¹ Sirio ttö̧ja̧cu̧ Israel ttö̧ja̧ Aram ttö̧ja̧cu̧ ttörohuähuoca'amä huabodäcuä du'o jo̧mȩnä̧ 'cuä'opina'a. ² Ja̧hua̧nö̧ ja̧'a̧ huäbodäcuä du'o pä'iomenä cuä'opomenä. Juda ttö̧ja̧ ttu̧ru̧hua̧ Josafat Israel ttö̧ja̧ ttu̧ru̧hua̧rö̧ topö 'chinö. ³ Ja̧hua̧nö̧ ja̧'a̧ Israel ttö̧ja̧ Ttu̧ru̧hua̧ Ujunärä̧u̧ru̧ pä'inö: ¿ucutumä jerupätöjä täji Ramot Galaadmä ujutu töäre ötahuiyä ja̧'a̧ pä'ömä, ja̧hua̧ta̧'a̧nö̧ ujutumä ji̧yȩt'i̧nä̧ jȩpo̧co̧tö̧ pi̧nä̧tö̧jä̧ Siria ttö̧ja̧ ttu̧ru̧hua̧ u̧mö̧ttö̧ chotipa pä'ömä? ⁴ Ja̧hua̧nö̧ ja̧'a̧ Josafatrö pä'inö: ¿ttöcu cuicha pä'öjä täji Ramot Galaad tttö̧ja̧cu̧ curohuähua pä'ö? Juhua'a jö̧ta̧'a̧nö̧ Josafat Israel ttö̧ja̧ ttu̧ru̧hua̧rö̧ ädätinö: ttö'inä ucu jö̧ta̧'a̧nö̧tä̧ hua̧sä̧, chu̧mu̧huä̧yotö'inä ucu cumuhuäyotöta'anö huotö, chä̧ji̧mö̧ cabllotö'inä ucu cuä̧ji̧mö̧ cabollotöta'anö huotö. ⁵ ja̧u̧nu̧ o'comenä Josafat pä'inö Israel ttö̧ja̧ ttu̧ru̧hua̧rö̧: "ttömä ucuru jäepusä jitätä Dios päö huȩnȩ jäcuepa pä'ö". ⁶ Ja̧hua̧nö̧ päcu Israel ttö̧ja̧ ttu̧ru̧hua̧mä̧ 400nö huotö Dios pä'ö huȩnȩ jiäcuahuä ttö̧ja̧cu̧, ji̧nä̧ yo̧mȩtȩ ca̧ca̧cu̧pi̧nö̧, jahuätörö pä'inö: ¿Ramot Galaad ttö̧ja̧cu̧ rohuä chö̧sä̧ o cädädiäcua̧sä̧? Ja̧hua̧nö̧ ja̧'a̧ jahuätö pättinäcu̧: rohuähuäji Diostä iyä cuaje ja̧u̧ ötahuiyämä. ⁷ jahuanö ja'a Josafat pä'inö: ¿jinä pinemä ya̧tȩ ko̧ta̧ji̧ Dios pä''ö huene jiäcuähuä isa jäteparö pä'ömä? ⁸ Israel ttöja̧ ttu̧ru̧hua̧ pä'nö Josafarö: Ji̧nä̧ ya̧tȩ Dios pä'ö huȩnȩ jiäcuähuä i̧sa̧ kö̧ jäteparö pä'ömä , Imla i̧tti̧ Micaias, ja̧u̧ru̧mä̧ esetocösä ttömä, ttörömä adihuä juäimä ji'ähuocö surojutä ji'äu. Ja̧'hua̧nö̧ ja̧'a̧ Josafat pä'inö: ru̧hua̧ ja̧hua̧nö̧ cucuocuä. ⁹ Ja̧hua̧nö̧ ja̧'a̧ Israel ttö̧ja̧ ttu̧ru̧hua̧ cuöräruhuä ttu̧ru̧hua̧rö̧ huopö pä'inö: "Jurunänö