Juan_HRomeroC-pay_rom_text

Capítulo 15

¹ Inkatama pitasmawá tãró atapúm wê pitakachuma toh wawista meimeinalerma kakua akapiwá, i pitaspema arari tishbarti. ² Tu'nauwá pitas as asrowá pakekawá pi arkiró tõh irõ eñaró, aken kií a'ka eñakipiró. ³ Akẽsh Cristo chani arari tish tií ekapecharí, tõ'ñará, tõ'chẽrí, tõ'ken kakorskaí: "TARELERMA ÑA'TIPIKIRI TAÑA ÑA'TIÍKIRI TAS AAYA TAENRIÍ". ⁴ Akẽsh kri toh kakors karima, tõ'kén kakorskarií pitas achiwĩskaró, akẽshma toh aaraña tarima i aû a arañama i kakorskama untas pitakachipiró to' awa'baró. ⁵ Inkatama, to Patatishta awa'barma aû pitatenwá untasró akén pitas as as amẽshkapiró, tokén ka'prá to Cristo Jesúsyo. ⁶ To' eka ki'piró akén pi sã as amẽshkuwá akén Patatishta añahá as kilerpiró, toh Patatishta i atús pitaste Señor Jesucristoyo. ⁷ Akenma papekawá sukuhuwãwĩ as akuari tõ'kén Cristo tõ'wã pawaró pirsukuwãwĩ, Patatishta eyeshkaró. ⁸ Akẽsh tos ñahawá to Cristo to ekaña pitatenwã to circuncisiónñá Patatishta apin yarñá, to yarñe'piriró to tu'neiró atús kawishki, ⁹ toh gentiles Patatishta arari tishkerpiró to õihsie'ró. Tõ'kén kakorskaí: "AKENMA TASÑA PI ARÑAPA KRI KRÁ TO' GENTILES LERÑA PIRINRÓ EYESHKA AS PI EYESHPA". ¹⁰ Warki ñe'wã: "ARARI TISHKUWÁ PA GENTILESWÁ, PESH WRIHA PESH E'YÓ". ¹¹ I WARKÍ: "ARARITISHKUWA TO SEÑORYÓ, PA KRI GENTILES ÑARIÑAWĨ; TIS TU'NAUWÃWĨ TO' KRI PESH WRIHA EYESHKERPIRÓ". ¹² Warkí, Isaías ñehí: "ISAÍ APIS AS CHIPE, TÕ'RÕ TA ISHTA'PÉ I'ÑÁ ASÃ'TA A'KA TISHPE TO' GENTILES LERÑÁ. TO' GENTILES LERMA TO EKAÑARÓ AWA'KERPÉ". ¹³ Inkatama to Patatishta to awa'baró pita arari inuspiró to yar chaprénrí, pamawá wê pikachipiró awa'kerñá to' atapún Akuansayó Santo. ¹⁴ Taspeká ameshkama tõ'wá achẽ'kii aaya pañawá, ta arkiwas. Tas ñaakarii achẽn'kii ke pamawá tõ'wã ke musti akiñawĩ, musti to kri amẽshkayó. Tas ñaakawá achẽn'kií pamawã ke atapúm ña wê pikachuwã wĩ akuapé. ¹⁵ Akãró tas aaka kakorskaishkawá aken ta'pikapawá yas aaya asna pi'ta a'piró warkiã, irishki to don Patatishta tatenhiró. ¹⁶ Ima donma tas takachuma Cristo Jesús araba'ta as rawá ta túnrií to gentileslerña, kawishparií pare'kén to evangelioró Patatishta e'riró. Tas ĩ'ro ishpá to plato gentiles pesh e'ma akén sukulerpiró, consagrada tishpiro to Akuansayó Santo. ¹⁷ Akẽsh tas arari'ma Cristo Jesús ñai yas Patatishta e'ñá. ¹⁸ Akẽsh tas akapashpawa akentama to Cristo tasñá sukuhí to aña'ñá to gentiles leró. I'ka i yas kiima to akapash i ki'irí. ¹⁹ To' atapúm ki'irí eñarí, i to atapúm Akuansayó Santo. Ima Jerusalén ña rií tõ'chẽ arwichinlerá ima kãrarii llirico ken, taspeka wê'kaá papawá i evangelio Cristo e'ró. ²⁰ Ima akenma, tas rama evangelio ña hawá akãro piãma Cristo apinma ima ariparwá ima akenma tasña warka'tapá i aaya fundamento apin akuayó. ²¹ Ima inkenaí i kakorskaró: "TALERMA TO' TÃRÓ ASÑANI ÑA AS TE'BO'TUWÃWĨ CHÃPIWÁ, I TALERMA IN AÑÁ WESHKUTUWÃ, ARIHUPIWÁ". ²² Akãshkuá taswãha naarí obstaculizado wê kri naboparí pañawá. ²³ Akãro inkatama, tasma asnani to chaañama ke takachituwã to regionesña, wê amẽshka ishkarií kuí wê tu'teshkuama naboparó paña'ró. ²⁴ Akén ahíma tasma España naawá, awa'pá kachamaró tu'teshkuachẽ, tunlerpiró tahá taste ẽ'ñá parishkawaa, tika tas arorí ã as a a'pawá. ²⁵ Akãró inkatama Jerusalén ñá naawá to' araba'ta kawish paró. ²⁶ Akẽsh to' neí a'kama ararí to' Macedonia i Acaya, yar ishkuwá õihsileró kawishkupiwá to' kra araba'talerma tãro Jerusalénñaró aakeró. ²⁷ Ima eñarima ararí to efecto ma, ekalerma tõ'ma wishkerpicherwá. Akẽsh to gentiles to yas kawishkri to yasma eña akuansa e'rí, tõ'wã kawishkerpé to yasma cherma. ²⁸ I'ka akenma, ahpi ke tas sukuhachema ima to'ñaripé i awama certifica ki'pé to ekaleró, tasma napawá parishkawa to España ñá. ²⁹ Tasma ke ahí arihama paña na bo'pawá, to mustiña te'pawa Cristo kauñe'waró. ³⁰ Inkatama ta'pikaawá parõ, arkiwa to pitaste Señor Jesucristoró to ara en akuansaró, pamawá tapuró ishkupiwá tas asken yó to arñaha kapaskaró Patatishta tasñaro. ³¹ Arñahuwa tasñaró ke tayo'tishparó tãro to' arña wesh kerturó to Judeaña, to' takatunma Jerusalenña to araba'tama ta sukulerpiró. ³² Arñahuwãwĩ tas te'paro pawaña'ró arari' te'paró Patatishta Eka ameshkua ñe'waró, i tasma atapum takachipiro, asken paña'wá artapu' tawar kupiró. ³³ To Patatishta chaprén pitas krí ña a'piro. Akennaí.