¹ Maprika sturka kum wal naku aisi smalkan, pura sunra suiaia apia dukiara. ² Naku win: "plis kumra waitna kum barakan, witin lika tawan witka ra, Dawan ra an upla alsut ra kulkan ka yaras kan. ³ Pliskumra piarka kum barakan, pirka lika samtaim wihta watlara wikan, auia taim naku aisi wikan: 'jelp aimun win takamna waihli ba mapara'. ⁴ Piu ailal bilara witin lika wilin apia kan piarka ra jilp munaia, sakuna yu wihka luan ninkara selp naku makabia walan: 'yan Dawanra, waitna ra sibrirasna sakuna naha piarka na lika uba pât aikisa baku bamna ⁵ yan jilp munamna an witin lika daukamna, baku lika waitlara naiski takaia balba wira suibia' bakua aisin". ⁶ Bara baha Dawan ba mitha, naku win: "wals wihta taniskira aisanba. ⁷ ¿Dawan Gâs mitha prî laka yabras kabia ki witin mitha wahbi sakan waitnika nani witin ra tihmia an kakana winiba? ¿ahwa tiubia? ⁸ Rait pali mai wini; isti pali witin lakaba daukbia. Sin ba baku, upla luhpika waitnaba balbia taim, ¿kasak lalukra ailal wal praubia?" ⁹ Maprika sturka ni naku aisan, kan baha aslika tilara upla barakan witin lika kasak sa sakuna ai walkara misbara kaiki kan: ¹⁰ "waitna wal tempel ra wan ai pura sanaia dukira, parisi kum, yuti mana brabrira kum wal. ¹¹ Parisi ba selp ai dukira baman, naku aisi kan: 'Dawan, tinki mai wisna kan yan lika aimplikra apiasna upla wala nani bakua apia. Saura dadaukra nani, marit takras aimia brî nani ba, yûti mana brabrira witin na baku lika apia. ¹² Wik kum wina yû wal plun piras lî diras puri sunisna. An ten bani wina kum tabisna Dawnra'. ¹³ Yûti mana brabrira waitnikaba lika, laihura buwikan an ai nakra sin kasbrikara kaikras kan, sei ai lama bilara wipi wan, naku aisin: 'Dawan, yanra umpira aikaiks, kan saura dadaukrasna'. ¹⁴ Jîsas mitha ai disaepelka nani ra, kli naku aisi win: rait pali mai wisni, yûti mana brabrira kanba patkas baku kulkan sa, kan ani uplika ai tarka pulbia kaka, tasba kat kauhbia an ai suira takan kabia". ¹⁵ Upla ailal ai luhpia bruwi kan Jîsas ai mitha wal kanbia dukiara, sakuna, disaepel nani ba kaikan taim, lawi daukan alsut ¹⁶ ra.Sakuna Jîsas tuktan wira ra winan balan, bara naku aisi win: "tuktan nani ba suis yanra balbia, kaina dakpara. Kan jeven king ka lakaba witin nani dukiasa. ¹⁷ Rait pali yan mai wisni: ani uplika jeven kingka laka tukta kum diara liliakira ni alki brî ba baku alki briras kabia sa kaka, sip baha ra dimi wabia apia". ¹⁸ kulkanka tara yabi an upla ailal kakira waitnika kum mitha Jîsas ra, naku makabi walan: Smamalkra painkira-yamikira, "¿dia daukamna kaka raya bankaia laka ba brinasa ki? ¹⁹ Jîsa pana win: ¿di matha painkira-yamnikira ai wisma ki? natasbara upla painkira-yanmikira kumi sin apusa Dawn Gâd jeven ra ba baman sa. ²⁰ Man Dawan Gâd laka an adarka ba pat kakairasma: upla maritka bripara, upla yaia ka tikpara-upla ikpara, imhplikpara, witnis kunin aisapara, aisikam an yaptikam kulks". ²¹ Baha waitnika mitha Jîsas ra kli, naku aisi win: "dia aisaram nani alsut yan daukisna wahma kari ba wina naiwa yua kat". ²² Jîsas naha walan taim, kli naku win: "diara kum kau daukaia nitsma. Diara an brisma nani alsut ba atchs wabia an upla umpira nani ra yas, kan baku lika presant ailal brî kama jeven ra, bara baha ninkara nini bliks". ²³ Waitna lalahkira ba naha sturka walan taim kasak sari takan kan witin ba upla lalah ailal bri kanba mitha. ²⁴ Nanara Jîsas ba kaikan taim kasak ai kupiara sari brin. An nakua, aisin: "kasak isi apia kabia lalahkira kum jeven kingka ka ra dimi waia. ²⁵ Kiamil kum silak intikalpia kum kuk dimi luwi wabia kau isi kabia, lallahkira kum jevenra wabia ba wal". ²⁶ Wali mahwi kanba, naku aisin: "¿ya, sauk takbi ki? ²⁷ Jîsas kli, pana naku aisin: "waitna nani mapara lika diara sip apia dukia nani barasa. Sakuna, Dawan Gâd mapara lika sip apia dukia kumi sin apu sa". ³⁰ Pita naku aisin: "Pain, yan nani lika dia an brî banhwi kapri ba ninira suiri, man ninam blikaia dukiara". ²⁸ Jîsas, pana naku aisi win: "rait pali mai wisni; ani uplika ai watla, ai maya mairin, ai muihni, ai aisika, ai tuktanka, jeven king ka laka pain kaba dukiara swin sa kaka. ²⁹ Nâ, tasba wina lika diara ailal briras kabia sin, Dawn Gâd kli balbia taim; raia bankaia laka ba bribia". ³¹ Ai disaepelka tuel (12) alsut ra asla dauki, naku aisi win: Kaiks, yawan Yerusalem ra uli wabia, upla luhpika waitna dukira prafit nani ulban ba sutkaba aimankan kabia. ³² Kan witin lika upla kasak kira apia nani mithara mankan kabia, suira sin daukbia, yabala sin tuhbia an kasak maya kat alahban kabia. ³³ Wipi lubia ninkara, ikbia sin, sakuna yu yumpara (3) witinba kli bubua". ³⁴ Witin nani lika sip pain ai tanka briras munan. Kan maprika sturka wal aisi kan ba mitha. ³⁵ Jîsas Yeriko matha impaki kan bara, Bartimiu dur taura iwikan an diara sin makabi kan. ³⁶ Witin upla nanira makabi walan, yâ balauia sa ki. ³⁷ Upla nani mitha win, Jîsas nasaret wina ba balauia sa. ³⁸ Blain waitna ba, naku karna pali aisi wikan: "Jîsas, king Devid luhpia yanra sin umhpira ai kaiks". ³⁹ Witin lamara kan nani ba mitha bila prakaia trai munikan ai bila prakbia ba dukiara. Sakuna witin lika, kau karna aisi kan: "king Devid luhpia yanra sin umhpira ai kaiks". ⁴⁰ Jîsa takaskan. Bartimiu ra, nara brih bal an sin minit ka kat brih balan. Jîsas lamara balan taim, witin mitha Bartimiu ra naku makabi walan: ⁴¹ "¿man dukiamra dia daukamna wantsma ki?" Bartimiu pana win: "Dawan, yan naikra brin ai daukisa". ⁴² Jîsas kli naku aisi win: "namkra bris. Kan, kasak lukram ba mitha rauram sa". ⁴³ Sin minit ka kat, ai nakra brin, an Dawan ra mayuni witin ninara wan. Upla ailal ba mnaha kaikan taim Dawn Gâd ra sin mayunra yaban.