¹ Pa kuijinae Mardoqueo yaputane dajjita jua jai na juma esetitina nejja najjatata Ciliciojawa yajawa pumana. ponü pitsapalia tomara tutujuyabelia, dajjitasauta yaitajjuto nueya wawajai. ² kainü lia Reinü piji baupa jawabelia, kaijiwiyo ata apo kajone ejjenaitsi pena jjatatsijiwiyo cilicio eseto. ³ Dajjita tomarajawa de jota Reinü pe jume liwaisi bajjuto pata, dajjita judiowi notsi nejamatabü jjaína, jjai nejewa Siwa najamatabüjjainaya nua. Nejjata yajuanü najjotabiaya bobena Cilicio esetonü yajawa ipumana. ⁴ pakuijinae petiriewi Ester piji pianiwi ponarena powa jawarena juamitsitsi, reinawa najamatabü jjainaruta. Bara powa ituroba peseta Mardoqueo nejja (pe nakambiebinejja piji Cilicio eseto), nejjata apo wekupitsi. ⁵ Nejjata, Ester junata Hatac, nejjata junuta Rey píji oficialnü punü itapetatsi peitorobinejjatsi. powa itorobalia Mardoqueo jawabelia yanijio bojo paliatsi dejamatabü kuene itsi depitsi yabara. ⁶ Nejjata Hatac pona Mardoqueo jawata Reinü piji baupa itapata. ⁷ Mardoqueo tsipaiba jjwa najamatabü jjaina, ayijawa rajutsiapaiba ayaijawa palata reinü piji tesoreronü numatajjuma pe beyajjuabinejja judiowi. ⁸ Pijinia rajuta jjua peyakinaejawa, perajutsi jawa Susa jawata pe beyebi nejja judiowi jawabelia Hatac nejjata itsi pe tsitujutsi nejja Ester, jumaitsi ejenatsi liemüre Reinü jawabelia yabara kuikuijae ejjenare, nija tomaranejja wajükare. ⁹ Nejjata Hatac lia jumaitsi Ester jawabelia jjua Mardoqueo jumaitsi. ¹⁰ Ester kuikuijaibeje Hatac jumaitsitsi pe nawiatsinejja Mardoqueo jawabelia. ¹¹ pijinio jjumaitsi: "Dajjita piji pianiwi Reinü, Reinü piji tomara nakua, pa yapütaneme nekajina pebi petiriwa itsa joneka panabo tutujutabereka junütsi nejewatsi, kai ley ruta: nejjata tüpaina-itsu Reinü yotsiana cetro oronai bara ponü asaütsane. Jjanü raja apo nejunütsi ta lia nejja Reinüjawabelia pekopia werewerekaiwawameto matakebi". ¹² Nejjata Hatae paiba Mardoqueo jawabelia jjua Ester jumaitsi. ¹³ Mardoqueo itoroba pa liwaisí: "jjamü ponaponaimü ata Reinü piji boota, apo pane paimü tsane dajjita judiowi wekua. ¹⁴ Itsa jjamu moyamü tsane bara pa matakebi, jamatejemamü tsajjuawitsane junainia peya wenonainejjatsi dajjita judiowi itsa jawerena baitsi jjamü nija papa píji boo yajawa pa werewerekainame. ¿De pitsa yapütane itso jjamü renamü ne nukainejja ne itorobiwanejja pa matakabianü? ¹⁵ Nejjata Ester najume itoroba pa liwaisi Mardoqueo nejja. ¹⁶ liamüre kaituare dajjita judiowi pa monae jinowanapo Susa jawata, putsa pajjaneme tajamatabükueneta. putso pajjaneme tajamatabükueneta. putsa pajjaneme putsa pa apame akueyabi mata kebibeje, merewi matakebi yajawa. taja pewüjüawi jjanü yajawa, bayara pakuenia apo pa jjainü tsane. Nejjata jjanü lianü tsane reinü jawabelia, apo jume kowünü tsinü tsane bara pa Ley. itsa jjanü tü painajü, tü painajü. ¹⁷ Mardoqueo nawieta, itsi dajjita jjua Ester jumaitsi pe itsinejja.