¹ Waradi, kidi din balna bitik bayak wak, Jisas witin yak nininkana Setenta uk as, dawak witin pamna dai bu bu yak, yakwi pamna dai witin tanit yak pâ bitik yak dawak witin pani duwa dai kiunin bitik dai yak kiuna. ² "Witin yulna: yawak minik sanin laih mahni ki, bikg dahnin muinh balna laih apit manahki. kapat banh, yultanauh Jisas yak yamak dahnin yulni witin pamwaran dahnin muinh balna yamak yak. ³ Mana balna yawanauh. dawak talanauh, yang pamtayang chip as kapat nawah manah pasyak. ⁴ Mana lalah ûn duyaya winih, dawak asna punin din bik duyaya winih, sus bik awas, dawak muih as yak bikg kalparaswinih tayak lapak taman yak. ⁵ Andi un yak karan mana balna awa nama teim, tatuna kalyultanauh: '¡ putma asta yamni karak karan adi un yak sak karan!' ⁶ Muih as rait putni asla kidi yakat sak kat, man putma kidi yamni sakkaran witin minit yak, bikg kidi awas kat, duwi kiwaran mana balna yak. ⁷ Kidi ûn yak ban awa nauh, uktanauh dawak ditanauh witinna ais manawaran kidi, banh witin wark muinh kidi raitni karak minit dawaran, kidi ûn kau pak alah yayawinih ûn kidi kaupak. ⁸ Andi pân yak karan mana balna awanan, dawak witinna mana duduwaran kat ukta nauh mana balna muh mana yak mana wa kidi. ⁹ Dawak signis balna kidi yak ban kidi bikg raktanauh. dawak diyultanauh: "Papanh ûn kisag mayak sak kidi danh kaina sakki mana balna yaih matna yak." ¹⁰ Mana balna pâ as yakat awanama, dawak kidi balna mana duduwas karan kat, yakaupak alah yawanauh witinna lapapakwa yakut dawak kalyultanauh: ¹¹ '¡Pama saun yayanh, yangna kalkina, yak laihna kidi bitik ustik yakna yangna mana balna muhmana kat! bikg adi talaban awanauh: Papanh ûn kisan mayak sakkidi mayang mai yaih kitiak kaina sakki. ¹² Yang mana yulta yang kidi lâ yamnin mân kidi laih pat nuhni sak karan Sodoma pani yak. ¹³ ¡Ampat man yak dutni karan, corazin! ¡Ampat karan man yak, Betsaida! kat sain balna kalah waran mana balna Tiro dawak Sidon karak yak yamna kidi nu mana kat, mana numakat umannikau dutni kaupak yamni yak putmana lana mana karan, yalahtanama wan bik yak puna minit yak. ¹⁴ Bikg lâ yamwaran teim kau pat nuhni karan Tiro dawak Sidon pân muinh balna minitna yak. ¹⁵ Dawak man, Kapernaúm, ¿ Kulatamanah mana kisan mayak mana dulawaran sak kidi? man lai awas, man laih sau dinityak puk sani nuhni yak mahawi madawan dauna balna sauini yak. ¹⁶ Wais mana balna yak mana daka kawa kidi yang yak bikg ya da kakawi, dawak kidi balna manabalna yak mana duduwas kidi yang yak bikg ya duduwaski, dawak kidi balna yang yak yaduduwas ki, kidi balna yak duduwas kidi yang yak yakwi yapamna yak bikg duduwaski." ¹⁷ Setenta kidi alasna nuhni karak nawatwi aina dai, dawak apat yulna: "Jisas, spirit dutni dawa balna bitik dakakana dai man ayangma paktik yulna yangna kidi." ¹⁸ Jisas mik yulna: " yang talayang walasa balna bikg kisang ma kaupak ai bubukna alwana ramwak lipwa kapat. ¹⁹ Talnauh, yang mik mana yak parasmana manana yang, bil balna yak dawak supai balna yak, dawak waimhla balna bitik minit yak parasma manana yang, dawak di as bikg diskaran, di dutni as bikg mayamnin kulalawas karan. ²⁰ Kapat ban alasna isti duduwinih kidi karak manah, kat spirit dutni balna mana yak mana kana kidi, bikg alasna duhni dutanauh ayang mana kidi kisang mayak ulna sak kat, alasna karak ban awanauh." ²¹ Kidi minitni yang witin alasna nuhni duna Spirit Holikira, dawak yulna: " Yang aiwantayang, kat, Papanh, walanbis Jisas kisang mayak dawak sau yak sakkidi, kat man adi din balna sinskira din balna kidi malnaman dawak bikg di talian balna kaupak bikg, dawak kidi muinh balna di nu diskat niningkana man, semh walambis bikkisni balna kapat. bahan Papanh, kapat want want man dai banh." ²² "Adi dinbalna bitik kalahna