¹ Akanskua toh akuansama ama yaró ñehwá a ki'tehkuaí pesh tis tunnelerpé ã fe i ama nelera weshkerpé toh akuansa warkuai, toh walash kachiwishpii. ² Ãma kasai hipokrita. Ekama eña akachuras kilerwa cauterisada. ³ Ekama u hú yelerpé toh asawa sukuhlerpii sira sukuhri toh patatishta kiĩ kawishkí kaparkii toh creyentes yó toalerii te'krii arilerpiró ã yarhi. ⁴ Akanskua toh patatishta ishkima eñai, tisna chani sukuhapiró kaparen ishpé toh ma sukuhlertipé. ⁵ Éhkakes ta'kakaoró toh patatishta añah ñehwãyó toh arñehwayó. ⁶ Pa na kachiwishkima ayas toh to arkyó wá, pama katuista eñarupé toh Jesucristo yo. ⁷ Akema pama weshkutama a kihri ñehrikei profamas, amadas toh korta suwaleri. Akaro ichen ishku pieda. ⁸ Akaro pa unushtima toh ishkua amo cheh kilertuwã, toh piedadma eñaró toh yasró toh ma aña akachuwá a apeshi a apesh te' kuai. ⁹ Iñehwama tasma arihbarwá ekaró che' kipé aceptación. ¹⁰ Ima iñaro toh oysi bari tapu'yó katuishbara, untakachuras patatishta churas arihbawá, tasa toh salvadori toh pesh krihró, especialmente toh creyentes yó. ¹¹ Kapashku ã kachiwisku toh yas si. ¹² Pama uhúripé tisnani desprecie pa piyerwãriché, atamaké ishkú, inké toalerwa ã eyleri, toh añaha, cunductuari, amo hi, toh puresawa. ¹³ Tas te'katani, ishkupé toh awikawa ña, toh kaashki kachiwishkui. ¹⁴ Pama toh ya aakuti toh don payó aakii, paró piwishki toh profecia yó, ã impoción yó toh awahwa pesawa yó. ¹⁵ Chaú á yas i, toh ekaña chiwã, pahi a progreso i yari piró toh pesh krihró. ¹⁶ Chei wishkua wesh ku parish toh achiwishkuayó, nau a yas yó, inke toh ki'wa tohma salvapikipé parishki ã toh piweshkeri.