¹ Eka tihkií: "Yarma táhkaka awáh, asná chuí pawa hí toh iñá akri experimenta ishkertipé toh ãnhí toh Patatishta a reino tehkua chelertání toh artapúnhna yó". ² à será akashkiwa, Jesúsma kawãkí á Pedro, Santiago toh Juan rí tawéhrí á wãhka ka áh asñá. Akásh eka peswaki yá akuátiski. ³ Toh áh iñáma warki kamásyartichehí á kobís, akabis ríh, toh nieve kenarií, toh asnáler kabís ishtakena a kúkñá kabis kíhpirií. ⁴ Akásh Elías a Moisés rí karpaskí toh eka awakiñá, a kés toh Jesús yó kapáshkí akrií. ⁵ Pedroma arkapeí Jesús ró tihkií: "Rabí, eñaí untás iñá akpií, untatáhwishkú kaõ menché kaápiró. Untatunnaú kaápiró papeasí, Moisés éhasí toh Elías éh así ka apiró". ⁶ (Pedro ma iró ñéwárurike érturií, toh discípulo krihroma chók yó akrií). ⁷ Wanáh as téh karmukí kaméhta asyó. Akásh añáhás apaskí á wanáh ñá: Ima keish tayerwaí, wéshkuwa. ⁸ Akés arwíchí chelerma, asnaní chelernihí eka yo, Jesúsma aspé akirí. ⁹ Ah wáhañá chih tehkera, Ekama tihkakií aschaní kaíshkertipiró a toh cherí, toh arwá ayerwá wákua tishkuatini éhka toh óhnileryó. ¹⁰ Akaswa néh akrií ĩ asuntohí eka rãh, akariki ekama ñéhí akrií éhká ekapé toh iró nehpirishki ekana "toh taishtah éhká ohniler yó". ¹¹ Ekama arkapehrí: "¿Inke terwá toh escribás ka Elías tá tehpií?" ¹² Eka tíhkakií: "Toh yarma Elías tá tehkuá restaurá ishpiró a toh yás krihró. Akashkí ¿Toh iké kakorskara akí toh arwá ayerwama tohke aisí yás kihlerpiwá y archelernimé? ¹³ Akariki táhkakawá toh Elías téhkiké, y ekama kíhlerpís kihrí, toh inké escritura néhwaké eka ñá". ¹⁴ Akásh eka warkiterma toh akua discípulo akriñá, akés cherí wriñá áhkaás arwachiró eka akri ñá, toh escribasma ñéh akrií ekayó. ¹⁵ Akásh eka chelerma ekaá, toh wriña áhka ásma chúh akrií y oóhrí ekañá y tí eña wíshkri. ¹⁶ Ekama arkapeí eka adiscípulos ró: "¿Iró ñehi akersa eka yó?" ¹⁷ Toh wriñakama as ne'hí: Kachawíshta pika péhkaí ta yeáh; "Ekama akuansã wuarkuas akachuwá á chapáshtu kíhwá, ¹⁸ Tóhya convulsiones kíhwá kúkñá ehrehtúhwa; aéyamúk akáspaskuá asapayá akihma arana akes arstiskua. Karkapa así pĩdiscipulos rá akaspaskerpiro akaraki ekamá akaspaskertihí". ¹⁹ Ekama karkapeí ekaró: "Generación incrédula hí, ¿Toh áhí ákpasa éhka pawá yó? ¿Inkásh aguanta kakiahpasa? Takapehkuwa tas yá" ²⁰ Ekama akapenhkrih toh yéh Ekaro toh akés akuansã warkuá cheí a Jesús ká, eka maripé arpei convulsiones ká. Akés a yehma chréhtokí a kúkñá akash a eyamúk paski asapayá. ²¹ Akés Jesúsma arkapeí atusró: "¿Kãa písh tohké akisa?" Atus ne'hí: "a yehrierí kihpehwá. ²² Asnalerñama túhwá a toh téwañá a toh asõñarí y tohke amaspiro rãh. Kauri as ríh, teh tarwarkú untaska". ²³ Jesúsma tihkií: "¿Toh tas í capaz ekana? Toh krihyasmaa posible hí a tá taro creeishkerí" ²⁴ A waripe a yea atusmá