¹ Hacalias i̧tti̧, Nehemía ucuocu i̧huȩnȩ: Quesliu ka̧hua̧nä̧, jmö̧tȩ a̧'ȩ päiomenä, Susa ötahuiyä ji̧nä̧ ttoecuäi. ² Hananía, Chi̧jä̧hua̧tö̧ttö̧ ya̧tȩ, Juda ttö̧ja̧ jitötecu ichi'ia jätepinäcu̧ Judio ttö̧ja̧ tö'ipächinätörö'inä, Judio ttö̧ja̧ recuätöttö juȩnȩtä̧ ka̧cuä̧tö̧ ttötö'cö'i̧nä̧ ja̧'hua̧ta̧nö̧nö̧ Jerusalem ötahuiyä ötö'cöinä. ³ Jacuätö ädätinätö̧: "Jitö ja̧huä̧jä̧nä̧ yu'ätu tȩi̧po̧mȩttö̧ ka̧cui̧pä̧tö̧mä̧ ri̧ä̧nä̧ huȩnȩ ja̧u̧ ja̧hua̧ta̧'a̧nö̧ ta̧cua̧tta̧'ȩcuä̧tö̧, Jerusalem ötahuiyä ttoepa'camä ppärö'icuähua ja̧hua̧ta̧'a̧nö̧ ötahuiyä apateyä'inä co'ö icuähua'a. ⁴ pi̧yȩ huȩnȩ yotäcö cha̧ju̧cö̧ta̧nö̧,ajau pä̧mä̧ni̧nö̧sä̧, Dios mo̧ro̧jä̧ ö̧ru̧hua̧ i'a'camä̧ttö̧ yörutä jäepökänö̧ chö̧cuä̧ inä̧. a̧no̧tö̧ ja̧hua̧ta̧nö̧ cha̧'cua̧tta̧ȩcötä ki̧nö̧sä̧ mo̧ro̧ inä̧ yodo inä̧. ⁵ päinö̧sä̧ ja̧ö̧ 'ca."chu̧rö̧hua̧ öcutä ja̧a̧ ,mo̧ro̧jä̧ru̧hua̧mä̧,to̧ttä̧rä̧cö̧ böo,hueähuä huȩnȩ huaadö kö̧nu̧ ja̧hua̧ta̧nö̧ repeö yörutä yitö jueönä̧ jȩpä̧tö̧rö̧mä̧repeö huaadö kö̧nö̧jä̧ ⁶ cuiäriyä bäepi ja̧hua̧ta̧nö̧ jädepö ä̧jö̧cui̧, israel idepiyö i̧minä̧ yodo i̧nä̧ mo̧ro̧'inä̧ öcutä cuä'camȩttö̧ jäepö jitä cö̧mö̧ä̧ya̧ cuä̧jö̧cua̧pe, cömöayotö öcutä. Israel idepiyö surojö jȩtta̧'cha̧i̧yö̧ jiäösä jitämä,öcurötä toicu surojö jȩpä̧'chä̧i̧yä̧tö̧jä̧.ta̧ju̧cuäyotu,ttö inä̧, surojö jȩpä̧yä̧to̧jä̧ chäo ojuisodecu ja̧hua̧ta̧nö̧. ⁷ hueähuä huȩnȩ cuiäremä̧ huaadö kö̧no̧co̧tö̧pääiyätujä ja̧hua̧ta̧nö̧ ucörötä toicöju̧nä̧ yaatecutä surojönä jȩpä̧i̧ya̧tö̧jä̧,Moises cö̧muä̧ya̧rö̧ ucötä huecuinö̧ jueujähuämä̧ jȩpo̧co̧tö̧ pä'äyätöjä ⁸ cu̧mu̧ä̧ya̧ moisesrö päcuinö huȩnȩ cuamocuada päö jädepäcöjä, pa̧a̧nö̧päcuino̧: toicö jäyä jȩcua̧tö̧cöttömä, koro ötahuiyänä ka̧chö̧ chi̧cua̧cua̧ö̧jä̧, ⁹ ja̧hua̧nö̧ja̧a̧nä̧ pi̧yȩ hueähuä huȩnȩ huedinö ttörutä ichö jȩcua̧tu̧cö̧ttö̧mä̧, mo̧ro̧jä̧ nȩa̧nä̧ ttipperecuächina̧nä̧'inä̧, chi̧mi̧ ka̧ja̧pe jȩpö̧ chö̧jö̧ninome tti̧ja̧pe chi̧'ca̧chä̧cuä̧ö̧.' ¹⁰ jitämä,cuidepiyötä ja̧a̧ ja̧hua̧ta̧nö̧ cömöäyotötä ja̧a̧ juatunä, jö̧rö̧hua̧mö̧ cö̧mö̧nä̧ ja̧hua̧tanö cöjurö o'cajuiyönä̧ cuȩmi̧nä̧ö̧ ja̧a̧to juatumä. ¹¹ chö̧rö̧hua̧: jaepösä ttö ucöru cui̧mi̧nä̧ öcuo teäö jȩttape yitö cömöäyotu jättepö inä̧ ja̧hua̧ta̧nö̧ ttö jädepö inä̧ jitä a̧ju̧ci̧. Jitä pide ubo a'ca jo̧mȩttö̧ rȩrijö̧ topu iyi ja̧hua̧ta̧nö̧ cö̧muä̧ya̧rö̧ i̧rä̧mȩö̧nä̧ iyi. "ttömä ru̧hua̧ a̧huo̧'ta̧ iyä̧cuä̧'i̧sa̧ jö̧nä̧ ki̧nö̧sä̧".