kalahna yah?" Witinna yulwi dakana: "Jisas nazaret kaupak kidi yulni, witin laih prafit as parasni kavak dai di yamnin ninigkau dawak yulnin kau bikg papanh munh yak dawak muih bitik yak bikg. ²⁰ Dawak ampat yah tunun kau nunuhni sacerdotes balna dawak pâ tununni nuhni balna mik witin yak inin lanni kat yayamna dawak pan pirihni kat bikg papana" ²¹ Bikg yangna laih tahatayangna dai witin yak Israel muinh balna yak pri lani kalawaran. Kapat, dawak adi bitik yak, warmani man adi kat mâ bas bayakna adi din balna kalahwi bayakna kidi. ²² Dawak bikg, mayagna paskaupale yayal asas mile muishsak mai la lakna dai, kat nuna pan yak mâmapiris yak uina dai banh. ²³ Bikg witinna muinh nuhni walwi yayak was dawi, aiwi, yuyulna dawak bikg witinna miniknapa kau bikg tatalna di as aihka dawak insal balna bikg tatalna dawak diyulna witin sangka sakki. ²⁴ Kapat dawak yangna karak ban atna muinh balna uina dai nuna panyak dawal yayal balna ais mai yulna kidi kat yamni waldi mayang bikg Jisas yak laih tatalwas day." ²⁵ Jisas mik diyulna: "¡ Mana muinh balna sip di nukaltas mana dawak putmana yamni kulatas mana profit balna ais yuyulna kidi! ²⁶ "¿Kapat atnin awas dai krais adi din balna karak pat wauhwi dawak king lani yak kawi yalahnin?" ²⁷ Kapat banh, ramh ulnani yak sakkidi yulni yak wi yulwi sumalwa dai, Moises ulnani kaupak dawak profit ulnani ulna kidi kat. ²⁸ Baisa witinna uiwa dai pâ as yaihnit yak, witinna uininna uiwa dai yak, Jisas witin kiwa dai tan yak baisa tanit yak kiwa atnin wan dai. ²⁹ Bikg witinna mik parasnikarak kalyayamwale watwi apatyulna: "Yangna karale wattah, kat uman pukta lakwi dawak madah laih ramh danh kalna ki" ³⁰ Adi kalahna kat witin talahna bandai witinna kalpal ulninna, witin tingni yak bnt duna, dawak blis yamwi witinna yak bahwi, diyana. ³¹ Kapat dawak miniknapa Sahmumuhna dai dawak witin yak laih tatalna dai dawak wat disna dai miniknapa kaupak ³² Kapat dawak witinna biri biri yuyulna: "¿mayang mai putki payak, ki daihni kalahwi kuhpau daihnini kapat ta yak lapak wi kaiwadai yak, ulnani balna yulni yakwi mai yulwa yak?" ³³ Witinna yaklaklauna dai semh minitni yak dawak wat aina dai Jerusalen yak. Witinna kalpapakna disaipil once balna karak yalahwi yulba bauna dawak witinna balna kalpak ban atna kidi balna kalpak, ³⁴ apat yuyulna "witin krais rait palni wat yaklauna dawak Simon witin munh yak kalahwak talna yah." ³⁵ Kapat banh witinna kalyuyulna di balna kalahna dai kidi tâ lapak wi kiwa yak dawak Jisas mik ninigna kana witin brit sahwi diyawa sak dei yak diyulma kidi. ³⁶ Baisa adi din balna yulni yuyulwa, Jisas witin yaklauna sak dai witinna ban atna papusni yak dawak apat diyulna: "Putmana aslah sakkaran mana yak." ³⁷ Bikg witinna muihsak dauna ban dai dawak yamanduwi karak ban dai dawak kulalana witinna spirit as tatalna. ³⁸ Jisas mik diyulna: "¿Bikg aininh putmana payak kulata sari karak ban manah? ¿Bikg aininh putmana yak di uk uk kulata lawamanah yah? ³⁹ Talnauh yang tingki adi dawak yang kalki adi bik, yangkuduhyang. Tingma kau laihta dawak yatalah. Banh spirit as muinhnuhni diski dawak wakalni, bikg dutayang kapat yatalamanah." ⁴⁰ Witin adi din yulna, witin tingni bikg ninigkana dawak kalni bikg. ⁴¹ baisa witinna bandai alasna, karak dawak muisah dauna karak witinna kasak kulalawas dai, dawak Jisas mik apatdiyuna: "¿Di uknindinas duta manah?" ⁴² Witinna mik pahwa busna pis as kalalana dai. ⁴³ Jisas witin duna dawak witin kasna witinna muhnina kat ⁴⁴ Witin mik diyulna: " Yang mána balna karak sak yang kat mana yulna yang di bitik ulna sakkidi Moises lani yak, dawak prafit balna, dawak Salmos ulnani yak, sakkidi kaikaninki." ⁴⁵ Kapat dawak witin mik sins nina yak awi diyawak duduna, kapat laih yamni nukalalahwaran ulnani yak sak kidi. ⁴⁶ Witin mik diyulna:"Kapat banh ulna sakki, krais kidi kapat pat wauh ninki dawak witin dauna kaupak wat yaklauninlei mâ bas payak ⁴⁷ Dawak putmana latanauh dawak dutni yamna bitik dispaknin sumal ninki witin ayangni yak pâ bitik yak, Jerusalen pani kaupak sumalna dai. ⁴⁸ Mana balna nú atnimnaki adi din balna bitik kalahna adi. ⁴⁹ Talnauh, yang pamta sakkian mana balna mamtna tan yak yang papanki pramis yamna dai. Bikg wattanh tahatah Jerusalen pân yak ankat kisang makaupak parasnima duma kat" ⁵⁰ Kapat dawak Jisus mik duiwi kalah kiuna dai Betania pan yaihnit yak. witin tingni dulawi witinna minitna yak yamni karak. ⁵¹ Kidi yak kalahna, baisa witin yamni yulwa sakiak, witin yalwi dana dai dawak duwi kiuna kisang mayak. ⁵² Kapat dawak witin yak aiwanwi kalalana dawak wat Jerusalen pan yak alasna nuhni karak ainadai. ⁵³ Kapat banh mâ bani sumalnin unyak, alasna karak aiwawanwa dai papanh ayangni yak.