Juan_HRomeroC-miq-HN-miskitu_mrk_text

Numbika tara 5

¹ Bara wîtin nani balata lakun baila wala wina Gadarin nani uplika tasbayara. ² Sin minit ka kat Jîsas ai butka wina bal iwan taim, waitna kun spîrit saura brikanba raiti tila wina Jîsas lamara balan. ³ Naja waitnikaba raiti tilara iwi takaski kata. Ûpla satka kumi mita sin alki takaskras kan, sîn wal sîn apia. ⁴ Aima manas wilki brikata sîn wal. Wîtin kaba sîn nani sut ba datbikata an âyan nani sut ba kriki tiki kan. Upla kumi sin karnika apu kan witin ra alki takaskaya. ⁵ Tama an kâkna raiti an unta biarara, kisbi bara selp ai tâyara walpa mâla wal klakikan. ⁶ Witin Jîsas ra kaîkantaim laij wina, plapata mawanra waya dukiara an ai lûla krikata Jîsas lamara balan taîm. ⁷ Witinba kîsban kârna pali: “¿Dîa daukayasna yan manwal, Jîsas, Dawan Gaad lujpia? Bick maitakisna Dawan ninara, rau aisaukpara”. ⁸ Kan Jîsas mita naku wi kata: “Tâki was naha waitnika wina tara wina, spirit saura”. ⁹ Wîtin ba mâkabi walata: “¿Ninam día?” Wîtin mita una kaki naku wisata: “Yân niniba spirit saura daknika tara, kan yân nani uba ailal banjwis baba mita. ¹⁰ Bara wîtin mita bîck takan aima wala praiska kum naha tasbaya wina tasba walara blickbiara. ¹¹ Nawas kuirku dak rika tara kum barakan sajha bila kumra an bara plûn dakaki brikata, ¹² bara bick takan, naku wijh: “aiblicks kuirku nani tilara, châns aik witin nanira dîmi wâmna”. ¹³ Bara Jisas mita adar yaban, baja spirit ka saura nani baja waitnika wina wina taki bara kuirku nani ra diman, bajnan kuircka plapata sajha bila bak ku, kabu majta, kuirku tausin wal pitka baha kabukara dimi katwi pruan tacksut. ¹⁴ Kuirku maîn kakaira nani ba tâwan bilack plapi dimi wimajwan, dia sut takan ba tâwan uplika nanira wîyaya dukiara baha kuirku main kaiki kan pliskara. Bara baku mika upla ailal pali bâja plîskara wasata diara nani tâkan ba kaîkaia dûkiara. ¹⁵ Jîsas ra balan, bara baja mînit kara kaikata baja waîtnika spîrit saura brikan bâ, spirit saura daknika tara, naha waitnikaba lika iwi kata pri pali, aî lûkanka yamny paîn wal bara taûn ûplika naniba sîran îwata. ¹⁶ Baha ûplika nani aî nâkra kaîkan kan ba waîtna sîpirit saûra wina pri tâkan kan, upla wala nani ra dîa takan kaikan wi kata, an kuirku nani dukiara sin. ¹⁷ Bara baha ûplika nani Jîsas ra bick tâkan aî tâsbaya wina maka wâbia dûkiara. ¹⁸ Bara Jísas ai butkara kli aimankan taim, baja waitnika spirit saura wina pri takankanba witin lamara balan. Baja waitnaba bick taki kata chans yabia witin wal waya. ¹⁹ Jîsas mita chans yabras kata, kuna naku win: “was wamplara ǔplikam nani tilara, an wis Dawan manra dia mai daukanba dikiara, an ûmpira mai kaikan ba dikiara sin". ²⁰ Baku mika naha waitnika ba majka ai tasbaya ra wan asi kata diara tara Jîsas wintin dukiara daukanba dukiara dîcapulis tâwankara. Ûpla sut lîlya tâkata. ²¹ Jîsas maka