1 Kuandi Jesús a bae rí masiruma, lingo rí ma risípulo a chitiá, ''¡Piacha, guatia ma enkantao binde i enkantao erificio!'' 2 Éle a chitiá, ''¿Bo a tá guatia erifisio ngade? Tó má binde ké bo ta guatia tan pelé''. 3 Kandi Éle taba sendao endi monte rí ma olivo endi uto bera endi masiruma, Pedro, Santiago, Juan i Andrés a tá prunda a Éle numá, 4 ''chitiá, ¿Kumo senda ma señal kuandi tó ma kusa tan miní? 5 Jesús a chitiá a enú, ''Kuila pá ké ma gende nú gaña. 6 Nchocha rí gende tan miní ku nombe mí i tan chitiá 'I sendá Éle', i nchochá tan apatta 7 Kuandi enú tan kucha chite rí chochotera i junjuneo rí chochotera nú preokupa; ese kusa ten ke pasá, poro aora memo enú nú kaba. 8 Pue tan trompia nasió ku nasió i reino ku reino. Tiela tan teteblá endi chochá paraje i abeba kanatulé. Ese ma tiembo a sendá empesá rí ndolor ri kanalón. 9 Enú ten ke tá penené. Ané tan yebá a enú endi konsilio pá ndalo surumba endi ma masiruma. Tan topetá kú tó ané, gobednaro ku kamajanes pó mí, kumo muetra a ané. 10 Poro ma ebangelio ten ké chitialo primó a tó paraje 11 Kuandi ma ngalao i ma entregao, nú preokupa pó lo ké ten que chitiá. pokke endi ese ora, lo ke enú ten ke chitiá tan ndao a enú; enú tan chitiá nú, epiriti satto a chitiá po enú. 12 Numano ku numano ta ndalo a muette, i tatá a ma mona. Ma mona tá rebela ku ma tatá i ané tan ase matta. 13 Enú tan senda aboresio pó nombe mi. Poro kuakie ata fin gende a ta sabba. 15 Kuandi guatiá abominasió rí ma desolasió kelá andi nú polebba kelá (kiene leé entejése), reja ke ma gende ke baé rí Judea a juindo a ma monde, 14 ase ke ma gende ke ta riba rí posá nú mini lendro rí posá, 16 i asé ké gende lo ke a ta andi monde nú miní pá posá po chepa ri éle 17 ¡Poro ké ndolo rí maé ke ten moná chirinindingo o endi ese ría! 18 Oren poke es ma kusa nú mini endi tiembo rí apú. 19 Pokke a ta mini tribulasió, kumo nuka a guatialo gende kuandi rioso asé mundo, ata agüe, nú, nú be pasá uto be. 20 A nú se ke rioso kitta ma ría, nu sabba niggún gende, poro pá bentaja rí gende ñamao, ma ñamao rí Éle, Éle kottá numangó rí ría. 21 Asina ké, si aggun tan chitiá, '¡guatiá, aki ata Kristo, o, '¡guatiá, ai tá!' nú kree. 22 Pokke a miní gende chitiando ke a sendá Kristo i chakero ri rioso sendá nú, ke asé kusa ngande pá enbolatá, ata ma ñamao. 23 ¡Enú tan penené! I a chiatiá to ese kusa primó. 24 Poro kuandi a pasá tribulasió endi ma ría, E SÓ BOLBEO PRIETTO, LUNA NDA LU NÚ, 25 MA ETRELLA KAÍ RÍ SIELO, i ma kutú ké tá endi ma sielo tan tremesé. 26 Antose ané a guatiá a MONA RI RIOSO MINI ENDI NUBE KU CHOCHÁ RÍ KUTÚ I GLORIA. 27 Antose Éle tá mandá ma ángeles i apilona a ma ñamao andi cualingo npepo, renje finá ri tiela ata finá rí sielo. 28 Guatiá ma planda iguera. Kumo tan ma rama i poné mansita ku ma oja ta salí, enú a sabé ke ma berano tá a ki. 29 Asina tabie, kuandi enú tá guatiá kusa tá pasá, enú ten sabé ke ele tá aki memo, sela ma puetta ngande 30 31 32 Asina, i a chitiá, ma generasió nú pasá ata ke nú pasá to e ma ku sa. Sielo i tiela tan pasá poro mi nú pasá. Poro kusa tan pasá e ría e ora, narie ta sabbé, solo rioso 33 ¡Enú tan penené! guatiá, pokke enú nú sabé kuandi jué. 34 Ese ase kumo un ombe ke a tando a uto paraje: éle ta dejá posa a kaggo rí moso, to ané ku makaneo si. Suamo rí posá chitiá gende ta kuila ojo penené. 35 ¡Pó tanto pila, pokke nú sabé kuandi ma suamo rí posá mimi, si andi tiembo prietto, andi amanesé, kuandi ngaina ta kandá, o endi maana. 36 Si éle tá mini nú rejá ké miná ndrumi. 37 lo ke chitiá a enú e chitialo a tó gende: ¡Ojo penené!