¹ Rü Ngetchutchu rü yema duũũgü rü ñumatchi ñema ngueĩgümaã ni dea. ² Nümarü ñanagürü Paritcheugü ü ñumatchi mugüwa nguegü ü ñemagürü meãma nüũ na kuae i maitchè arü mugü. ³ Rü ñemaka ñeguma takürü ñamaũ peĩ na mugu ü uẽãkü pena ügü Notürü taũtama nakümagüũ ipe ya daũ ü nüũ ni ugütaerü i ñema ũgü, notürü tama nana ügü. ⁴ Erü nümagürü poraãkü peĩ namu na naga ipe ĩnüẽĩka, ü yiema yatügüãtügü nana ünagügü. Notürü nümagütama bai irarüwa naga na ĩnüẽ. ⁵ Guũma ñema na ügü rü nana ügü na duũũgü nüũ daugüũka. Rü nümagürü nana ügü na Tupanaãrü ore ya ñegü na ñemaãkü duũũgü nüũ daugüüka mare. ⁶ Nümagürü norü merüi na meĩ i natchikawa togü i ñeguma petawà na ngugu na ñemaãkü duũũgü nürü daunüũka rü ñumatchi noü meta niĩ i meĩ i namawe'ewa narü togü i ngutake'epataũ wàgü. ⁷ rü noü me niĩ na duũũgü ü meã nüũ narü moẽgü ü noü meta niĩ na nguetaeruũãkü nana kagü i duũũgü. ⁸ Notürü i pemagü ü taũtama naka ipe õgaegü ñeguma duũũ woò tama ngueẽẽ ruũãkü peĩ na kagügu rü wüi tama niĩ ya nguetae ruũ, ü guãma i pemagü ü õgütanüũ ipe ĩgü. ⁹ Rü tauũtama wüi yatü i ñoma wai müãẽka ü papà ñaperigütà nuü eü pemagürü peĩ na ñema i wüitamà ya penatü ü yima penatü ü daũguũ i naãnewa na ñema. ¹⁰ Rü tauakütata nguetanüũãkü pena kagü eü pemagürü peĩ na ñema i wüitama i peü ngueẽẽruũ Ya yima kristu. ¹¹ Notürü yima peta nüwa ü̃ yamaẽkü ü yimaãũ tà niĩ ipe puraküe. ¹² Teè tügütama i kuaüũẽ ü Tupanarüta tüũ na ã neẽẽ ü teè tügü irü irae ü Tupanarütà tüũ ni kuaãũ. ¹³ i Pemagü niĩ i togü iduũũpeena meã ipe maẽneta pa Muitchearü mugüwà ngue pa Paritcheugu, meã maẽ netaẽ Pemagürü tüma tchawa ipena watagü ya yiema dua tagü i Ñema daũguũ i naãne. Rü pemarita taũtama ñema petchoku, ü pemarüta tüũ i pena gutchaẽẽ ya yiema ñema chokutcha'ũũẽ. ¹⁴ Wüi ñetchaũ niĩ peka pa muitche aü mugüwà nguee, ü paritcheugü ü ñumatchi yiema meã maẽ netae Pemagürü tüũ ipe ñiẽ ya yiema yute güe. ¹⁵ Rü wüi i ñetchaũ niĩ ipeka pa paritcheugü pa meã maẽnetaegü ü ñumatchi muitche aü mugüwa nguee Rü peka ü wüi ñetchaũ niĩ eü tatü ü tatü i aũwàtü maka ipeĩ ya duũũe na ñemaãkü peĩ taya o ũka. Rü ñeguma maü taya õgu ü tüũ ipetchiẽẽ na ñemaãkü yee raãükü chieĩwa nata uũka. ¹⁶ Wüi i ñetchaũ i peka pema ü ñeẽtügüe arü kuaruũ ipe ĩgü pena na ñapegügü Ñeguma teè rüemare taũne ya ngutake'epataũ ta unetugu ü marü na mè ega tama itaya ngueẽgu i ñema tümaãrü uneta. ¹⁷ Pemagü pa ñeetügü i tama peẽẽ kuagüe takü niĩ irü memaẽ na ñema uiru ü ema yima ngutake epataũ i ñema uiruũ üüne. ¹⁸ Rü ñeguma teè ya ngutake'epataũ ya taũne egagu taküka ta unetagu ü tauũma ni utchaũ, notürü teè ngutakee pataũ ya taũẽgaga tümaãrü ãmare taãgu ü tà nawaè na aiküma taya nguẽẽ. ¹⁹ Pa ñeẽtügü i takü niĩ irü tamaẽ, ñema ãmarè ü e'na ngutake'epataũ i ñemare ta ü üne. ²⁰ Rü ñemaka ya yiema ngutake'epataũ ègagu tümaãrü ñemaũ maã na uegue ü namaã itana uegu i guũma i airüũgü i ñemà. ²¹ Ya yiema ngutakee'pataümaã na uegue ü namaã tana uegu ü ñuma tümamaã ya ñema ngemaẽ. ²² Ya yiema daũguũ i naã ne maã na uegue ü Tupanaãrü naãne maã niĩ i u neta taü. ²³ i Wüi ñetchaü̃ pekagü pa muitchè arü mu güwà wüetaegü ü pa Paritcheugü ü ñumatchi ya õgü netae. Rü wüi i ñetchaũ niĩ i peka oü pena ãgü i peü ãmarè i nüna üü notürü tamà naga ipe ĩnüẽ i Tupanaãrü mugü i guũarü mugü aü ye'eraiü ü peĩ na tau na meã duũũgü maã ipe kuagü, ü duãtagürü peĩ ta ñetchaũküma ü ñumatchi nape õõũ. Rü guũma i ñema niĩ Tupana nawae na penaü. ²⁴ i Pe magü pa kuaruũgü i ñeẽtügüe, pemagürü ñoma wüi i duũũ i tunüka noü ae i bapetüũ rüũ ü ñumatchi aü wüi i kameyu i wetaã ũrüũ ipe igü. ²⁵ i Wüi i ñetchaũ ni i peka pa muitche arü mugüwa ngue rü Paritcheugü, ü ñumatchi ya õgüneta. Rü wüi i ñetchaũ niĩ i peka eü perü düetüane waritama pegü ipe meẽẽ tchaũ notü perü maũwà ü poraãkü i petchie. ²⁶ Pemagü pa paritcheugü i ñeẽtügüe, ẽkü poü aiepeguũ ira ipe meẽẽ ü yikama iperü düetüwà ipegü ipe meẽẽ. ²⁷ i Wüi ñetchaũ niĩ ipeka i pemagü pa muitche arü mugüwà ngueneta ü pa paritcheugü ü ñumatchi ya õgünetae Rü Pemagürü ñoma yuetutchiĩ i düetüwà ikatama na komü notürü peü aipena ü yuetatchinaã ü ñumatchi na guũraü i chieũmaã naiããku i ñema peü maü. ²⁸ Rü ñegumarüũta i pemagü ü peü düetüwà ü pegü ipe wegüneta nüũ i ñema duũũgü na ipe megüneta notürü namaã naya pa i doragü ü ñumatchi na guũraãũ i chieũ. ²⁹ i Wüi ñetchaũ niĩ peka pa muitche arü mugüwà ngueneta pa paritcheugü ü ñumatchi ya õgünetae Pemagürü ipeya mekagü i yuetatchike'egü ga nu kümaũgü ga Tupanaãrü ore arü urüũ gü nagũ tagü ü ñumatchi nüũ ipe kuaãũgü i yema duũũgü i meĩ tchikünaãgü. ³⁰ Rü ñuũtchi ñaperügü gü. Rü yegumatchi to natü arü nguneĩgu tà maẽgu ü tomagürü ü taũtchima namaãgü wüi ñema Tupanaã ü ore arü uruũgü tana dai no ñemaãkü nagü ta baẽẽũka. ³¹ Rü ñemaka i pemagu ü pena ngoẽẽ na nataagü ipe ĩgüũ ga yema duũũgü ga nukümaũgü ga Tupanaã ore arü uruũũ dai, ³² Pemagürüta peyanguta nüẽẽ ga yema chieĩ ga nukümaũgüũ ga peü oigü ügüe. ³³ Pa ãtapearü duũũgü, ñuãkütà natchawa ipe bumü ya yima üü ya Tupanatà namaã peĩ pokune. ³⁴ Rü ñemaka chomarütà peka numatchana mü y wüi i Tupanaãrü orè arü uruũ yatügu i kua nüũ ñemagü ngueẽẽruũgü. Rü nümaũgü i pemagü ü tà peya magü ü curütchawà tà ipeya potagü. Rü togüũ ü tà pena kuaigü i noü ngutake'epataũgu ü ñumatchi na wè ta ipe ãgü i wüitchigü ya ĩãnewà. ³⁵ Rü pemaã nüũtchiu ü guũma ñema chieĩka ü Tupanarü tà nanapokue i guũma ga noü duũũgü i megü ga perü oigü dai. Rü Abeuwà niĩ na ügüã gana na daaũ ü chakara ü ngutakee pataũ ya taünegu niĩ ipeya magü ga Berekia nane i ĩkü. ³⁶ Rü aiküma 'ũtchi pemaã nüũtchiũ ü guũ i ñaãtà nüũ na ngupetü i ñema togü i duiũũgü ñema neĩ. ³⁷ i Yerutchareü Yerutchaĩ ü i pemagü ü Tupanaãrü orè arü uruũũ ipe dai ü ñema Tupana peka yema mugütchire ü mutamaã ipena muũtchiã küma ipena dai i Rü ñure'epüküna choũ na ngutchaũ na ñema penegü rü wüiwa chana na ñoma wüi i otà naàkü wüiwà na naürüũ na ñemaãkü napeãtüũwa tüũ na ñemaẽĩka notürü pemagürü tamà ipe nawa'egü. ³⁸ Duka kupatarü ñema na tamarè. ³⁹ Pü pemaã nüũ tchiũ ü taũtama wena choũ ipe dau i yikamaãrü ü ñumà tata ñapegü moẽũtchi ya yima kori egagu ñema neũkü.'''