¹ Irish to' suma Sacerdotei, to'peshña akamanaskrii, apinró tukrii Uwãri en ishpiró ã peshyó Patatishta yas ishpiró, ekama kawishpirá a ahró, to'oysi warkvá ishkiró. ² Ekama en kiwá to'i arihturó tonski eka perihs to'ña aaki tapun akachituña. ³ Iro, ekawá kirpé nekachawispirá to'onleriró eka warkuá ishkiró, ã kiwake to'pesh warkuá kakachuĩ. ⁴ Papetshí asnani sukuhtipé ã honorvó. To´chiwaña, ekama patatishtaña arwahni, to´Aaranriké. ⁵ Anchike; Cristoma toçhani honrraakitihi suma sacerdoté tiskuáma: ã chuña, to´kapashkiaaki ekoyó ñehi: "PAMA TA YERWÃRIYA; INKATAMA TASMA AKUATISHKARI PITUSYÓ". ⁶ To´wá akenai ñehwá kuk akuá:"PAMA SACERDOTERIYÁ CHA´TESHKUPÉ TO´MELKISEDECKE". ⁷ Akãnskuá to´eka yucuriché, Cristoma ti´kakii arnehlera kape´lerpiró, ekaya asken, wahlera akahlerpé patatishtaró, ã pei to´en ki´pii onpirichẽ. Ekama weshkuakri to´oysiriró. ⁸ Akariké ekama aye erwãri, añah eñaro ahchwishki to´yas oysí tishkiró. ⁹ E´kama en ki´lera te´ki ishki, to´snkrihrowa añahleri añah weshkerá, ã tah eñaña chi´teshpé. ¹⁰ E´kama apima Patatishtaña artuki to´ suma sacerdoteké to´Melquicedecña ñehi. ¹¹ Untasma We´Untakachuwá Jesús añaha ñahapii, akema inkatama ohwaripé ã tahkakapii pawai inkatama añahweshkertipirishkera. ¹² Akesn akakariké ĩkuihi pawai achiwishtatishkrishki, Pama atewata ĩ pikachituwawi to´akuayá a tatiké kachiwishkari Patatishta añahró, ¡pawahwa kapa´ñawi ã tutú tiaró, sirá tahí-solida-! ¹³ Ankro asnama to´tutú tiaperó tokuama ama ĩ arihtui ñe´mehkaris. ¹⁴ Akema to´sira soridama a´ka pechepei. Ima to´ahkaleré̃ ama ké eylerwá ahchawishkrí to´eñari ã warkuari.