¹ Saúl 'coru juoächäji o'ca'a, Davidmä amalec ttö̧ja̧cu̧ rohuähuäji'ca̧ ppa̧'a̧chi̧'i̧nö̧ ja̧'hua̧ta̧'a̧nö̧ todäre moro jo̧mȩnä̧ Siglag ötahuiyänä ki̧nö̧. ² Huäbodäcuä mo̧ro̧ päi'omenä, ya̧tȩ ö̧'ca̧tä̧huä̧ta̧ sȩrä̧chä̧chä̧ji̧ ja̧'hua̧ta̧'a̧nö̧ Unämä redähuatä rä̧cu̧ Saúl ä'ö ö̧jo̧mȩttö̧ ichö rȩbȩhui̧nö̧. Ja̧u̧mä̧ Davi ö̧jo̧mȩ rȩbȩhui̧pö̧, i'ä rȩjȩcu̧ pä'i'ö pä̧mä̧dö̧ ja̧rȩyu̧ pä'i'inö. ³ Davidmä̧ päinä̧cu̧: "¿Ucumä̧ tottö cuichäjättö̧?" Ja̧u̧mä̧ ädätinö̧: "Ttömä̧ Israel ttö̧ja̧ ttä'ähuarättö dajahuächö tö'ipächäjäjisä." ⁴ Davidmä̧ ädätinä̧tinä̧cu̧: "Ppä'ädipönö̧ jiähuipittö huȩnȩmä̧ tocu jä̧ja̧'a̧cuä̧ttö̧." Ja̧u̧mä̧ ädätinö̧: "Ttö̧ja̧mä̧ curä tturohuähuomȩttö̧ dö'ecuächäjätö. Recuätö mattä̧cha̧'a̧nä̧ ja̧'hua̧ta̧'a̧nö̧ recuätö 'corujuo'ächäjätö, ja̧'hua̧ta̧'a̧nö̧ Saul'i̧nä̧ i̧tti̧ Jonatáncu̧ 'corujuo'ächäji. ⁵ Davidmä̧ ja̧u̧ mö̧ä̧ya̧rö̧ pä'inö̧: ¿Tocu cu̧huo̧juä̧ttö̧ Saulmä̧ i̧tti̧ Jonatáncu̧ 'corujuo'ächäji pä'ömä̧? ⁶ Ja̧u̧ mö̧ä̧ya̧mä̧ ädätinö̧: Chö̧ja̧mä̧ pädoca'a jö̧ja̧'a̧nä̧, Gilboa möä'canä kä̧ji̧sä̧, ja̧'hua̧nö̧ ja̧'a̧ juhuoru Saúlmä udacuodä pätecuäji'ca̧ kä̧ji̧, ja̧'hua̧nö̧ ja̧'a̧ carucätta'inä, cabayunä huȩjä̧tö̧'i̧nä̧ tö'cö pächi'äjätö. ⁷ Saúl kärächi'ö ttörö topö huoäcumä. Pȩnȩtä̧ kö̧sä̧ pä'ö chädätäjäcu. ⁸ ja̧u̧mä̧ ttöru päinö̧: '¿ di cuattö̧?' ttömä̧ adätinö̧sä̧: "amalecita ttö̧'ja̧ i̧sa̧sä̧.' ⁹ ja̧u̧mä̧ päinö̧: 'jädepö jȩpi̧, ttö chö̧huä̧mȩ kä̧mä̧dö̧ cuäöicuittö, ri̧ä̧nä̧ usuräȩmä̧cuä̧huä̧ kä̧mä̧da̧ ja̧a̧ttö̧, ja̧hua̧ta̧nö̧ ja̧a̧nä̧ kä̧cuä̧huä̧mä̧ ji̧nä̧ ttönä̧tä̧ ka̧a̧. ¹⁰ ja̧hua̧nö̧ ja̧a̧ yurutä ä̧rä̧mi̧ö̧ cuäöchicuinä̧cö̧, ma̧ä̧ji̧'ocamä̧ ö̧ji̧ya̧nö̧ ja̧a̧ päömä̧ huo̧ji̧nö̧sä̧, ja̧hua̧nö̧ ja̧a̧, ruhonä̧ kä̧nö̧ huä̧nä̧huo̧mö̧ uyuyunä̧ ko̧mu̧ i̧nä̧ ja̧hua̧ta̧nö̧ ö̧mu̧nä̧ i̧sa̧ta̧ i̧nä̧ ȩmä̧ja̧ji̧'ca̧ i'cächäjäjisä chö̧ru̧hua̧ ucutä cuiä a'cajo̧mȩ." ¹¹ Ja̧'hua̧nö̧ ja̧'a̧ Davidmä̧ ö̧'ca̧tä̧huä̧ta̧ sȩro̧cu̧ icuiyä̧u̧, u̧mä̧tö̧mä̧ o'catoi'önä̧tä̧ ja̧u̧ jȩö̧ta̧'a̧nö̧ jȩpi̧nä̧tö̧. ¹² Jahuätömä̧ ba̧rä̧huä̧u̧ ajaumä̧ ttu̧cuȩ a̧do̧chi̧nä̧tö̧ nipä̧chomȩ jubö päi'önä̧ Saúlrö'i̧nä̧, i̧tti̧ Jonatánrö̧'i̧nä̧, TTÖ̧Ä̧NÄ̧HUA̧ u̧mö̧huäyotörö'i̧nä̧ ja̧'hua̧ta̧'a̧nö̧ Israel ttö̧ja̧rö̧'i̧nä̧ a̧mö̧cuädö. Juhua'amä̧ jahuätörö curä o'chunä̧ cuä'äu tticuäjiyä̧u̧. ¹³ Davidmä̧ ja̧u̧ mö̧ä̧ya̧rö pä̧'inö̧: "¿Ucumä̧ tottö cuichäjättö? Ja̧u̧mä̧ ädätinö̧: "Ttömä̧ korojä̧ amalec ttö̧ja̧ tti̧rȩjä̧ ttö̧ja̧sa̧ i̧tti̧sä̧." ¹⁴ Davidmä̧ ja̧u̧rö̧ pä'inö̧: ¿Tta̧'a̧nö̧ pä'ö yecuecuoca'a cuä'ö cuicuättö ru̧hua̧ TÖ̧Ä̧NÄ̧HUA̧ pojopö ȩminä̧cu̧ru̧mä̧?" ¹⁵ Davidmä̧ mö̧ä̧yotöttö ya̧tȩrö̧ huopo ö pä'inö: "Cuä'öicuäjirö." Ja̧'hua̧nö̧ ja̧'a̧ttö̧ ja̧u̧ mö̧ä̧ya̧mä̧ 'chä̧ji̧'ca̧ cuä'ö icuinä̧cu̧, cuä'ö icuäcu amalec ttö̧ja̧sa̧mä̧ 'coru pä'i'inö̧. ¹⁶ Ja̧u̧ jä̧ji̧ o'ca'a amalec ttö̧ja̧sa̧ 'corujuo'ächäjirö pä'inö̧: cucuojamä̧ cunä̧tä̧ ka̧'a̧, juhua'amä̧ ucutä cuabo jähuä ji'äcuäu ru̧hua̧ TTÖ̧Ä̧NÄ̧HUA̧ pojopö ȩmi̧nä̧cu̧rö̧ cuä'ö icuäjisä päcuäja'attö̧." ¹⁷ Ja̧u̧nu̧ o'ca'a Davidmä̧ pi̧yȩ hua'are ra̧huä̧huä̧ ötö'cö ra̧'i̧nö̧ Saul ja̧hua̧ta̧'a̧nö̧ i̧tti̧cu̧ ö̧'o̧me. ¹⁸ Ja̧u̧mä̧ ötahuiyä ttö̧ja̧rö̧ hue'inö̧ ttu̧huo̧juȩti̧ya̧rö̧ pä'ö Juda i̧tti̧mö̧rö̧ ppo'obu pä'ö ra̧huä̧huä̧, ja̧umä̧ huȩyu̧tu̧ röthuina'a̧ Jaser Cuyäruttänä̧. ¹⁹ "! Ucu