¹ Acha en kíi kauwá ĩhka kapaũ tapura dones akuasalerí, toh pawá na ahaha en ki'ler piró. ² Akes toh kapashkua añaha as í tohmá kapashtuma peshyó, tohma Patatishtayo í, tohma asnani añaha arihtuwã, akaró kapashkua añaha auhirí akuasayó. ³ Akashkua taro profetiza ishkuama, kapashkuá peshyó katun en ki'piró, akaró en ki'lerliró. ⁴ Taro a uwayo kapashkuama en ki'pek ekapé, ihka añaha en ki'wamá katun en ki'pé a sikinkaoñá. ⁵ Inkatáma, tasma krihró pawaí ka weishtakiwá kapashkerpiro a uwá añaha akuai. Akaró ama wehri, añaha na ki'lerpiró. Toh eka añaha ki'wá ama a'kaí, toh ñehuá a uwa akuayó (Akaró asnaña na añaha wartukuaña akes sikin kaó en katuishki tawehpeih). ⁶ Akaró inkatama, ta arkiwa, tas ró te'kama pawañá kapashki a uwa akuayó, ¿Inkan na kawarka? ĩ ka'tapá, akariki kapashkapetahí kapashka õh chaarikema, na kachawĩshparó. ⁷ Toh instrumento lerí arahlertuqueña, akirikí añaha arpaskuá, toh arwakeña ekalerí añaha apastuwá o inken arihpisa ĩ awahna eka arpa á o arwá á? ⁸ Akashkuá trompetaro ta pehuamá a awahna ekatahi, ¿Inken irihbarpisa na barpina arnukñá? ⁹ Akenaí pawayowá. Akes kapashkermá añaha chéñehlertukeña ama,¿Inken aríhler pisa iró ñehwa aasrí toh ñehlerí para í? Ñehlera aakerpé, akaró asnani pesuhtotipé. ¹⁰ Akaro añaha akua akuá chuwá kuk pitentaña, akes tohma en taweshkewá. ¹¹ Akaro, tasró añaha akuaí aríhtama toh kapashkuaña, taí extranjeroke tachemé, akes toh kapashkuama tasyo extranjero ke chamá. ¹² Pawaí askenaí. Akaro pawaí akuasa chaĩshkihlerwá, kaishkilerwá en kilerpiró a sikin kaoña. ¹³ Akashkuá taró a uwa akuayo ñehhuamá, na kapashki arñe'tiki Patatishtayo en aríhpipiro toh añaha iro ñehua asrí. ¹⁴ Akaro taís arñetikama a uwa akuayó, ta kuasamá arñétikua, akes ta samañama ertuwã. ¹⁵ ¿Iro ishpasa? Arñeti'pá ta kuasayopé, akariki arñáti'pah ta samañay opé. Ayespá ta kuasayopé ĩhka ayespá a samañayopé. ¹⁶ Akaro akuasayope Patatishta arkapakbarmá, ¿Inke ñéhpisa "Amén" aráhnayataí, ihka pawaí kaparka ishkerí, ĩhka ekama arpihtuwá, iró ñehle asrí? ¹⁷ Pawaí yar ma kaparkera en ishkerwá akashkua pesh akuama ahrarí a a'tuwá. ¹⁸ Akaró ta Patatishta kaparkawá a uwa akua ñabarish ĩhka pa krihka leri pawaí. ¹⁹ Ihka tasma sikinkao ñama añaha ohki periki ta sa maña pokawá ayó na kachuwishparó pesh akuarí, akes diez mil añaha a uwa akuaí. ²⁰ Ta arkiwa, ye'ke ameshkutiiwá. Akaró. Akes pa amesh kermá ameshkuwá a'kaké. ²¹ Akes ley ña kakorskarúakí: "TOH ARWÃ A UWA AKUA ARIHBARTUIÑA IHKA AKI KAWÃ ARÍHBARTUIÑA, I TASMA KAPASHPÁ Ĩ TA KAHA I. AKARIKI EKALERMA TA WESHKERTIPÉ", Ama Patatishta ñehuá. ²² Akashkua a uwama ama Señal í, toh Patatishta añaha eiler tukeña. Akes toh profecia ama señal kenyoí toh aríhlertumá, akes aríhlerkeña. ²³ Akes sikinkao krihró nelerí, atau wẽhlerpé, akaró tokerpé arahna aakrí ĩ arihler keñarí tokerpé, ¿Ñelerpé pawaí akrí locos? ²⁴ Akes pawai krihrpi achawishkerma toh aríhlertukeña, aráhna chileró, achawishen kí'lerpé toh krihró weshkuaí. Ama juzgado ²⁵ A secretoma pí turusayo añaha apaspé pesh awakiñá, ĩ akes ama Ekama taenpé awata pakñá akashki na adorá ki'pé Patatishtaró. Akes Ekama ñéhpé Patatishtama yar patasyo aakí. ²⁶ ¿Iro te'kuasa, ta arkiwa? Pawaí tauwẽhlerma, as as akichií salmo as achawĩshka asrí, õn asrí, ishkerpiasrpi a sikin kaoñá. ²⁷ Taro a uwa akuaro ñehwamá, pok mai lerá ihka as as kiklerá, ihka akuaña ñehí iro ñéhuasrí. ²⁸ Ihka chituma taya aweshpiro to iro ñehuasrí, aró akema katira tawarkarena sikinkao a saaañá. Akes as as kapashkí a ekayope ihka Patatishtayorí. ²⁹ Akaro pok ¿, may profeta kapashkerá aró akualermá weshpé weshkerá iro ñé'hua asrí. ³⁰ Akés a õnro péhlermá tohma toh en kii pakuá, akes to kapashkí aakima inkatama kativa akpé. ³¹ Toh'karo pawa askrí profetiza kouwâ kriaspes tõ'chẽ ofrenda krirro eñalerpé. ³² To' akuãsa profetaslerí awa' aa'krí to' control de los profetas. ³³ To'karo kortalerí enkilera katih to' iglesiaya. Inkro ekalerí kapash kawishkatanhí. To' awartu'ma eka aa'kerpé en sumisión to' ley ñehwaké. ³⁴ To' kortalerí enkilera katih to' iglesiaya. Inkro ekalerí kapash kawishkatanhí. To' awartu'ma eka aa'kerpé en sumisión, to' ley ñehwaké. ³⁵ Akua anchawishishkaki'wã, pesh arwa kahkape'ra akaoya. Inkro indecorosai' korta as kapashkua to' iglesia ya. ³⁶ ¿To' añahta Patatishta te'ki payowâ? ¿O payapero arun hirí? ³⁷ Akua ameshkua tishpiro profeta a akuãsa. Arihripe to' kakorskai i payowa mandato as i del Señor. ³⁸ To' akua arihtuíh ĩ-ĩ'h, to' pesh kaatan arihpra. ³⁹ Ãkashkua to'kẽ, taarkiwâ, deseen fervientemente profetizar prohibikaotiwâ asnani kapash auwayo. ⁴⁰ To'karo kriyas kaaripé to' propiedad inka tu'tu.