¹ To̧mu̧rȩnö̧ duhuó jo̧mȩnä̧, ji̧mu̧tȩ ta'arenö mo̧ro̧ octubre kä̧hua̧nä̧, TU̧RU̧HUA̧ i̧huȩnȩ törö rä̧mi̧pi̧na̧'a̧ pa̧'a̧nö̧: ² "Ttö̧ja̧sa̧ i̧tti̧, Egipto ru̧hua̧ Faraón ö̧ja̧'a̧ topäjí; ji'ähuäji ja̧u̧ru̧ o'catoi'önä ja̧u̧ ippeyanä ka̧cuä̧tö̧rö̧'i̧nä̧. ³ Ttu̧huo̧juä̧chi̧'ö̧nä̧ ji'ähui pa̧'a̧nö̧: TU̧RU̧HUA̧ TÖ̧Ä̧NA̧HUÄ̧MÄ̧ pa̧'a̧nö̧ pä'ö: ¡Ä̧ju̧cuä̧tu̧cui̧! TTÖMÄ kö'cocösä ucu jȩcu̧'u̧mä̧, Egipto ru̧hua̧, Faraón. Ucu, i̧sa̧ buo dä'ähuotonä kö̧ ajehuiyä kä'cotonä cue'ächö, pä'öjä: "Ajehuiyä u̧ru̧hua̧mä̧ ttö ja̧'a̧. Ttötä chöa'aje jö̧nä̧ chaditinö." ⁴ TTÖTÄ cuäcanä ajua'che chä̧cuä̧dä̧cua̧jä̧, ja̧'hua̧ta̧'a̧nö̧ po'i Nilo ajenä ka̧cuä̧tö̧'i̧nä̧ ucu cuijeyanä bätti'äcuotö; Ttötä kä̧dȩpä̧cua̧jä̧ cua'ajettö kä'cotottö po̧'i̧ cui̧yeyanä bäi'inätö̧ ka̧cuä̧tu̧cu̧. ⁵ Ttötä kä'ö chi̧cuä̧cua̧jä̧ rȩjȩ de'a juiyäjäcu̧, ucuru'inä ja̧'hua̧ta̧'a̧nö̧ po̧'i̧ cua'ajenä ka̧cuä̧tö̧rö̧'i̧nä̧. Ucumä macuä̧cua̧jä̧ huäjuaräjo̧mȩ; Ya̧tȩ'i̧nä̧ cä'epö ȩmi̧yä̧cua̧jä̧. Ttötä chi̧yä̧cua̧jä̧ pi̧jä̧ rȩjȩnä̧ ka̧cuä̧tö̧ ttu̧cuä̧ päi'önä ja̧'hua̧ta̧'a̧nö̧ isotö ju'töjunä co̧'ä̧rä̧tö̧tö̧'i̧nä̧. ⁶ Ja̧hua̧nö̧ ja̧'a̧ Egipto tto̧ja̧ O'catoiönä ttö̧huo̧jua̧cua̧sa̧ TTÖ̧A̧NA̧HUA̧ pä'ömä, Israel ttö̧ja caña pä'ättö jacuä sära jäi'nö'anö cuinättö, ⁷ Ja'huattö huirȩja̧ttö̧ chuädu ttȩpi̧nömä cuirȩja̧ra̧cu̧; ucumä tteädicumä cumomä 'cädi icuinöja̧ cupi'camä, Ja̧hua̧nö̧ ja̧'a̧ u̧cu̧ru̧ jui̧ö'ö tticuomenä 'törupächinö, ja̧hua̧nö̧ ja̧'a̧ jȩpi̧nö jä̧ cua̧'a̧cuȩda̧jä̧ ki̧yu̧nämä 'coka̧ji̧na'a̧. ⁸ ja̧hua̧nö̧ ja̧'a̧, TTÖ̧A̧NA̧HUA̧ Di̧o̧smä pi̧yȩ pä'äji: ¡ topätuyui! chi'cä̧cha̧cua̧sä̧ curä'chö ucuturur toija̧cu̧ jȩcha̧ pä'ö, jui'ö chi̧cua̧sä̧ ttö̧ja recuattoro 'koro̧jua̧ dea isä̧ ja̧i̧nöanö junättä