Juan_HRomeroC-pay_1pe_text

Capítulo 2

¹ Akesmá tukuwá krihró toh ñah warkií, arkasaí toh warkvawá. ² Tishkerá toh ye'mehkaké, chií tokishkirí toh asó apaskuá apeshña eka akuansaña, pamaií tawehupiwaró toh tah sukuhpií. ³ Tokaró akamaskachí toh patatishta eñaí. ⁴ Te'kuwãwĩ toh eñataró sá wakualerií toh paskerí peshña ã talersá toh herií patatishtayo eñalerú. ⁵ Pa'wai toh saĩ wakuá lerwaí iriskiñawisá kaó ishta toh akuãnsaí, eña a akpiró ñah natá pahparó amaskuamá akuãnsaró kawishkupiwá eka patatishta sukuhpē toh Cristo Jesusí. ⁶ Ñehwá toh kakoskií, "CHAÚ, TAAAAS TUKAWA SAÁS, TO'TALERWÁ TOH AKAMANASKÍ Ã EÑAÍ TARO EKA YAR ÑEHWÃMÁ I'TIKITI'PE." ⁷ Akashkuamá eñarish Pawá ñahweshka "TOH SÁH CHAISHTAN KI'RÍ KATUISHTÁN KIÍ TOH YAR I' ASUNTAÑA ACHIHÍ," ⁸ "SAÁS CHUWÁ AHTA'TAKEPÉ AHTATASKEPÉ TOH SAAYO." Ekamá ahtataskepé ñah wesh ishtan kakiwá ekama tohwá ti'kaki'rí. ⁹ Pamá pirkamanashií, arwã eña yiyá, kaá uyá eñaí, arwã tis kakachiró patatishyó, pama ñah upiwá eñaí toh má ishkuaí toh pitarwaniyá sukua toh kamaskuaña. ¹⁰ Pawaí Peshtahriñawĩ, inkitama pawaí peshriñawí, patatishtayo pamá sukuhlertií toh õhsií inkitamá pamá wartapehí sukuh uwá toh õhsií. ¹¹ Amados, tasma karwahnawá toh ku'akua chatalerí toh ku'akuá chi'te'kererií in ishkertuwã warkuámá, akesmá anu'kerá inká kesmá pitá kuansaro anu'kera. ¹² Pawaií kakachi'lera ñah eña ishkerá toh gentiles yó, irishro, toh yás hishkeró warkua. Ekama cheçhelerpé toh kapashkeri toh patatishtahá toh te'piché. ¹³ Ñah weshkuwãwĩ krihró toh patatishtaña ná, kauwá toh ankaí. ¹⁴ Taro Patasantá toh katuhií ña kaki'piro toh warkuá ishta én ishkua toh ishkerí. ¹⁵ Akesmá ka'pá Patatishtá, tohkema en ishku pamá kapashukutuwã pamá wesku tú kena rií toh ñehlerí. ¹⁶ Inké peshmá katúm akachituwã, kautirí tu' armukuaí toh warkuaí. Akemá patishta ayerwã kenalerwã. ¹⁷ En kakauwãwĩ toh pesh krihró. Ēn pakuwãwĩ. Akatiú toh patatishtaró. En ishkuwã toh rey íh. ¹⁸ Katún ishtán, weskerá toh tasa ák krihró, ã respetoyón, ha'ró toh tasaá eñaí á gentilesyó warkualerí toh ¹⁹ Toh akaro tah wishkuá apahnakiwá asma toh oísií toh en ishtií patatishta wakiñá. ²⁰ ¿Pishrasá ñahri chuwá toh warkuá ishtahí? Inkitamá oysireras toh má ñas kilerpé toró ishkimá eñaró wãri oysi tishkupé wartapehí ñas pikilerpé, ĩhmá patatishta wakía. ²¹ Pamá pirwahnarií, ĩhké cristomá ôhsií ki'rí parish. Akasteshkíí toh atah ñehwãí. ²² Ekamá warkuá ishtihí; asnaní chenií arka sa'chaní apastií asapañá. ²³ Ĩhke risá ñahwarkirí. Ekamá ñah warkií ishtí asuké. Ihke ekamá ôhsií ki'rí, Ekamá asnani ihtihí asuké, Ekama Ĩ ishtihí. ²⁴ Ekaró atukí toh warkuá untakachií a peshwá pakí ã pehñá, toh karo má untás untakachitipiro we'toh warkurií, iken eña chaparpiro akesma, pa'waí ĩ akashituwá. ²⁵ Krihró pawaí asnaní kakachi'tihiri como obeja toshkiñá inkitama wartapehí te'kera pastor pesh kuansa toýá kashewá.