¹ Asuero pija matakabita ma pa Asueroje India ira nakua derenanukaenü Etiopia javaabelia to kepia patatsi, ciento veintisiete 127 pa nakuayota. ² Bajaraa pa matakabita Asuero ira mata kanukaenü pija tajjunaeta eekaya petujjanonü kuenia Susa pe na yaa karanatsi tomara. ³ Akueyabi pa vaibeje javata pe derenanukae matakabita bajaraa ponü pejjaejava tsiwüü junata pe naabaninejja dajjita pija wajabütsaü Media nua, pe too nakuenebivitsi pakuenia tsikiri irajji ata pe derenawi nubena. pitabara velia nubena. ⁴ Bajaraa ponü ütajüta penamataamutsi javaanü jjua pija irata jjaina bajaaya jeebi, ciento ochenta 180 pa matabibeje. ⁵ Pakujinae baja to kobia vereverekatsi, bajaraa pa tuujjanenü pejjaejava ayaikuene abata siete 7 pa matakabibeje. Dajjita nejja susa pija penamata kaitorebinü pija bo pijivi nejja ayainü kujina velia apo pe namataamotsijivi ata. ⁶ Pijá bo itapa pabita itabüta penioponae papaü panaanüta be petsobia jaanüta yaajava, pe katunae mautoonü pejjania lino petsobia panaanü ata, plata toyortojji javata rubika ibo maesituru javata. Pe enaenü javaanüta ü Oro javaanüta palata ata ya iraa ütabüta porfirio javata, marmolta, madreperla javata, ado quines javata yaajava. ⁷ Oro copaanüta na mitsa epaka pe apae nejja. Dajjita copaanü apo najüpae ayakuene pe apae raanü jjaina tsipaji ira nakua evetsinü bitso pe janatabü jjanepanaejjae. ⁸ Pe apae nejja pe atane raanü ejjana pa kuenia to itane raabena pija pe kanamata kaitoorobi livaisi bajjatota: " Bitso pütsa itorobame apo pe jitsipaewi." Ira nakua evetsinü Rey bajaraa pa itawetsiwi livaisi rajata dajjita pamonae pija taajanenü pija bota jjua janatabü ejjana pe tsiwü junatsijjae. ⁹ Bajaraa pakuenia Vasti pe tuujjaneva pe nabani kuene tsivü junata ü petiriavi Asuero pija bo pijivi. ¹⁰ Septimo 7 pa matakabita, pakujinae ira nakua evetsinü jamatabü ütjü barüya pe atanera pe apae kujina barüya, bajara ponü jumaitsi Mehuman javaabelia, Bitza, Harbona, Bigta, Abagta, Zeta carcas ata _(pa siete 7 pa pemata kaitorobinü pa wajabütsaüwi to nakueneba ira nakua evetsinü javaabelia.) ¹¹ Pe karena nejja Vasti tuujjaneva bajaraa ponu pitabaraa berena pe mamatajjata java yaajara ira nakua evetsiwa kuenia. Bajaraa ponü jamatabü jiwi tsitajütijitsa pija wajabütsaü matabokotowi pejjaniava kuenia, bitso pejjania itabarawa ayaikuene.