¹ Tu̧ru̧hua̧ Dios i̧huȩnȩ i̧chi̧na̧'a̧ ttörö koromöttönä pa̧ja̧cuä̧nö̧ du'o ka̧cuä̧tö̧ tomöre jomenä ja̧'hua̧nö̧ ja̧'a̧ koromöttönö̧ pa̧ja̧cuä̧nö̧ mo̧ro̧ kä̧cua̧'a̧ jo̧mȩ päi'önä ttörö: ² Ttö̧ja̧sa̧ i̧tti̧, jitä pi̧yȩ huȩyu̧ti̧ ucutä cu̧huo̧jua̧ pi̧yȩ mo̧ro̧ i̧mi̧. pi̧yȩ jueönä jö̧ moro, ja̧'hua̧nö̧ ja̧'a̧ pi̧yȩtä̧ mo̧ro̧ Babilonia ru̧hua̧ Jerusalén ötahuiyä ro̧o̧mȩ rohuäu abotähuinö. ³ Jitämä jahuätörö ucuocui huä̧nȩtö̧ pähuäyänä juiyo jarodätö ja̧u̧ ahuaruhuä o'cotömä. Ja'huätörö pä'í: TU̧RU̧HUA̧ TÖ̧Ä̧NÄ̧HUA̧ pä̧'ä̧nö̧ pä'ö: Dahuähuome uriyu ku̧nä̧di̧. Ku̧nä̧dö̧ ajiya to'í. ⁴ Idepä ȩni̧ jahuäba jacuä, idepamä adiuttutä, öjattö'inä ja̧hua̧ta̧'a̧nö̧ a̧na̧nȩttö̧'i̧nä̧, öcäquiyä'inä adiuttu ȩni̧. ⁵ Oveja̧ttö̧ttö̧'i̧nä̧ adihuättöttö pojopö ȩmi̧ ja̧'hua̧ta̧'a̧nö̧ ihue'quiyuttu uriyu dȩa̧'a̧ tta̧tä̧di̧. Uriyu cuäräipönä. ⁶ Ja̧'hua̧nö̧ ja̧'a̧ttö̧ TU̧RU̧HUA̧ TTÖ̧Ä̧NA̧HUA̧ pa̧'a̧nö̧ pä'ö: Äyoo ucutuhue ttö̧ja̧ro̧ cuä'ähuätöhue, uriyu jacuänä pparuhuächäjumä ja̧u̧ pparuhuächömä juorömä räopächö juiyacua'a, juorö ppo̧u̧cu̧nä̧ ȩmi̧, adihuächäcua'a pä'ömä to̧cu̧'ä̧rä̧. ⁷ Ja̧'hua̧nö̧ ja̧'a̧ttö̧ cucuojatucumä ju̧huȩnȩtä̧ 'cä̧tȩnä̧ pa̧'a̧. Juoyamä ötinoya inähuä säyuhuome; juoja rȩjȩmä dahuipu juiyönä ötinoya rȩjȩ i̧sa̧ppȩtä̧ attächi'a pä'ö, ⁸ Ja'hua̧nö̧ ja̧'ä̧ttö chamisuruonä̧ jä̧cu̧sä̧ jueönä̧tä̧ ro̧dȩpä̧cua̧sä̧. TTÖTÄ rötinösä̧ cucuojatucumä inähuä säyuhuähuänämä rȩjȩ a̧ttä̧chi̧'ö̧ juiyönä ⁹ Ja̧hua̧nö̧ ja̧'a̧ttö TU̧RU̧HU TTÖÄNÄ̧HUA̧ pi̧yȩ pä'ö: Äyoo ucutuhue ttö̧ja̧rö cuä'äcuä isotöhue. TTÖTÄ rö̧dä̧di̧pä̧cusä̧ ocurä tta̧tä̧cuä̧ o̧'cä̧mä̧. ¹⁰ Mi ca̧ca̧tö̧ rötö ocurä 'kuí. Idepä adiunä daö huihuati iihue'quiyu'inä joipächö idicuächönä. ¹¹ Ja̧'hua̧nö̧ ja̧'a̧ uriyu kuni ä̧ya̧ri̧sa'inä juiyönä, du'imettö̧ topö ja̧'hua̧ta̧'a̧nö̧ cuiäre bronce ku icu, surojä'cuamä juhua'a jäcuättötä isoya päi'äcua'a, surojuo'epinö jinö töcächäcua'a. ¹² Jahuäjumä