1 Jîsas plis kumra ay pura suny kan bara, witin disaepelka nani kum buy naku aisy win: "Dawan, lan wan dauks sin, Yan tatahbra ay disaepelka nanira nahki ai pura sunaia lam daukanba baku". 2 Jîsas pana naku aisi win: "Man nani puram sunma taim naku aisas: Aisa, ninam hulikirira ba kulkan kabia. Man king aimakaia ba yarka balbia. 3 4 Yu bani, yan nani aitani piaia pata ba wanks. Yan nani saurki ba man ban swih tiks, yan nani maipara saura daukan nani patka ban swih tikisna ba baku. Wan traika kaikan mithara ban wan swipara. 5 Jîsas maku aisi win: "¿Ya kabia ki, man nani tilam wina, mitilnait pamnika pain kum balki naku mamkabia kaka: 6 ‘painika bret yumpa lin ai muns, kan painika kum nawas waitlara balan sakuna yan witinra plun yabaia apusna ba mitha’? 7 Utla bilara panika ba mitha maku pana aisi wiyaia sipsa: ‘naiski takpara. Kan, durantha ba pat prakrisa, an, luhpi nani yan walsa yan krikri kira. Ridi apiasna buy manra bret maikaia lahma’. 8 Yan mitha rait pali man nani ra mai wisni; ban witin bubia ay panika dia nit taki dukia nani sutba yabia. Bret an nit taki sutna witin mitha yabia. 9 Yan rait pali man nani ra mai wisni: makas bara dia wantsma ba maikan kabia. Pliks bara man dia plikisma ba wal prauma, kungs bara man mampara bukutwan kabia. 10 Ya, makabi ba dia makabi ba brisa, ya plikiba sakisa, ani uplika dur ra kunhbi ba witin kainara durunhta ba bukutwisa. 11 ¿Ani aisika ai luhpia mitha inska makabia taim piuta ni yabia ki? 12 ¿daiwan mahbra kum makabia taim kuisri kum ni yabia ki? 13 Baku bamna, man nani kra upla saura kira atiasma sakuna luhpiam ra diara pain yabaia lansma, wan aisa Jeven ra ba lika daukras kabia ki. ¿}Spîrit Hulikira ra ya mitha makabia sa kaka witin mitha yan kabia?". 14 Kau let, waitni bilas kum ra setan dimy kan sakuna Jîsas miitha kanbi sakan. Naku takan: baha setan ka, waitna bilas kan ba wina taki wan taim baha waitna bilas kanba ai bila saki aisa pastrip. Upla kuara tara ba naha kaikan taim siran iwan. 15 Sakuna upla kum kum lika naku aisin, Jîsas mapara: "witin ba lika Belcebú mimira setan nani ra kanban plapisa, setan nani sut kigkasa". 16 Wala nani Jîsas traika kaikan, naku Jîsas ra makaban: sain kum dauki wanmariks jeven wina. 17 Sakuna Jîsas witin nani likanka saura ba kaikan an naku pana aisi win: ani king tasbaia yakan tar baiwi taki, kumi wala mapara aiklabi ba aisaubia. Ani utla uplika sin aiklabi dakwi takiba sin aisaubia an kauhbia. 18 Setan yakan dakwi takbia sa kaka, ¿nahki ay karnika ba ban kabia ki? Kan man nani aisisma Belsebû ninara Setan nani kanbi sakisna. 19 Yan Belsebû ninara Setan kanbi sakisna sa kaka ¿ya ninara kanby sakisa witin nina blablikra nanira? Bah mitha, witin nani ba wihta kabia. 20 Sakuna Yan Setanra kanbi sakisna sa kaka Dawan Gâd mihta snaikaba wal, Dawan Gâd king ka laka man nanira wansa. 21 Waitna karna-pawa kumba ai watla bilara taim witin dukia nani alsutba dia ba bakat sa upla wal kanbras. 22 Sakuna, waitna wala kau pawa kum balki witin pura lubia sa kaka witin warka kualka ba daikbia an witin richka an prapatika nani ba sut sin imhplikbia. 23 Ya, yan wal apiaba, yan maiparasa. Ya, yan wal wahbras sa kaka yan wahbri ba wina yakaka wabia. 24 Spîrit saura kum waitna kum wina, wina taki auya taim, witinkaba tasba lâwan pliska bak pliki taukisa witin iwi takaskaia pliska kum. 25 Plis kumi sin sakras sa taim, baha Spîrit ka saura ba naku aisi sa: "kli wilwi tawi wamny, pas yan dimi kapri watlara. Kli wan taim, baha watla ba inhty an diara apu pahban painsa an diara sut ba lain ra sa taim. 26 Ai nira wih kli, brih balisa ai ninara Spîrit saura baman sem (sem), naha nani lika kau Spîrit saura witin wal kan an alsut ba baha pliskara asla dimi takaskisa. Baku bamana, baha waitnikaba paskan ba wina kau saura takisa. 27 Naku takan, Jînaha nani sturk aisi kan bara, mairin kum ai bila saki anaku aisin: "blessen kira an yamny pali kabia ai biara ra mai tuilkanba an ai tialka wal mai dakaki mai pakanba". 28 Skuna witin mitha baha mair kara naku aisi win: kau painsa an blessen kira kabia ani uplika Dawan bila wali alki daukiba". 