¹ Tóh ake Cristo misí tishkí apeashka, Pawáwá to'ke kauwá. Tóh ta visi tishkí pi warkua pirpeshki. ² Tóh pesh inkatama aké chitwá tóh akua cherké, inkatama patatishtaperó enkií chvá. I tóh kri chipi; ³ Tóh tish we'tu'teshki tóh kirepiró tóh gentiles kaiskakiwaí: Sensualida akayleri misonta, bacanales orgías akatiká war kua idrlatria abominables. ⁴ Eka eiremá akua kenchererá tóh paró ki'tu keish kuturó ekayo akes eká na'warki ñehererá Parowá. ⁵ Tóh ekamá náñelerpe tóh atá karwakaish kuaña wakua I onnileri. ⁶ tóh ti'kaki'rikiá Pesh Peshyó Peshké. tóh ke chilerpiro patatish ta'akuansa yo. ⁷ Akes inkri tu'teshkuama akaró pisá eñapakuá I eñapa ameshkua pisayo tóh eña picanepiró arñe'hima. ⁸ Tóh yaskri chuí eña pakuá arra eña pakuá as y akuayorí akes tóh arraeñamá prohíñe'tua tóh warkua akarchu tóh akuá. ⁹ Kachauc, hkuwá kao wishkupiwá as I akuayorí áñahutu ¹⁰ inka pawáas as kawishkriraí tóh don unkau ake h unshaumiwaró as I akuarí pá mayordomo eñaké tóh yas eña patishta penwaí ¹¹ Tóh taró ñe'wamá tóh patatishta añaáriña tóh taro as kawish pirishkuama unchaos, tóh patatishta a Fortaleza ke'wá kresh pask yó. kua akesh tóh kresh yásñá patishtamá enkiwá JesusCristó. La gloria y atapun aké sskuá chayo toke I ake amen. ¹² Ta'arki ameshkutiiwá tóh Jucio arnewá te'kuai akua aské kakií akaumá ¹³ Inkarike pawaí cheremá tóh JesuCristo oisí tishkuaí arrarí tishkua, tóh aké arrari tishkupiwaró I arr arí aakuwa tóh auhí aa kí de su gloria. ¹⁴ Tóh pá warkuá kacherémá Tóh Cristo apin rishkrá, Pa ma eña pika ne piwawí tóh akuasa eñayó de gloria I patatishta akuas amá payó aa kiwá. ¹⁵ Inka pa asnaní Chani oisí tishtipe tóh peshwarkike o kaishtishtá o warkuaishtá I natokutipiró tóh akua ishkerí ¹⁶ Akes taró tóh ayeérke oisi tis Kuaí I ishpikiti I akes akastechkuá eiyeshki patatishta apinha. ¹⁷ Akes ínmá aeí patatishtá akaoña Juicio toña'ta te'peí I untasñatá te'kuamá ¿inro ñe're pisa ekárerí to'karó wech kertí el evangelio patatishta eá? ¹⁸ I akes tu'arwa eña wetai tóh en akanetuírkeá, ¿inró te'kuasá tóh ta pesh workua ishtá? ¹⁹ Tóh akaró taró aisí tishk erí patishta ata pakerá akatiutú chauwá pikuansayo tóh ata ka'tayó, inke ekamá eñape ishkera.