yajutä pä̧i̧cu̧nä̧ jȩja̧'a̧ttö̧ 'cuä'ächi'inäju ja̧'hua̧nö̧ jo̧mȩnä̧ yajutä surojuojecuinömä adiunämä ki̧'o̧ca̧'a̧ jä̧cua̧'a̧ ocurättömä. ¹³ Ucu cu̧ji̧nö̧mä̧ dä'ärö̧jö̧ttö̧'i̧nä̧ abonänö dä'ärö̧ji̧nö̧ ucumä surojönä jȩ'cui̧nö̧mä̧, ja̧'hua̧nö̧ pä'ö Ttö ucuru surojö juiyönä jȩchi̧nä̧cu̧jä̧, ja̧'hua̧ta̧'a̧nö̧ ucuru pä̧huä̧rö̧jö̧ta'anö kocö̧jä̧ päcuäya̧tä̧ hua̧ ppa̧cuä̧chi̧'a̧ pä'ömä. Ucumä ja̧'a̧tä̧ra̧'a̧nö̧ ko̧cö̧jä̧ ucutä surojötä jȩ'cuä̧'i̧nö̧mä̧ Ttö chö̧'ä̧i̧ rȩbȩhua̧'a̧ ucuru. ¹⁴ Ttö, Cu̧ru̧hua̧ Dios pä'äjisä, ja̧'hua̧nö̧ jä̧cua̧'a̧tó. Ttötä jȩchä̧cua̧sä̧, ja̧'hua̧nö̧ ja̧'a̧ttö̧ jaropi'ocösä chamöcuädinömä; yoriso ucuo te'ähuocösä juhua'atäcu cha̧cua̧tta̧ päi'ococusä, ja̧'hua̧nö̧ ja̧'a̧ttö̧ chutäbotäcua̧jä̧ suronä cu̧ju̧ttö̧ ja̧'hua̧ta̧'a̧nö̧ suronä jȩ'cu̧ttö̧, Ttö Cu̧ru̧hua̧ Dios pä'ösä. ¹⁵ TÖ̧Ä̧NÄ̧HUA̧ i̧huȩnȩ ttörö rȩbȩhuä̧ja̧'a̧ ja̧'hua̧ta̧'a̧nö̧ pä'äji ttörö: ¹⁶ 'chodipä̧cua̧jä̧ ya'utenä ppe'opö isajuru juiyo repecuäcuarö, ja̧'hua̧nö̧ ja̧'a̧nä̧ cua̧'cua̧tta̧cuȩcuä̧ ja̧'hua̧ta̧'a̧nö̧ cuajahuä yoriso a̧'u̧ ttucua cui'äre isoya jö̧nä̧'i̧nä̧. ¹⁷ Usurä ȩmä̧hui̧ 'corujuenätä ja̧'hua̧ta̧'a̧nö̧ re i̧sa̧mä̧ cujä̧ jahuäjunä hua'ätörö jȩttä̧'i̧ja̧'a̧nö̧mä̧ ja̧'hua̧nö̧ ja̧'a̧nä̧ cunä pö̧jä̧ta̧ juiyunämä cu̧jä̧ ja̧'hua̧ta̧'a̧nö̧ cuecuächä cu̧jä̧pö̧ isäya juiyönämä; ja̧'hua̧nö̧ ja̧'a̧ttö̧ cui'ä'inä ttocuecuä re i̧sa̧sä̧ pä'ömä juhua'atäcu cucuä re ttö̧ja̧ ttucuä'ija'anömä panppä̧mä̧ ja̧'hua̧nö̧ jo̧mȩnä̧ ¹⁸ Ja̧'hua̧nö̧ ja̧'a̧ mo̧ro̧ juhua'a ucuocuäjisä, ja̧'hua̧nö̧ ja̧'a̧ chirecuamä 'corujuo'ächinä̧ju̧ yodo, Ttömä jȩpä̧ji̧sä̧ koro mo̧ro̧ Tu̧ru̧hua̧ Dios hueinö. ¹⁹ Ja̧'hua̧nä̧ ja̧'a̧ ötahuiyä ttö̧ja̧mä̧ pättinäcu̧sä̧: ¿Ji'ähuitö tta̧'a̧nö̧ pä'ö jȩ'cuä̧ttö̧ ja̧u̧mä̧, tta̧'a̧nö̧ huo̧juȩta̧'a̧nö̧ ja̧'a̧ttö̧ ujuturumä ucu jȩ'cö̧mä̧? ²⁰ Ja̧'hua̧nö̧ ja̧'a̧ Ttömä pä'inösä: TU̧RU̧HUA̧ Dios i̧huȩnȩ ttörö rȩbȩhi̧na̧'a̧ ja̧'hua̧nö̧ ja̧'a̧ pä'inö. ²¹ Ji'ähui Israel ötahuiyä ttö̧ja̧rö̧, pa̧'a̧nö̧ pä'ötä TU̧RU̧HUA̧ Diosmä: ¡Topi! Ttömä surojönä jȩchä̧cua̧sä̧ Ttö chu̧jo̧mȩ ro̧mȩ, Ttötä ja̧'a̧ huo̧jua̧mä̧ pähuä ujurunä, adiunä to'cuä'ijö cui'ärenä, ja̧'hua̧ta̧'a̧nö̧ cua̧'cua̧rö̧ o'cajuiyönä, ja̧'hua̧nö̧ ja̧'a̧ttö̧ ucutu cui̧tti̧mö̧tu̧cu̧ nä̧tö̧'i̧nä̧, u̧mä̧tö̧'i̧nä̧ o'ca'a cu̧ju̧ni̧'ä̧u̧mä̧ Jerusalénä 'corujuotächäcuotö cuä'u tticuäcuotö. ²² Ja̧'hua̧nö̧ ja̧'a̧ isopäi'önä̧tä̧ jä̧cua̧'a̧ ucutä jȩ'cuä̧i̧'jö̧ta'anötä̧ ¡Cui'ätömä tto'ecuä'chö juiyäcua'a ubara ttucumä, pan'inä cucujui̧yä̧cua̧jä̧ ttö̧ja̧ ubara ttucumä, pan'inä cucujuiyacua̧jä̧ ttö̧ja̧ ubara ttu'ätucumä! ²³ Ja̧'hua̧nö̧ ja̧'a̧nä̧ pärocua'acu cuiäre pö̧jä̧ta̧ huäcua̧jä̧ 'cua̧ra̧'a̧ ja̧'hua̧ta̧'nö̧ cu̧jä̧pö̧ isäyacu'inä, cu̧jä̧pö̧cu̧'i̧nä̧; ucumä äyó pä'ömä cuajahuiyäcua̧jä̧ cujuru'inä juiyönä ucutä cua̧'cua̧ ihueye jȩ'cuä̧'chi̧nö̧tä̧, ja̧'hua̧ta̧'a̧nö̧ ya̧cu̧ pönä umätö pä̧i̧cu̧nä̧ pättä'chäcuotö cui̧jä̧hua̧tö̧rö̧. ²⁴ Ezequiel jä̧cua̧'a̧ uturu huä̧nȩtö̧ pähuä jä̧'i̧nö̧'a̧nö̧ jä̧cua̧'a̧, ja̧'hua̧ta̧'a̧nö̧ o'cajuiyönä ja̧u̧ jȩi̧nö̧mä̧ ucututä jȩ'cuä̧cuo̧tö̧jä̧, pi̧yȩ ja̧'hua̧nö̧ 'cuäopomenämä , ja̧'hua̧nö̧ 'cuäopomenätä cu̧huo̧juä̧chi̧'ä̧cuo̧tö̧jä̧ isopäi'önä CHU̧RU̧HUA̧ ja̧'a̧ pä'ö. ²⁵ Ja̧'hua̧nö̧ ja̧'a̧ttö̧ jitämä Ttö 'chodipäcua̧sä̧ Israel ttö̧ja̧ adiu jȩpö̧ tta̧'cua̧tö̧mä̧, TU̧RU̧HUA̧ i̧huȩnȩ huo̧juȩcuode a'cua̧tä̧'chö̧ rö̧ä̧nä̧ esehuätöjä̧, ja̧'hua̧nö̧ ja̧'a̧nä̧ rö̧ä̧nä̧ rȩjȩra̧'a̧ ja̧'hua̧ta̧'a̧nö̧ 'chodipäcuotöjä̧ cui̧tti̧mö̧ u̧mä̧tö̧rö̧'i̧nä̧ nä̧tö̧rö̧'i̧nä̧. ²⁶ Ja̧u̧nu̧ mo̧ro̧ i̧rȩjä̧ jacuä ka̧cuä̧ä̧'i̧jä̧tö̧mä̧ ichö huȩnȩ jittähuäcuotö ucuru. ²⁷ Ja̧u̧nu̧ mo̧ro̧ jarotti'äcuotö pi̧jä̧ rȩjȩmä̧ ja̧'hua̧ta̧'a̧nö̧ cucuocuoräcuotöjä döecuächinätö pi̧nä̧tö̧rö̧. Adihuäcua'a ötahuiyä ttö̧ja̧ huȩnȩtö̧ jittähuinömä, ja̧'hua̧ta̧'a̧nö̧ jahuätömä ttu̧huo̧juä̧chä̧cuo̧tö̧ a̧ pidetä ja̧'a̧ CHU̧RU̧HUA̧MÄ̧ pä'ö.