¹ oyat josué juimíc písicub, cyrg sitim srt. canog rt coja jatam Jordán, wrijin n at israelot, omda calíjámo, cabát juprd-u. ² oyat ipri wryu prnat, nat cajaijewet, catcalúbog nam cajuibec-u; ³ camog calat: jayarucbatya nat levita ot sacerdote, jat ryuclic naa caot nat mayeroc ot Dios at ibrgli moiseat, yaonocya caprna. ⁴ Noventa metros iric jet da yajéwali sirícasrt. yayacupoinart casrt, jayaluc jee ya bri jaligú yasinó, japísi yasan watsrm monóliprn. ⁵ Oyat Josué mog calat: brlemya ya juyu yau jériconya biriat jasibrcya birat ijéi. ⁶ Oyat Josué mog calat nat sacerdote om lat: yauprsog jajiat, jére ébu ot, yauwuc cajuprta. osrm caprsoc jajiat, jére ébuot, yauwuc cajuprta. osrm caprsoc. ⁷ Oyat jamóg biri, josuéat: masíri-rc ya inót dicá maliglic israel tee. oje arirouniri Moisés jet ojera pri asiriclic majét. ⁸ Oyat masimocya nat sacerdote olat: yaminocat-uya rt jordán cojá, omda casijurí trm-u, rt jordán tee. ⁹ Oyat jamog Josué calat nat israelolat: yauyuc wrijín, jayaujúi jayeroc bi-ri, yajri Dios. ¹⁰ Oprnatda japisiyasiwácya jalíclic naa Dios ijúc yajét, catjasinamya yasrt nat cananeo ot, hititas ot, heveo ot ferezeo ot, gergeseo ot, amorereo ot, oi pri nat jebuseo ot. ¹¹ jayaulucya jajícasi batóclic rt jordán yabatá naa jajri-ot-om jicawau-u nat moyero-ot diez itog-ot Dios at ibrg prn di moiseat. ¹² Dumat catyao_og doce itogot moot, israel jrinoc ot, itrmjonug jet. ¹³ nat sarcedote ot, jají wáubot naa, jat wauliprn nat diez itogot moyerocot Dios at ibrg prn di moiseat, jatjurcbatya casím-u-jet naa rt jordán pín, naa rt jasisorc ya, japrñu jumat jasisantauya, ijru-uya casisó, jasisanpritauya na rt nóma. ¹⁴ Oyat, dut epinot canogbat jaicabátjee jordán, dut sacerdote, jajiwaubot naa tee ebucawauliprn, noc cajuprt-ta. ¹⁵ Oyat caminjogbat dut jawaubot tee játwao nat diez itogot moyeroc ot, Jordan tejá, casíbot trusonuc et coja. dumat jabatsi wuc jaiwábdic hacó duu rt jordán, cajrm caot juicasugbat. ¹⁶ osrm duu rt itau júmat jajuiberúc trm-u, isrnjet. O duu rt jasansitausi, jevaleyaujet, Adán dicat, moñán iríc saretán máwa, imínjocjet mar neguev teja, mar salado teja, pri. Oyat nat epinot camínbat yabatá inag jet jericó srt. ¹⁷ dut sacerdote ot jawáubot, jajri ot, dut moyerocot diez itoc ot Dios at ibrg prnoddi moiseat, casoc ijrwa, Jordán jámai u, on cabévuca wrijin dut épinot.