¹ Muihni nani yang nani watsna kan man nani tankam brima Dawan kupia yamni laka ba Macedonia yaban kan ba. ² Pat tara wahwi piua ra ai unpirka tila ra lilia wal aibankwan kan. witin nani hilp tara daukan yuyaka yaban. ³ Baham na yang witin nani witniska maikisna dia yabaia kan ba kan wina kauyan an kau ban yabi sa, sip yabaia kan perkara yabikan, an ai kupia pri pali wilin kira yaban. ⁴ Uya pali makabi puri suni bangwi, baha sanska dukia ra hilpka lalukra nani ra yabaia kan ba. ⁵ Naha lika yang nani bila kaiki kapri bak daukras kan. baha ningkara pas taura, ai wina ba Dawan ra yabi bangwan, baha wina,yang nani ra sin aikan Dawan kupia laka kat. ⁶ Baku ban Taitus ra aisikapri, witin pat tâ kri kanta naha warkana, bara baku sin man nanira tilamra naha kupia yamni laka daukaia. ⁷ Sakuna man nani dia ra sut brisma: kasak lukan laka ra, Dawan bila ba aisaia lakara, tanka kaikaia laka sin, diara sut karna munaia laka sin an yang nani ra latwan kaiki sma laka sin. baku natkara ban alki brih bangwi bas. Man nani naha latwan laka warka ba sin manis daukaia sma. ⁸ Yang adar kum maiki baku aisaras, bamna yang maiwisna ba lika trai muni kaikaia wilio latwan kam laka ba, kasak pali brisma sapa praki kaikaia upla nani dauki ban wiba wal. ⁹ Bahamna man nani wan Dawan Jisas Kraist kupia yamnika laka ba kaiki sma. witin lika yuyaki ra pali kan man nani painkam dukia ra witin umpira pali takan baku ai umpirka bilka bak man nani sip kapram yuyakira taki bangwaia. ¹⁰ Naha dukia ra sinslaka maikamni, kan hilp maimunankabia, pat mani kum luwan dinara man nani baman alki takri ba dukia ra lukras. sakuna baku apia kupia wina daukaia luki kapram. ¹¹ Nahara dauki tnata manks, bara baku sin, kan ra piua ra wilinka laka brikapram an brin maidauki kan, daukaia dukia ra bamna, sakuna, sipsma tnata ra brihwaia, ban isti pali muni. ¹² Sakuna man nani warka na daukaia lukisma kaka, baha lika dia kum pain sa apia kaka aitani kulki sa. naha pali lika laki kaikaia saupla kum dia briba wal. dia ra apu wal lika apia. ¹³ Sakuna naha warka na upla wala nani ra hilp mini an man nani ra wihra maitabaia lika apia, baku watlika ra, aikuki baku kaiasa. ¹⁴ Man nani nana ra diara manas brisma ba wal. Witin nani ra yama diara brin dauki nani ba, bara baku sim witin nani diara manis bribia bara sip kabia man nani ra maikaia diara apusma ba, an baku lika aikuki baku kama. ¹⁵ Naha lika ulbankara ulban ba baku: !YA AILAL BRIKAN BA YUYA KASIN KAU TAKASKRAS KAN, BARA DIARA LISBI MAN BRIKAN BA SIN KAU DIARA WAT TAKRAS KAN! ¹⁶ Sakuna tinki kabia Dawan ra witin Taitus kupia ra mankan sim baku yang man nani dukian ra lukisna, ¹⁷ Ban sakuna witin yang nani baman dukira aiti kulkras kan, ban man nani dukiam rauba luki kan witin aikupia wina wilinki ra, taki auya man nani ra. ¹⁸ An yang nani blikri wan wan muihni witin wal, kan mayuni sa timpil bani ra aiwarka dauki ba mita sturi yamni swaki sakan laka. ¹⁹ Naha baman mita lika apia ban sakuna timpil ba bui witin ra wahbi sakan kata yang nani aikuki impakaia baha lika latwan laka warka na nata ra brih waia, naha lika Dawan ra kulkan yabi saan madikaia watsna, yang nani brin aidauki sa, hilp mai munaia. ²⁰ Yang nani ban aman pali kaikis na bankra upla tila wina wan mapara wata wi aisabia ra yang nani duki ra, naha latwan ka laka warka dauki mawi sna na dukia ra. ²¹ Yang nani diara pain laki kaiki daukaiasna, Dawan mawan ra baman apia, ban kuna upla nani sut mawan ra sin. ²² yang nani bui muihni wala kum blikri wan witin nani wal. kli kli pali tanka kaiki bangwi kapri, an yang nani kaikri aiwarka uya karna dauki sa. nanara witin ban kau daukuia kan man nani dukian ra uya pali luki sa. ²³ Taitus, mapara lika witin ba yang painika sa, an wark dadaukra mangwisna, man nani dukiam ra. muihki nani mapara timpil wina blikan uplika sa, witin nani Kraist prana kum sa. ²⁴ Bahamna man nani mariki bas, latwanka laka ba, an timpil nani ra madiks baku sin mayunanki ba man nani wal kabia timpil wala nani tila ra sin.