kidi kasak kuladi man yak dawak man Papanhma yak bikg, dawak muih as bikg nudiski wais yah witin walanbis kalana kidi witin Papan mik, dawak muih as bikg nudiski wais yah witin Papan kalana witin walanbis, dawak wais karan wais witin walanbis yak walwi talwi talyak waran yulni." ²³ Kapat dawak wat nawatwi aina dai disaipilni balna yak, wiryakla talwi witin apat yulna yak maldi karak: "yamni palni karan kidi bala adi din balna tatalwaran mana balna bikg talnama. ²⁴ Yang mik mana yulta yang, prafit mahni dawak king balna want kalalahna dai di balna mana talna mana din balna kidi, dawak talas dana mana, dawak dakanin di balna mana daka mana din kidi, dawak kidi balna daka kawas dadana kidi." ²⁵ Adi ka yak, rait sumalian Judea lani kidi dulauna yulwi dakani yulni, yulna: "Sumalian, ¿Ais din yamni yamkih kat yang sip awaki sanka yakunh lani dunik kat?" ²⁶ Jisas witin yulna: "Ais ulna sak yah witin lani yak? ¿Ampat yultatala manh?" ²⁷ Witin yulwi apat diyulna: " Man dalan talnimki Jisa yak man Papahma kapat putma aslah karak dawak Isman aslah karak, parasma bitik karak, dawak sinsma bitik karak, dawak man muihim balna yak bik dalani dakaman kapat dakanimki." ²⁸ Jisas witin kalyulna: " Man yamni palni kal yulna Man. adi yamtah, dawak sangka yakuinh adnimh duma." ²⁹ Bikg witin sumalwa muinh, want yulwa dai subit kalahnin yulni witin sel muinh yak, kalyulna Jisas yak: "¿ Dawak yang muik balna kidi wais yah?" ³⁰ Jisas mik apat yulwi kalyulna: " âl as Jerusalen tan yak kalahwi lapakwi kiwa daih Jerico pân yak yaklak kiwa daih. witin di malian balna tingni yak buk na dai, wais balna mik witin di balna bitin nining yayagna, dawak babauno dalan kara, dawak dauna kapat dadana dai. ³¹ Bangh kapat ban rait Sacerdote as kidi tan yakut kiwa sakdai, dawak talna teim, tâ pirin uk yuk bayak kiuna dai. ³² Semh kapat palni Livi muinh as, witin kidi pani yak kiuna dawak talna, kidi bikg tâ pirin uk yuk bayak kiuna. ³³ Bikg rait Samaritano, baisa kiwa dai yak, witin kaina dai sakatna pan yak kat. witin talna teim, kiwi laihwi dulauna dai dalan karak. ³⁴ Witin laih muih âl yaih nit yak witin sak dai dawak tusnani kidi yak biwi klin yamna, aceite karak ikirhwi dawak wain wasni karak ikirhna asna pihni karak sitna dai witin minit yak. witin arasni yak ilwi duwi kiuna kamanin ûn as yak, dawak main talna dai witin yak. ³⁵ Mâ as bayak wak Samaria muinh âl ramh kiunin teim silin minik bu yakna dai, dawak kaminin un main talwa muinh âl kidi yak, dawak yulna: ' main talah witin yak dawak ais din baisa wat waran kat wat yang aiwaki taim, lauki sang yang.' ³⁶ ¿Adi bas, adi kaupak Man kulatamanh, muih minikun as di malian balna tingnina yak bukna yah?" ³⁷ Witin Sumalian yulna: " Witin yak wais mik nining kana yah dalan dakanin witin yak." Jisas mik kalyulna: " Man Yawah dawak semh kapat yamtah." ³⁸ Waralaih witinna baisa uiwa ban yakat, witin pâ bitis balna asas yak kakiuna, dawak muih yal as ayangni laih Marta mik witin yak duna dawak kalyulna yamni aiwana manh yang uk yak. ³⁹ Marta laih witin wirahni as duwa dai ayangni laih Maria, Wais yah Jisas kalni dinit yak yalahna kidi dawak Papanh yulni dakana kidi. ⁴⁰ Bikg Marta sagdai witin laih uba wark duwa dai ridi yamwa dai di ukna as kalanin yulni. witin laih Jisas yaih nit yak kakawi apat yulna: " Papanh, ¿Man laih kulatas mainh yang wirahki alas yadawak wark yamta yang adi bayah nik yulni? ⁴¹ Kapat banh, witin muih yal kidi hilp yayam wanh." Bikg Jisas mik diyulna dawak bikg kalyulna witin muih yal yak: " Marta, man di mahni yamnim yulni manah kulata manh, ⁴² Bikg di aslah manah yamnim sakki. Maria kuduh kau di yamni kidi yak wi duna sakki, banh kidi muinh aslah mik bikg sip nining yak was karan ."