Juan_HRomeroC-pay_jud_text

Capítulo 1

¹ Judas, Jesucristo arahshta, Jacobo arkirí, toro karwá nihrií, amados kristorí Patatuska, Cristoña en kaú. ² Ôhs wê kawishpiró. ³ Amados, atewa tá ka korski añaha toshkapiro, tasma tokara kanakaña, akataparó, ki as kawishki to araba'ta e'leró. ⁴ Akarõ yarma arwãma tish katira tishkerá tokrí pañawaba. Ima ña lerwa i arwãma ñe karmaskerpiró. Ekalerma to arwã wuarka lerwá, tõ'ña atamake kilerwá wñawetero, i arkase'lerwá to Jesucristo asperiró. ⁵ Inkata pita a'pawá, akrikí Pamawa kris te'kí aricheiñawĩ. Señorma tish kawashki to kuk Egipto ña, ti'ka te'ki warka'chei yar ñelertiriro. ⁶ Tõ'wa añgeleswá enkilertiriró eka Pesh atapun e'riró, tu'ñerí moradaró Patatishta kakuwakí astika kãrayo wẽ sukuaña ã to apishtiché. ⁷ I kauya Sodoma Gomorrama kaauya wrishma, arwichin aakrí, tõ'ke eka ameshke cherra ñawarkipera ishkera chilerurí kabaki nerí warki as te'tutewa ishkrí kachiwiskri eka ishkerke tenwãyo karatunhí. ⁸ Askén kilera i onchẽlerma tõ'wá ñawarkislerwá to atapun wẽ'ró akasnelerwa, araskera to kri gloriosoró. ⁹ Akarõ i arcangel Miguelma, ke amasara yo te anukuarurií Moisés aspeshkaoró, ima te'ki apisti pe'ti difamaki'tií ekaró "Patatishta ña ti'pikipe". ¹⁰ Akarõ i arwãlerma ña warki ñe'wa i kri arilerturá i ro ke arilerma Pesh wakuama irracionalesrí ima chẽ ameshkertuwã i kri yasma warkaché'wá. ¹¹ ¡Tis Chulera! Akashkua caín ata'ró tõ'ña warkuá chretokrí Balaanyó, tõ'ñaripiró ña warkuá coré ña. ¹² Ima ña lerwá to arrecifés chamartuwã aoría eñapesh e´rí ekapeka aã ishkerwá. Ekama wana'lerwá aso kukachituwã, ampishña pakwá Ekalerma pen lerwá atoñoña, awa kakachituwã kri pok onrí, apishyo ukrí. ¹³ Také ta ishpakuá akaiwalerwá, aeyá mu'tishki tishki. Piriwó ôhpe ishkwá taña to sukuaña tõ'ña pero a a'piwa. ¹⁴ Enoc tawak Adan chẽrichẽ eka erña tishte'ki; "¡Chauwá! Señor wrish eñaleryo te'kuá. ¹⁵ Ekama apishkí ki'pi pita aaña kri'ró, Ekama karmaste'kuá to kriro warkua ishtá to akatun workuá ishkriró i ña ha kapash kue'nima akarõ to warkua ishtama aña'ti'kiri ekaña". ¹⁶ Ima ña'warki akakonñelerwá, arñelerwá tõ'ña ña warkuaró karachilerweí. Ekama wã'ni woh kilerwá toña, ekapeshe'piró, akuaró arñelerwá. ¹⁷ Akarõ pamowá, añaha pita a'piwá apostoles ñe'riro to kekerimaa pitaste Señor Jesucristo ri ró. ¹⁸ Ekamá ti'kakiri parawohá: "To añ apíshtichẽma arsa'kaptalerpe te'kepé to warkuá karachilera nelerpé." ¹⁹ Iña ña lerwá i arwã te'kera tis tish kilerwá warkua ishtulerwa akuansa kakachituwã. ²⁰ Akashkuá pamawã, arki krẽsh, tõ'kẽ tishkuwá eña Santa arñahuwa Fe akuansari aakupiwá. ²¹ Patatishta eñaña aakupiwá õh sii awakuwã pitaste Señor Jesucristo yó. Pesh kao wẽ kawishpé ²² Ôhsi kakiuwãwĩ ekayowá yar akena'tãhi. ²³ Tis kasukuhuwá to tenwáña kakaspaskupiwá akualeró, õhsi kachi wish kuwá akatiyó. ²⁴ Inka tõ'ña kacheenkipé atatastipé, tarstesh aaki tish gloriosaró awa'pé arari wê te'ka sokua aka chitipé. ²⁵ Pitaste patatishta to aspeí, pitaste Jesucristo araña Señoripe, ekaña ararí pitasã'ta a'ka atapun takachuyó, ãn as te'kuarike inkata. Akẽsh achihí tishpe. Akenaí.