ñe'hí wáhní "¡Tasma creeishkawa!" Tarwarku tá incredulidad ká. ²⁵ Akashwa Jesúsma wriñaka óhleró kachewama ekayo, Ekama reprendé kií toh akuansã warkuaí y ne'hi: "Paí, akuansã kapáshtu y weshtú, táhpĩkaawá apasku ekañá, y warki teh tokutíhi ekaña". ²⁶ A toh wáhni akuansã ta minihí kií tapúrí akásh apáski ekayá toh yéhma chambarí toh asná óhnakenaí, toh pesh wriñama tohké ne'lerurií: "Ekama ohniro akí". ²⁷ Akásh Jesúsma asãwayá chíh sukúh ishpakí, akés á yéhma aáhkí. ²⁸ Ãhí Jesús natokuamá tohkaõ toh ahpará bahtá aulerá ãkaperí: ¿"Inken akaspaspatirísá?" ²⁹ Ekamá tihkakií: "Imá ãkuayó kapachka chituãwá toh ãña yopé". ³⁰ Toh wríhamá ãpacheríí tuá y tuhtechkríí Galilea ke. Ekamá tihkakihíí ãsnaní wechketipiró piañá akíriñá. ³¹ Inkará kachuwichkisá ahpará bahtá. Ekamá Tihkakíí: "Toh ãyerwá ãrwamá, arwáwriś ãsawañá wichker piríi. Tohwríhamá pakerpirí tohná õnpiñá. Akachkua Tohpakrí õnnataní anmaíkíí Ta inchtapíí". ³² Tohwríhamá wechketuríí TohñewÃríí. Akaro y ãkatileruríí Tohkaró ãkapelertiríí. ³³ Tohwríhamá Tehkríí a Capernaúm. Ekama Toh ãkaõñá ãkrííkakapehíí: "¿ñaha ichkrih ãrkapachkerá Tohtamá kakarí?" ³⁴ Tohkriró katí akríí. Tohmá arkapachka ishkríí A ekakerí ñeríí Tohtá karaña Tehkíí Taróahkakena. ³⁵ Ekemá chrechíí karwãníí ukuá pok tihkakíí pawayó, Ekamá ñehíí: "Toh ãstakí kihtichpirótohmá ãsuhtichkí tohkriró arkatuchtá, krihró". ³⁶ Ekamá ãsukíí yé ayé y patukíí tohwrí ãkríñá. Ekamá yé ãs sukíí ãkarayó y tihkakíí: ³⁷ "Akaró yeãs sukubamá Ta pinró sukuakeñá, Ãkaró ãstaka sukubamá, Tasró Takasukutuwá Akachkua Tohtatunhiwá". ³⁸ Juan Tikkí: "Kachiwichtá chanbashíí ãs kakapaskiã ãkuansá warkíí pipínyó y pehchabáchí irich patara chaútusá". ³⁹ Ákaró Jesús ñehíí: "Penhchákutíwá. Akachkuá asnaníí kihtuwá ãtapunyó kíí Tapínyó Tohkaró nau warkuá Tihtakáuró. ⁴⁰ Ákaró patasyó ãtihimá patasyó ãkíí. ⁴¹ Asná wishkuamá asó pawaíî Tohjá akaró Toh ehá Cristo. YaríÎ TihkakaÃwá Ekemá tochtipé arékonpensa ã. ⁴² Asná ãtatastumá a as ãyélerí thmátasró tarachíwá. Ãkaró toh sah ãká õ õhá tihká atawañá y takeñá tunlerpé. ⁴³ Pah pisãwá atatastimá, taku. Eñá tokú tapeshñá akachituwá ãsawá naú tenwá sa ãichkuañá. ⁴⁴ TOH WIH ONTIPIÑA AKASHKUA TOH TENWÁ TA Ô TIPIÑA. ⁴⁵ Toh pitahá ãtatas, pikîwãmá. Taskú, eña tokú pipeshró ãtakachituwá toh ãtahá pok ró tenwã́ pitunlerpé. ⁴⁶ TOH WÍH ONTIPIÑA AKASHKUA TOH TENW̃́ TA Ô TIPIÑA. ^{47 48} Piwaró atataskakiwãmá ákapaskú. Ãwá ãsyopé topreñahí Patatichta chuña toh ãwá pokyomá tenwã́ pitun lerpé. TOH WIH ONTIPIÑA AKASHHKUA TOH TENWÃ́ TA Ô TIPIÑÁ. ⁴⁹ Imakríró: Tahkeyó achelerámá parentishkerpé tenwañá. ⁵⁰ Tohtaké eñaíî, Toh také penpenenama õhkeuamá, ¿Warkí inkashkí tukupisá toh parewaró? Parawá také pikachupiwá, ararí a kuwawí as as pi arkiyowá.