icächö po'i Micaiasrö Imla i̧tti̧rö̧". ¹⁰ Jitämä Israel ttö̧ja̧ ttu̧ru̧hua̧ Acab'i̧nä̧, Judá ttö̧ja̧ ttu̧ru̧hua̧ Josafat'inä jitötä tturuhuo dȩä̧cä̧nä̧ pȩji̧nä̧tö̧, ruhuo o̧ta̧ tta̧mö̧ca̧sa̧ ca̧tä̧hui̧ö̧, i̧mi̧mä̧, Samaria ötahuiyä toächäcuähuate apate a'ca, ja̧hua̧ta̧'a̧nö̧ o'catoinä Dios i̧huȩnȩ jiäcuähuä ttö̧ja̧mä̧ jiähue'inätö̧ jahuätö tta'ca jo̧mȩ. ¹¹ Quenaana i̧tti̧ Sedequías cuorrättö ppö̧ä̧hua̧na̧ aditopou pä'inö: "Tu̧ru̧hua̧mä̧ pa̧'a̧nö̧ pä'inö: pi̧yȩcu̧, ucutumä arameos ttö̧ja̧rö̧ cujuruhuäcuotöjä ttijiyöhuäyiunä". ¹² Ja̧hua̧ta̧'a̧nö̧ o'catoinä Dios i̧huȩnȩ jiäcuähuä ttö̧ja̧'i̧nä̧ yorätecunätä̧ jiähuinätö̧, pä'inätö̧: "Ramot Galaad rȩjȩ ttö̧ja̧rö̧ rohuähuö cujuruhuätöcua tätöcui, Tu̧ru̧hua̧mä̧ ja̧hua̧nö̧tä̧ jȩpä̧ji̧ ru̧hua̧ u̧mu̧nä̧mä̧". ¹³ Micaiasrö huopö ' chi̧nö̧ huȩnȩ ȩpö̧ jiäcuähuä̧sä̧nä̧ ucuocuinäcö pä'ö kä̧ö̧:"topi jitämä, Dios i̧huȩnȩ jiäcuähuä ttö̧ja̧ tti̧huȩnä adiunätä̧ . Ppä'ädipi ica cui̧huȩnȩmä juätö jö̧ta̧nö adihuä jueitä pa'i. ¹⁴ Micaias päötä: pa̧'a̧nö "pa̧'a̧nö TÄ̧NÄ̧ HUÄ ÖjÖ'a̧nö̧tä̧, TÖÄ̧NÄ̧HUÄ̧ päötä Jä̧cua̧'ä päötä jä̧cuä̧'ä pädädäcuäi̧mä̧. ¹⁵ Ja̧hua̧nö̧ Jä̧'a̧ rö̧hua̧ pä'ca jo̧mȩ ichinö,rö̧huä̧mä̧ pä̧inä̧cö̧: "¿Micaias ti̧chö̧'anö̧ ja̧'a̧ti̧ Ramut Galaadra̧ cörä rohuahö, ja̧hua̧nö jo̧ca̧'acö? Micaias ädatinäcö̧: "rohuä'o iso jo'epäji" TÖÄ̧NÄ̧HUÄ̧ nä cö̧mu̧nä̧ iyäcua̧jä rö̧hua̧römä. ¹⁶ Ja̧hua̧nö̧ ja̧hua̧nö̧ ja̧'a rö̧hua̧ päinäcö̧: ¿ta̧'a̧nö̧ riä̧nä̧ jädepei yäcuttö iso päiönä päcuattö päinä TÖ̧Ä̧NÄ̧HUÄ̧ i̧mi̧nä̧mä̧?. ¹⁷ Ja̧hua̧nö̧ ja̧'a̧ Micaias päinäcö̧ "ttomä topinösä Israel ttö̧jä̧ u'catoinärö̧ ttipperecuächinatä mö'ä'carä̧cö̧, ohuejätö ttä̧'ä̧rö̧rö to'ätö jäinö'a̧nö̧tä, ja̧hua̧cuä i̧sa̧ to'ätö. ja̧'a̧ta̧ totuanö ja̧'a̧ yä̧'a̧cupuna ttojuso̧dȩra̧ ppa̧ttä̧chä̧nä̧tä ttö̧ä̧cuä̧nä̧tä̧." ¹⁸ Ja̧hua̧nö̧ ja̧'a̧ttö̧ Israel Tu̧ru̧hua̧mä̧ Josafatrö pä'inö: "¿Pitemä adiunämä jiähui̧chä̧cua̧, suronätä̧ ji̧ä̧huä̧cua̧ pä'ömä, jiähuocöpäjisä tä̧ji̧?" Ja̧hua̧nö̧ ja̧'a̧ttö̧ Micaíasmä pä'inö: ¹⁹ Ja̧hua̧nö̧ jo̧mȩnä̧ ä̧ju̧cui̧ Cu̧ru̧hua̧ Cui̧ä̧nä̧hua̧ Dios i̧huȩnȩ: ttömä topinö̧sä̧ chu̧ru̧hua̧ ideäcänä ö̧'a̧'a̧, Ja̧hua̧ta̧'a̧nö̧ o'cato'inä isoppa huotö mo̧ro̧jä̧nä̧ 'ka̧cua̧tö̧rö̧'i̧nä̧ ja̧u̧tä̧ ä'ca jo̧mȩ ka̧cui̧nä̧tö̧ yotutemä u̧mu̧ u̧huo̧jua̧'a̧cu̧'i̧nä̧ ieruhua'aacu'inä. ²⁰ Ja̧u̧ Uruhua Ö̧nä̧hua̧ pä'inö: ¿Di jä̧ttö̧ Acabrö yapare jiähuäcua̧, 'chähuächäcuä'anö ja̧u̧nu̧ o'comenä Ramot Galaadttö ma̧'ö̧ icua pä'ö? jahuätöttö pä'inödo pi̧yȩ, korotö pänättö̧do ji̧yȩ. ²¹ Ja̧hua̧nö̧ jo̧mȩnä̧ ya̧tȩ isoppa hua̧ ichinö pä̧tȩcuä̧nö̧, Tu̧ru̧hua̧ Tö̧ä̧nä̧hua̧ ä'ca jo̧mȩ kä̧mä̧di̧nö̧, pä'inö: ttö jä̧cua̧'a̧ yapare jidähuä̧cua̧mä̧ ja̧u̧ru̧. ²² Ja̧u̧ Tu̧ru̧hua̧mä̧ pä'inö: ¿Ta̧'a̧nö̧do? Ja̧u̧ isoppa hu̧mä̧ ädätinö: Ttö jö̧cua̧'a̧ isoppa hua̧'a̧ chi̧'chä̧cua̧mä̧ jahuätö ä'canä jiäcuähuä ttö̧ja̧nä̧ doächiö yapare jittäunä jȩchä̧cua̧sä̧. Tu̧ru̧hua̧ Tö̧ä̧nä̧hua̧ ädätinö: ucu ka̧cuä̧mu̧ topäcuähuettö pättiönä jȩ'cua̧ja̧, ja̧hua̧ta̧'a̧nö̧ juiyö adiu rä'opönä. Jitätä jȩ'cua̧ täö jȩ'cua̧ ja̧'a̧ ye'e. ²³ Jitä topi, ja̧u̧ u̧ru̧hua̧ Ö̧ä̧nä̧hua̧mä̧ jahuätö ä'cotoiönä u̧ju̧nä̧rä̧u̧ ä'canä 'cuäo̧pä̧cuȩ jiäcuähuä ttö̧ja̧ ttä'änä tucuocumä ya̧tȩ isoppa hua̧ yapare jittähue'a pä'ö hue'inö jahuätörö, Tu̧ru̧hua̧ Tö̧ä̧nä̧hua̧ i̧huȩnȩ pä'ö 'cu̧nä̧ji̧ ucuru. ²⁴ Ja̧hua̧nö̧ jo̧mȩnä̧ Sodequia i̧tti̧ Quena'a 'cha'achinö, Micaia iebabanä cuä'inö, cuä'jica̧ pä'inö: ¿Ti̧mä̧ mä̧nä̧nä̧ 'chä̧nö̧ Chu̧ru̧hua̧ Chi̧ä̧nä̧hua̧ ttöttö rä'opä'chö ucuru ucuocuacu pä'ömä? ²⁵ Micaia pä'inö: "topi, ucumä ji̧yȩnö̧ mo̧ro̧tä̧ cu̧huo̧juä̧chä̧cua̧jä̧, ä'ähuo̧ca̧pu̧nä̧ jopä'chötä Ttu̧cuȩpä̧ri̧ä̧cua̧jä̧". Ja̧u̧tä̧ jȩcuä̧cua̧jä̧ cudajuächa pä'ö. ²⁶ Ja̧u̧ ru̧hua̧ Israel ttö̧ja̧ tu̧ru̧hua̧ pä'inö u̧mu̧huäyotörö". "Chuädätucuirö Micaiarö ȩpä̧tu̧cui̧rö̧ Amon ötahuiya rhuu̧a̧ ö̧jo̧mȩcu̧, ja̧hua̧ta̧'a̧nö̧ Josiarö'inä ttö chi̧tti̧rö̧'i̧nä̧. ²⁷ Jiähui ja̧u̧ru̧: ja̧u̧ ru̧hua̧mä̧ pä'ö: pide uborö cärenä rötätucuirö ja̧hua̧ta̧'a̧nö̧ u̧cuȩcuäje pä'ucuinö. Ppo̧u̧cu̧ pu̧nä̧ ajiya'inä ahua'a cuiyätucuaröjäm ja̧hua̧ta̧'a̧nö̧ ttö chichome jubu pä'iönä cä'ädö". ²⁸ Micaiasmä pä'inö: "ppa̧'a̧cjhö̧ eseäcuähuänä cuirebeuttumä̧ Tu̧ru̧hua̧mä̧ ttö̧nä̧mä̧ ucuocuiyä̧cua̧, ja̧u̧tä̧ tta̧tȩcu̧nä̧ pä'inö: "Ttö̧ja̧mä̧ o'catoinä tta̧cu̧'a̧nö̧ ja̧'a̧. ²⁹ Israel ttö̧ja̧ttö̧ ru̧hua̧'i̧nä̧ Judáttö Josafat'inä ji̧nä̧ yo̧mȩtȩnä̧ 'chi̧nä̧tö̧ Ramot de Galaadrö rohuäu tticua pä'ö. ³⁰ Israel ttö̧ja̧ttö̧ ru̧hua̧mä pä'inö Josofatrö: Ttömä imicu̧nä̧nö̧ jö̧nä̧ jȩpä̧cuä̧hui̧'i̧pö̧ dodächäcua̧sä̧ curä rohuäcuähuomemä ja̧'hua̧nö̧ ja̧'a̧nä̧ "Ucumä ruhuonä ka̧nö̧ 'ca̧tä̧cuä̧huä̧ta̧tä̧ cu̧'ca̧tä̧hua̧jä̧, ja̧'hua̧nä̧ ja̧'a̧ Israel ttö̧ja̧ttö̧ ru̧hua̧mä̧ täcö imicunä jö̧nä̧ jȩpä̧cuä̧huä̧ji̧'ca̧ curä tturohuähuomecu do'ächinö. ³¹ Ja̧'hua̧nö̧ ja̧'a̧ Siria rȩjȩ ru̧hua̧mä̧ 32nö̧ jo̧mȩnä̧ curä ruhuotöttö jue'ipotö ttöcaruquiyä hue'äji'ca̧mä pä'inö curohuähuätucuó korotö tä̧mö̧cu̧'inä, ppo̧'ä̧tö̧cu̧'inä ja̧'hua̧nö̧ jo̧ca̧'a̧ Israel ttö̧ja̧ ttu̧ru̧hua̧ ya̧tȩru̧tä̧ rohuähuätucui. ³² Curä ruhuä jue'ipotö ttöcaruquiyänä 'chä̧jä̧tö̧mä̧ Josafatrö topo pä'inätö: Isopäi'önä pidetä ja̧'a̧ Israel ttö̧ja̧ ttu̧ru̧hua̧mä̧ ja̧'hua̧nö̧ ja̧'a̧ ja̧u̧tä̧cu̧ tturohuähua pä'ö 'chä̧hui̧'i̧nä̧tö̧, ja̧'hua̧nö̧ ja̧'a̧nä̧ ru̧hua̧ Josafatmä huopi'inö. ³³ Ja̧'hua̧nö̧ ja̧'a̧ Curä ruhuä jue'ipotö