ucurumä. ⁹ Jua̧'ja̧ Egipto rȩjȩmä pä̧'ä̧i̧ta̧'a̧nö ppa̧hua̧chä̧'a̧ de'a juiyä ja̧'ja̧ ju̧nätä̧ Ja̧hua̧nötä̧ juättömä ttöhuojuipä̧ cuo̧ttö̧ TTÖ̧A̧NA̧HUA̧ ja̧'a̧ pä'ömä, jahuamä aje isa̧ suro̧pa̧ päjäji: " Juoto ajemä ttö chuaje, cuoto ttü chaditinoto. ¹⁰ Ja̧hua̧nö ja̧'a̧ttö, ¡topi! ttömä ucutucumä toija̧'a̧cua̧ jua̧sä̧ ja̧'hua̧ta̧nötä̧ cua ajenäji, ja̧hua̧nö̧ ja̧'a̧ttö Egipto rȩjȩmä chi̧yä̧cua̧sa̧ toeächinömä, Ja̧hua̧ta̧nö ucutuinä cuirȩja̧ra̧ cuä ppu̧ru̧ huoco ja̧ pä̧'a̧i̧ta̧nö ppa̧hua̧cha̧huo̧ttö̧ja̧ Migdolttö 'ca̧mädu̧ Sevene ja̧hua̧ta̧nö Cus beipomebü. ¹¹ Ya̧tȩ juhua'acumä 'cuä'opocö jä̧cua̧, ya̧tȩ de'a i̧sa̧'i̧nä̧ juhua'acumä 'cuä'opocö jä̧cua̧. Juä̧jä̧nä̧mä̧ 40nö̧ a̧'ȩ jo̧mȩnä̧ kä̧cuä̧huo̧co̧mȩ jä̧cuo̧mȩ. ¹² Ja̧'hua̧nö̧ ja̧'a̧ttö̧ Egipto ttö̧ja̧ tti̧rȩjä̧mä̧ ttö̧ja̧mä̧ ttö̧ja̧cuo̧ca̧'a̧ to̧ä̧jä̧ jö̧nä̧tä̧ jȩchä̧cua̧sä̧ ja̧'hua̧ta̧'a̧nö̧ ttötahuiyä ttö̧ja̧cuo̧mȩmä̧ pparopötä icuähuäcua'a ttö̧ja̧mä̧ toometä jö̧nä̧ 40nö̧ a̧'ȩ' jo̧mȩnä̧, ja̧'hua̧nö̧ jo̧mȩnä̧ Ttömä Egipto ttö̧ja̧rö̧ chiyepä̧cua̧sä̧ ja̧'hua̧nö̧ jȩpö̧ ja̧huä̧jä̧nä̧mä̧ pperetö chicuäcuotö. ¹³ Ja̧'hua̧nö̧ ja̧'a̧TÖ̧Ä̧NÄ̧HUA̧MÄ̧ pi̧yȩ pä'ö: 40nö ä̧'ȩ beipächomenä, pperecuächino'cotö ttö̧ja̧ ttö̧'cä̧tȩ ka̧cuä̧tö̧rö̧mä̧ Egipto rȩjȩnä̧ chu̧ca̧ca̧ti̧'ä̧cua̧sä̧. ¹⁴ Ttötä ttiäre Egiptottö totte'ächinömä ppa̧'a̧dö̧ chiyäcuotö ja̧'hua̧ta̧'a̧nö̧ patros rȩjȩ ä̧cuo̧mȩnä̧ tti̧rȩjä̧ ji̧nä̧jä̧cu̧ ppa̧dä̧dä̧cuo̧tö̧, ja'hua̧nö̧ jo̧mȩnä̧ juhuorömä tturuhuome ucuomä te'ähuocotö ttäcuotö. ¹⁵ Curuhuo huecuome'inä ucuo juiyäcua'a, pi̧jä̧ 'cajuiyönä pä'äjita'anö̧mä̧ cä'epö ttu̧huä̧no̧co̧u̧ ttäcuotö. TTÖTÄ jui'ädö chicuäcuotö pi̧jä̧ttö̧ ruhuo huettöjuiyönä. ¹⁶ Egipto ttö̧ja̧ huettä pä'ömä kö'cocotöjä