¹ Naha kat aima yumpa taim aulni man nanira " UPLA BANIRA PAT KIRA KULKAIA SAKAKA BRIAISA WITNIS WAL YUMPA". ² Yang nani pat wiri kan baha nanira kan blasi saura daukan kan an wala nani sutra wiri yang aima wal bara kapri yuara an yang aima wala ra kli maiwisna yang kli tawi balmna bara, yang pri mai saki banhwamna apia. ³ Naha yang maiwisna ban sakuna man nani tanka plikisma Kraist ba yang bilka bak aisiba. Kraist man nani mampara swapni apia sa bahamna Kraist ba karnakira sa man nani tilamra. ⁴ Ban sakuna Kraist ba swapnika nani tilara dus prihni kat suban kan sakuna Dawan karnika ba mita raya sa kan yang nani sin swapni kira banhwisa wintin ra sakuna raya bahwi kamna Dawan karnika ba mita man nani tilamra. ⁵ Man nani silp winamba laki kaiks man nani kasak lukan lakara wisma sapan silp winam ra traimuni kaiks ¿ Dia kau naha dukiara nannani tankam briras smaki, bahamna Jisas Kraist ba man nani ra sa? Bankra man nani pura luras kauhma kaka, Witin nara sa bankra man nani ba aitani apia banhwisa kaka. ⁶ An yanh kupira lukisna kan man nani tankan brima kan yang nani kauhbi bahras kat na. ⁷ Nanara yang nani Dawanra puri suni ban banhwisna man nani dukiamra kan saurka kumi sin daukma apia dukiara yang nani puri sunamna apia aitanis baku wiyaia ban sakuna yang puri sunisna kan man nani la sipsma diara pain lakat daukma bankra yang nani sipsna pura luras kawamna kaka sin. ⁸ Kan yang nani diara kasak ba mapara diara daukaia sip apia sna sakuna diara kasakba tawan aisi kaia lika. ⁹ Ban sakuna yang nani lilia pali banhwisna ani yuara swapnis sna bara an man nani lika karna pali banhwisma . ¹⁰ Ban sin puri suni banhwikamina bara man naniba kasak maidaukbia duki9ara yang naha dukia nani na ulbisna kau man nani ra waras laihwuras sna bara, baku lika yang man nori wal kamna bara laika ba uba pali karna brimna apia baha laka Dawan aikanba, baha lika maipaski banhwaya dukiara an bahalika maisuki bahwaya dukiara apia. ¹¹ ¡ Las tnatara muihni nani liliam bas! Sulka rayn alkaia warka dauks maisam niki banhwan kabia kumi lakara wibas an kupia kumi laka bara Dawan latwan ku lakaba man nani wal kabia. ¹² Pana pana lamkula wis huli mawan kiawalanka kum wal. ¹³ Lalukra nani sut ba mita ailakula maibliki bahwisa. ¹⁴ Wan Dawan Jisas Kraist kupia yamnika laka aisa latwanka lakaba an Pirit Hulikira wal asla kala laka ba sut sin man nani wal kabin.