¹ Brinki kabia man nani taniski laka ba ban alki takaski brikama rait pali aihwa yang dukira kupian alki takaski brisma. ² Dawan ninaba tawan man nani waninkam lawisna, yang pramas maitakri aimaritkara pramis taki ba ba baku yang pramis daukri Dawan mawanra maibrih waya tuktan mairin waitna kaikra baku. ³ Natka nani kum kumra yang sibrin aidaukisa kan piuta ba smatkirakan baha mita Iva ra kunin munan kan bara sipsa lukan kam naniba yabal saura maibrih wara laihra Kraist tanka aihwa ba wina. ⁴ Ban sakuna bankia upla kum smalki balbia Jisas sat wala kum yang nani mai smalkri ba wina. Bankra man nahi pirit sat wala kum brima kaka man nani pat briram kan wina. Bankra man nani turi yamni bila sat wala kum brima kaka man nani pat briram kan ba wina ¡man nani nahmuna dukia nani ba kau pain alki takaski brisma! ⁵ Yang ban lukrasna yang ba apastil nani winanka tilara kau silpi mayara baku apiasna. ⁶ Ban sakuna yang na pain turi nani aisaia sip apia kamna sin sinski tanka kara lika baku apiasa natka nani sutra an diara nani sut ra, yang nani mita man nanira sutra naha maikuna nutakaia. ⁷ ¿Yang saura daukri mayara kat bauri bara man nani purara mai bukan kabia dukiara? Sakuna yang man nanira swaki sakan turka yamni mana apu prisan pali ma smalkri. ⁸ Sut wala nani wina, aitani luki hilpka dakbi briri baha wal sip kabia man nani dukiam daukaia. ⁹ Yang man nani wal kapri pyuara an diara apu pali kapri upla kumira sin wirihki yabras kapri muhni nani ma, sidonia wina bal diara apu kapriba wintin nani mita diara sut aikan. Diara sut mapara alki takaski briri man nani ra karban wihra dauki wamna. ¹⁰ Krais kasakka tanka yang ra ba naha dukiara aimayunisni bili prakan kabia apia acaya tawanka bilara. ¹¹ ¿ Dia muni? ¿ Ban sakuna man nani ra latuan maikaikras kan? Dawan lika nusa. ¹² An yang dia daukisna ba, ban dauki taiura wamna bara baku lika sip kabia dakbi sakaia wan mapara aisi wan dahra aisi nani ba an witin nani wan mapara aisi aisi aimayuni kaia watsa, kan wintin nani ba yawan warka daukiba baku daukisa wivia. ¹³ Ban sakuna baha uplika nani ba apastil nani kunikira nani sa. Witin nani ba Kraist apastil ka talya baku takisa. ¹⁴ An naha lika diara aihkakira apia sa, kan sitan pali sin ingni isalka baku takisa. ¹⁵ Diara aihkakira tara baku apia sa aialbika nani ba sin kasak kira albika baku takisa, Pyua tnatara dia aiwarka nani daukan ba bribia. ¹⁶ Aima wala ra kli maiwisna: Kan upla kum sin lukbiaria yang ba sinkas kumsna bara bakukra daukbia kaka, tanis kira kum baku aibris bara yang sip kamna wira pan aimayunaia. ¹⁷ Kupi lukanka wina aimayuni yang maiwisna baha lika Dawan adarka apia sakuna ban yang sinkas kum baku aisisna. ¹⁸ Pat upla ailal nani ai wina tara laka aimayunisa, yang sin baku aimayunaia sna. ¹⁹ Bna sakuna man nani lika liliakira wal kupian alki takaski brisma sinkas nani mapara ¡ Man nani silp sinkira lukisma!. ²⁰ Ban sakuna mao nani kupia alki takaskisma upla kun ai albaika nani maibriba, aiska mai langki pi nani mapara, man nani wina baman brikaia luki nani ba mapara, mamwanra mai pruki nani ba mapara sin. ²¹ Yang mai wiaia swirisa kan yang nani kau uba swapni katna baha daukaia. Bankra upla kum aimayunisa kaka yang sinkas kum baku aisamna yang sin aima yunamna. ²² ¿ wintin nani ba hibru nani saki? yang sin. ¿ Wintin nani ba Israil nani saki? yang sin. ¿ Wintin nani ba Ibraham kyamka saki? yang sin. ²³ ¿ Wintin nani ba Dawan albaia saki? ( Yang aisisna laila saura kapri kan baku) yang lika kau pur kara sna. Yang kau wark nani karna takri silak witla ra sin kau aimankan, bila sakras aiwipan prura patka sin ailal wal prauri. ²⁴ Ju nani wina aima 5 taim briri, 40 wina kun kum daki saki aiwipan. ²⁵ Aima 3 taim dusklalka aiprukan aima kum walpa ni aisaban aima 3 taim kabu lalma ra tiuri kan katna kumi bara tihmia kabu lalmara luri. ²⁶ Yang aima trip trip impakikapri awala nani ra pat wal prawri implaplikra nani pat ka, yang silp upliki nani patka Ju apia nani patkra, tawan bila ra patka tusba lawan ra patka, kabura pat, muhri nani kuninkira nani patka. ²⁷ Yang wark karna pat tila ra kapri bara tihmia ailal sin yapras kapri, plun kasak wauhwri an li din sin aidauki kan, cima ailal plun kaiki piras kira, kauhla tilara an kwala apu sin taukri. ²⁸ Diara nani takan ba sut tilara yu bani naha wihrika yang purira taibi aibrisa sut nani sut dukia maina lukisna. ²⁹ ¿ Ya ba swapni taki saki? ¿Yang sin swapni takisna lukisna? ¿ Ya mita minam mai prukan kaka an yang bui kupisin saukras na? ³⁰ Aimayunayasna kaka yang aimayunamni swapni nani, wina aimarikiba dukiara. ³¹ Wintin Jisas Krais an Dawan Aisa ba wintin ba mayuran kabia bankayara ban ¡ Bara yang nani kunin aisaras snaba nusa! ³² Damasku ra, baha tawanka witka tara ba king Aritas mina muntara kan Damasku tawan kaba aiwaki kaikikan yang ra aiyalkaia dukia. ³³ Bara patati kum ra manki ayalahban windar kum pura wina an mihta wina bila wina swakri.