1 Jisas almuka nani sut nina bukka; Jisas Krais, Devid Luhpia, almuka Ebraham. 2 Ebraham, aisak aisika, Aisak, Jecob aisika, Jecob, Juda bara aimuhni nani sut aisika, 3 Juda Tamar wal, Fares an Zara wal aisika nani, Fares, Esrom aisika, Esrom, Aram aisika. 4 Aram, Aminadab aisika, Aminadab, Naasón aisika, Naasón, Salmón aisika. 5 Salmón Rahab wal, Booz aisika nani, Booz Rut wal, Obed aisika nani, Obed, Isaí aisika, 6 Isaí, Kin Devid aisika. Devid, Urias Maritkam wal, Salaman aisubi takan. 7 Salaman, Roboam asika, Roboam, Abías aisika, Abías, Asá aisika, 8 Asá, Josafat aisika, Josafat, Joram aisika, Joram, Uzías aisika. 9 Uzias, Jotam aisika, Jotam, Acaz aisika, Acaz, Ezequías aisika. 10 Ezequías, Manasés aisika, Manasés, Amón aisika, Amón, Josías aisika. 11 Babilon nani, aitasbayara Juda uplika nani ra brih wan piuwara, Josías, Jeconías aimuhni nani sut aisika. 12 Babilon nani mita Judá ra aitasbayara brih wan luan taim kara, Jeconías, Salatiel aisika, Salatiel, Zorobabel almuka. 13 Zorobabel, Abiu aisika, Abiu, Eliaquim aisika, Eliaquim, Azor aisika. 14 Azor, Sadoc aisika, Sadoc, Aquim aisika, Aquim, Eliud aisika. 15 Eliud, Eleazar aisika, Eleazar, Matán aisika, Matán, Jecob aisika. 16 Jecob, Maria maritka, José aisika, witin nani bak Jisas aisubi takata, an nina ba naku makata, "Krâis". 17 Ebraham wina Devid katba taim ba luan sa, 14 Devid taimka wina, Babilon nani balki Juda nanira aitasbaiara brihwan piuwa katba, taim ba luansa 14 Babilon nani mihtara kahuan wina, Jisas taimka katba, taimba luansa 14. 18 Jísas aisubanka ba naku natkara takata. yaptika Maria ba, ai pramiska waitna kum brikan, marit takaia dukiara, nina ba makikan "José". Wal, marit lakara kau asla takraskan taimkara, witinba Spirit Hulikira saitka bak kuihra takan kata. 19 Pramas ka waitnaba, waitna kum lakat an suhnu pali kata, upla mawanra aipramiska mairin ra mawan swira paskras kata. Sa kuna, witinba yukuanra aipramiska Maria wal brikataba, krikaia takata. 20 Baha nani sut daukaia lukanka brikan piuwara, Dawan Insal kum witinra yaprisauhkan ra param taki naku wisata: "José, Devid luhpia, Maria ra marit kam baku briaia sibrinka bripara, kan witin insaitkara ba Spirit Hulikira wina yansa. 21 Witin luhpia aisubi takbia, bara man mita naku nina makma, "Jisas". Kan Witin mita ai uplika ailal ra aisaurka nani ba wina suaki sakan laka yaban kabia. 22 Naha sut na takaia kan, kan prapit nani taim yari aisi aula kan Dawan dukiara, an naku aisikan: 23 "KAIKS, WAITNA KAKAIRA APIA MAIRKA KUM WINA TUKTA KUM AUSUBI TAKBIA, NINA BA NAKU MAKAN KABIA, "IMANUIL", NINA TANKA BA LIKA, "DAWAN BA YAWAN TILARA SA". 24 José Yaprisauhkan ba wina buan, bara Dawan insalka mita win ba, pitka bakat daukan, witin Maria ra ai maritka baku brisata. 25 Ai luhpia kau aisubi takras kan piuwara, witin aimaritka wal kau asla yapras kata. Tuktaba aisubi takan. Bara witin mita naku nina makata, "Jisas".