Israel ttö̧ja̧rö̧mä̧. Ja'huanö jö̧ juiyöttömä, ja'huätörömä tamucuädäcuotöjä Israel ttö̧ja̧rö̧ suronä jȩtti̧nö̧ji̧nö̧ recuärö̧jä̧u̧ Egiptora̧'a̧ jä'epö tti̧'chi̧nö̧. Ja̧'hua̧nö̧ jo̧mȩnä̧tä̧ ttu̧huo̧juä̧cuo̧tö̧ iso päi'önätä̧ TU̧RU̧HUA̧ TTÖ̧Ä̧NÄ̧HUA̧ ja̧'a̧ pä'ö! ¹⁷ Ja̧'hua̧nö̧ ja̧'a̧ttö̧, 'cuaopina'a ta̧ju̧ i̧mu̧tȩ ta'arenö a̧'ȩ päi'omenä, kä̧hua̧tö̧ ä̧cuo̧mȩnä̧ mo̧ro̧, TU̧RU̧HUA̧MÄ̧ pa̧'a̧nö̧ pä'ö ucuicuinäcu̧sä̧: ¹⁸ Ttö̧ja̧sa̧ i̧tti̧, Nabucodonosor, Babiloniattö ru̧hua̧mä̧ umuhuäyotö su̧ro̧du̧ru̧ hue'inö Tiro ttö̧ja̧ pä̧i̧cu̧nä̧ ttaditönä huettä pä'ö. Ttuhuo'che'inä mo̧'ä̧cho̧mȩjjubu rohuäu ttö̧'chö̧ti̧cui̧nä̧u̧, ja̧'hua̧ta̧'a̧nö̧ tta̧na̧ni̧yä̧'i̧nä̧ ttöttähuiyä päi'önä. Ja̧'hua̧nö̧ ja̧'a̧nä̧'i̧nä̧ ji̧nä̧, ja̧u̧mä̧ ja̧'hua̧ta̧'a̧nö̧ su̧ro̧do̧u̧'i̧nä̧ ȩmo̧co̧tö̧ pinätö̧ mi̧cuämä Tiro ttö̧ja̧ttö̧mä̧ pä̧'i̧cu̧nä̧ ja'huätörö ttaditönä hueäja'anä. ¹⁹ Ja̧'hua̧nö̧ ji̧yä̧cu̧ TU̧RU̧HUA̧ TÖ̧Ä̧NÄ̧HUA̧ Dios pa̧'a̧nö̧ pä'ö pä'inö: ¡Topi! Ttötä chiyäcujä̧ Egipto rȩjȩ Nabucodonosorö Babiloniattö ucuo ru̧hua̧rö̧, Ja̧'hua̧ta̧'a̧nö̧ ja̧u̧ä̧ ȩmi̧pä̧cua̧ o'ca juiyönä rö̧ä̧nä̧ micuäu juäimä ucuo juiyönä järe ȩmi̧pö̧'ca̧ ucutä, ucutä curuhuotä jȩ'cuä̧cua̧jä̧, ja̧'hua̧ta̧'a̧nö̧ o'cajuiyönä cuȩmi̧pä̧cua̧jä̧ juhuorö cu̧'o̧cui̧'ö̧mä̧; ja̧u̧mä̧ ucutä cumöhuäyotö su̧ro̧da̧u̧ ttimicuä. ²⁰ Ttömä täcö iyinösä̧ ja̧u̧rö̧ Egipto rȩjȩmä̧ ja̧u̧mä̧ aditähuä micuä jä̧'i̧nö̧'a̧nö̧ Ttö chaditäji jȩi̧na̧'a̧ttö̧ ttönä, pi̧yȩ ja̧'a̧ TU̧RU̧HUA̧ Dios huäjuetö icuinömä. ²¹ Ja̧u̧nu̧ pä̧nä̧mä̧ jȩchä̧cua̧sä̧ Israel ttö̧ja̧ ttujuru huäjuächi'önä ja̧'hua̧nö̧ ja̧'a̧nä̧ ucu Ezequiel, pä̧i̧cu̧nä̧ rä̧mi̧pö̧nä̧ cucuocuaja, Jahuätö isopäi'önä TÖ̧Ä̧NÄ̧HUA̧ ja̧'a̧ pä'ö ttu̧huo̧juä̧cua̧'a̧nö̧.