cuadihuä jä̧jí̧, Israel, pȩnȩbutä beipa'a, cuä'ö icuä̧hua̧jä̧ mö̧ä'quiyu ju'toju jo̧mettö̧! !juruhuätö totte'ä̧ijö̧ta̧'anö̧! ²⁰ Gat ötahuiyättömä̧ päcuó, ja̧hua̧ta̧'a̧nö̧ Ascalon ötahuiyä mä̧niyä̧ttö̧'i̧nä̧ jicuähuó, Filisteo ttö̧ja̧ tti̧tti̧mö̧ ttesehua'acu, ²¹ Gilboa möä'canämä 'cho̧ru̧hua̧ppȩcö̧ ajiyacö̧ ucurumä ichoca'a jä̧ja̧'a̧, pättiyunä'inä u̧huä̧ju̧ ote'inä ttiäre iyähuä jö̧nä̧mä̧ iyoca'a jä̧ja̧'a̧, Juorötä juruhuätö ttabo jähuä ttottecu obi micuähuocö jö̧nä̧tä̧ juoächäja'a. Saúl abo jähuä ttoecuä'ijäbimä 'cä̧'ȩpö̧ ku̧nu̧ a̧dȩjamä dahuecuocobi ja̧'a̧. ²² Jitö cuä'äu tticuä̧ jä̧u̧ ttucuojamä, juruhuätö ttidepämä, Jonatán u'popobumä ppä̧huä̧chi̧'o̧ca̧'a̧ jä̧ja̧'a̧ ja̧'hua̧ta̧'a̧nö̧ Saúl ucurä'chumä ttucuoja juiyä'chumä ppä̧huä̧cho̧ca̧'a̧ ji̧na̧'a̧. ²³ Saúl Jonatáncu̧mä̧ ji̧nä̧ tta̧'cua̧rä̧i̧mä̧ eseäcuäu ka̧cuinä̧tö̧ 'corujuottächomȩ'i̧nä̧ yometȩnä̧ 'corujuo'ächinä̧tö̧. Jahuätömä̧ pa̧rȩtö̧ ttujuruhuomettö̧'i̧nä̧ yabonä̧nö̧ juruhuinä̧tö̧, jochä̧yu̧tu̧ttö̧'i̧nä̧ abonä̧nö̧ juruhuinä̧tö̧. ²⁴ Ucutu Israel ttö̧ja̧ tti̧tti̧mö̧ nä̧tö̧mä̧ Saúl minä̧rö̧ a̧mö̧cuädö ajahuätucui, adihuä̧ta̧ rö̧ȩnä̧ micuähuä̧ta̧ 'ca̧tä̧hui̧nö̧rö̧ ja̧'hua̧ta̧'a̧nö̧ ö̧'ca̧tä̧huä̧ta̧'inä̧ orottö a̧'cua̧tö̧ ttu̧niniyä̧cu̧rö̧. ²⁵ ¡Umätö̧ juruhuätömä curä tturohuähuome kä'cottö 'coru juo'ächäjätö! Jonatánmä ju'toju jo̧mȩttö̧ cuä'ö tticuäjäcu. ²⁶ Ttömä ucuru cha̧'cua̧ tta̧'ȩcu̧sä̧, chi̧jä̧hua̧ Jonatán. Ucu ttörö repecuinö̧mä̧ adihuäjuei ji̧na̧'a̧, nä̧tö̧ repettöttö'inä abonänö̧. ²⁷ ¡Tocu pä'ö juruhuätömä 'coru juottächäjä ja̧'hua̧ta̧'a̧nö̧ curä rohuähuäcuähuä'inä ttoe'ächäja'attö!"