ai but ka wal kâbu baila walara luwi wan taim, ûpla kuara tara bal kutban, an witin ba buwi kata kâbu baila wâlara. ²² Sinaguk ta ûplika kum, nina Jairo, balan Jîsas ra kaikan taîm, wîtin mînara kahwan. ²³ Bick takan aima kûm an aima wâl prais, naku win: "yân luhpi mairin pruwaya bailasa. Bick maitâksna, balma an mihtam kahma witin purara bara baku mika wǐtin râwankabia an râya kabia". ²⁴ Jîsas wasata Jaîro watlara an ûpla kuara nina blîkata an kâsak tûtukra pali kata wîtin yabalkara. ²⁵ Baja plîskara mairin kum barakan paûni munan sîknis ka kum brikan tuêlp mani. ²⁶ Wîtinkaba uba panis takan kata rawaya dukiara dactar nani mihtara, an lalah uba ailal bri kanba sut tiakan rawaya dukiara, kau bitar takaya watlikara kau saura takikataba naja mairkaba. ²⁷ Witin walankan Jîsas sturka. Jîsas ninara wan upla kuara tara tîlara, an Jîsas praka mahtara kânban. ²⁸ Naja mairkaba naku aîsan: "wîtin kualka tâ bara kânbamna kâka, yân rawamna". ²⁹ Naja mairka Jîsas praka taura kanban taim, wîtin talya plapi kan ba tâkaskan, bara aî dajra walan pat râwankanba. ³⁰ Ba minit ka kat Jîsas ai dajra walan karnika tara witin wina taki wan kanba, wîlwi tawi upla nani ra makabi wâlan: ""¿Yâ aikanban?" ³¹ Disaipel nani ba naku aisan: "Kaikisma ûpla kuara tara ba mai taibisa, bara man bila wisma: ¿yâ aikanban?" ³² Kuna Jîsas kaikan aî snaya aiskara yâ witinra kanban sapan. ³³ Naja mairka dia takan ba nû takan taim, sîbrin an tatâtwan: witin balan Jîsas mawanra an kahwan bara diara raitkaba win. ³⁴ Jîsas mita win: "Luhpi mairin, kasak kam lukanka ba mita rauramsa. Prî laka wal was an sîknis kamba wina rawi". ³⁵ Kau naja nani sturka aisikan bara, Jaîro watla wina bal naku aisata: "mân lujpiam mair pat pruwan. "¿dia mata Sasmalkra ra nais takisma?" ³⁶ Jîsas walan taim naja nani sturka, Jîsas mita Jairo ra naku win: "sîbri para. Kasak lucks". ³⁷ Jîsas mita chans yabras kan ûpla ailal witin wal wabia Jairo watlara Pita, Jân, Jacobo muibika baman. ³⁸ Wîtin nani Sinaguk tâ uplika watlara bâlan. Jîsas kaikan ûpla ailal ra, bara baha nani ûplikaba sari pali âtia kata, an ini mahwi kân. ³⁹ Jîsas baja watlara dimi wihki, naku win: "¿dîa mata sari atiasmaki, dîa mata inî mawisma? Tûkta mairinba kau prûras sâ, yâpi sâ". ⁴⁰ Baha nani ûpliba kikata Jîsas lawaska. Jîsas buwi baha nani ûplika sut aûtra sakan, baha tuktika mairin yaptika an aisika baman aikuki, tukta mairin aîtiki kan bara dimi wan. ⁴¹ Jîsas baja tûktika mihta taura alki, naku win: "Talita kumi", tânka sa, " Tûkta mairin lupia, manra mai wisna, bûs". ⁴² Baha minit ka kat, tukta mairin lupia ba kuasî tit buwi iwan, (an tuep mani brikan naha tuktika mairinba). Ûpla bara kan nani sût ba sîran pali iwi mahwan kata. ⁴³ Adar yaban Jîsas mita upla wala nani nû tâlbiara naha tuktika mairin dukiara. An plûn yabia âdar ka sin yaban baja tûltika maîrinra.