29 Kau upla ailal dihwi kan bara, Jîsas naku aisi kan: "naha kiamaka nani na saura kira kiamaka atia sa. Sain kaikaia plikisa, sakuna sain kumi marikan kabia apia, Yuna sain ka ba lika marikan kabia. 30 Sin Yuna Ninibid uplika nani mapara sain kum kan baku; upla luhpika waitnaba sain kum kabia naha uplika nani mapara. 31 King ba bubia lâ daukaia nah anani iplika mapara y silak ra sin mankan kabia, kan witin ba tasba ta wala wina balansa king Salaman sins ka laka ba walaia dukaira, man nani aman kaiks, Slaman kau purkara kum narasaki. 32 Ninibi waitnika nani ba bubia, naku daukbia, lâ snata piua ra naha taimka uplika nani mapara bubia an silack ra manki suibia kan Ninibi kiamka nani lika Yuna smalkan kara wali ai kupia lakan kan. Nara upla kau almuck narasa ki, Yuna wal kau almuck. Upla apusa, lamp anki upla apu pliskara suiaia apia kaka backs kum bilara manki suibia, Naku lika daukbia: lamp ba anki utla bila purara kahbi suibia lamp ingnika ba upla sut bribia ba dukiara. 33 Man namkraba winam tara ingnikasa. Man namkra ba kasack painsa taim, winam aiskaba ingni brisa. 34 Sakuna namkra ba saurasa taim, winam tara aiskaba tihmia wal bangkisa. 35 Trai kaicks ingni ka kum manraba tihmia takbiara. Winam tara aiskaba ingni wal bangkisa kaka, tihmia piska kumi sin apu, 36 baku lika winam aiskaba ingni ni bangki kabia sin lamp kum utla bilara ankan taim ai ingnika upla alsut ra yabi ba baku". 37 Jîsas naha nani suturka sut aisi danh takan bara, Farisi kum mitha naku makaban, bara Jîsas baha watlara dimi aitnikan. 38 Farisi ba siran iwan pas waitna ba ai mihta sikbras tibil ra iwan plun piaia dukiara. 39 Dawn mitha win: "nanara pain, farisi; man nani ba lika plit an basu ba sickbisma autsait baman sakuna man nani kupiam ba lika sauka baman banhki sa. 40 Man nani ba waitna taniskira atiasma. ¿Baha autsait paskan uplika ba insait lika paskras kan ki? 41 yas insait kam ba awina umpira nanira; baku mika diara nani sut ba klin takan kabia man nani mampara. 42 Alay kabia, Farisi man nani mampara. lalahkam Ten ba wina kumi sakisma labait ra bisi yaia, kli sari takisma ba dukiara tui nani dukiara sin sakuna pain watchs takrasma Dawn Gâd lakaba, latwan lakaba Dawan ra. Nit ka tara barasa lâkat warck daukaia an Dawan ra sin latwan kaikaia, diara wala nani ba wan auia tikras kira ni. 43 Alay, kabia Farisi nani mapara. Man nani lika pas sir tâ bara iwaia lika wantsma Sinagug bilara, upla ailal mitha kulkanka maikbia. 44 Alay kabia man nani mampara, sin raiti sicksa sip pain kaikras wanmuni ba bakusma, upla nani ba man nani puram bak wapi luwisa ai tanka briras". 45 Yua kumra, lâ sasmalkra kum mitha Jîsas ra naku aisi win: "Smamalkra, suturkam aisisma nani ba yan nani ra latwan aikisa". 46 Jîsas pana nanku aisi win: Alay kabia man nani mampara lâ smamalkra nani. Kan man nani lika upla ra diara kau wihra ba sunisma diara sip tuilki brih waya sip apia dukia nani ba. Sakuna man nani lika mithan snaika kum wal sin alki nikbaia want apiasma. 47 Alay, kabia man nani mampara. Kan man nani lika raiti nani paskisma Prafit nani dukiara, sakuna man damikam nani mitha sika baha prafit ka nani ra iki tikan ba. 48 Baku bamna, man nani ba dami kam nani dia daukan ba witniskasma kan witin nani wark kaba man nani sin dauksima. 49 Baha tanka ba mitha, Dawan Gàd sinska laka mitha naku wisa: "witin nani ra blikamna Prafit nani an Apastil nani sin sakuna kum kum ra lika nina blikbia an ikbia sin. 50 Tasba paskan wina Prafit nani sut talya laiwan ba mana, nataim kiamka nani ba baha talya mana aibapan kabia. 51 Ebel talia ba wina Zacaria kat, kan witin nanira ikan altar, pulpit lama kat. Man nani ra mi wimna kaka, baha nani sut dukiara aibapan kabia, pat kira kulkan kabia baha nani sut dukiara. 52 Alay, kabia man nani mampaara Lâ Smamalkra nani. Kan man nani liak, sins laka dur kaba bukutbramsa sakuna selp sip ba bak dimi waras mai munisa, baha yabal ka bak dimi auia uplika wal chok takisma". 53 Baha luwan ninkara, Jîsas baha pliska wina mahka wan: Aiulbra nani an Farisi nani ba Jîsas mapara buwan an witin mapara diara ailal brikwi aisi kan diara ailal. 54 Witin nani ba trai muni kan Jîsas bila wina wali alkaia baku natkara pat ra blikaia dukira.