ttöcaruquiyänä 'chä̧jä̧tö̧mä̧ topinätö Israel ttö̧ja̧ ttu̧ru̧hua̧mä̧cö̧ ja̧'a̧ ja̧'hua̧nö̧ ja̧'a̧ttö̧ ja̧u̧ttö̧mä̧ täcö 'quȩ'ȩcuä̧chi̧nä̧tö̧. ³⁴ Ja̧'hua̧nö̧ ja̧'a̧nä̧ ya̧tȩ ubo u'cupobö 'po'ö icuinö ja̧'hua̧nö̧ 'po'ö icuomenä jeruhuara̧'a̧tä̧ Israel ttö̧ja̧ ttu̧ru̧hua̧rö̧ döina'a ö̧'ca̧tä̧huä̧ta̧ 'qui̧ya̧ta̧'i̧nä̧ 'cuäo'önä. Ja̧'hua̧nö̧ ja̧'a̧ ru̧hua̧ hue'inö umöhuäya̧ carucä pȩä̧dä̧rä̧cuä̧huä̧ i̧sa̧rö̧ o'ca'a ja'acu kärädö 'po'ö poröttömä rä'epö icuittö täcö to'e'ösä pä'inö. ³⁵ Ja̧'hua̧nö̧ ja̧'a̧ curä ja̧u̧ mo̧ro̧ 'cuäo'önätä̧ rohuähuinä̧tö̧ ja̧'hua̧nö̧ ja̧'a̧nä̧ ru̧hua̧mä̧ carucänä pinö Siria ttö̧ja̧ ttä'ca jo̧mȩ, ja̧u̧ töcäji ucuojamä carucä jacuätä huerächina'a. Ja̧'hua̧nö̧ ja̧'a̧ttö̧ Acabmä ja̧u̧nu̧tä̧ mo̧ro̧ ni̧pä̧ro̧mȩ 'corupä'i'inö. ³⁶ Täcö kä̧hua̧ a̧ttä̧chi̧'a̧'a̧ ttö̧ja̧mä̧ rä'opö huopö pä'inätö: "Ubomä ya̧cu̧ pänä öäre ötahuiyära̧'a̧cu̧ täi juhua'a jö̧ta'anö ttö̧ja̧ o'catoi'önä cui̧rȩjä̧tu̧cu̧ pönä tätucui" Pä'ö huopinätö̧. ³⁷ 'Corupä'iäji o'camä ru̧hua̧rö̧mä̧ Samaria ra̧'a̧cu̧ ttȩmi̧pi̧nä̧cu̧; jua'ata 'törö tticuinäcu̧. ³⁸ Samaria ajiya huahuometti caru'cä näquinätö̧, ä̧hui̧ri̧tö̧mä̧ ucuo huerächö mettö̧ nȩi̧nä̧tö̧, juȩnȩmä̧ ttinecuo pocörö jȩä̧cuä̧huä̧ ttö̧ja̧, aje ttiaijome ji̧na̧'a̧, Dios päji'anötä̧ 'cuä'opina'a. ³⁹ Ru̧hua̧ Acab ö̧ji̧nö̧'i̧nä̧, o'ca juiyönä jȩi̧nö̧'i̧nä̧, Marfil aditinode'inä, o'ca juiyönä koro utahuiyä'i̧nä̧ aditinö'inä ¿cronica cuyäruttömä huȩyu̧cuo̧ ca̧'a̧ tä̧ji̧ Israel ru̧hua̧ ö̧ji̧nö̧mä̧? ⁴⁰ Ru̧hua̧ Acab 'corupä'i'omenä i̧tti̧ Ocoziatä ruhuo huea pä'ö ki̧'i̧pi̧nö̧. ⁴¹ Josofat Asa i̧tti̧ Judas ttö̧ja̧rö̧ huea pä'ö kä̧mä̧di̧nö̧ pa̧jo̧cua̧nö̧ a̧'ȩ cuä̧opäji o'ca'a ru̧hua̧ Acab hueinome. ⁴² Ja̧u̧nu̧ pä̧nä̧ Josafatmä 35 a̧'ȩ ku̧nä̧ri̧nö̧, ruhuo huea pä'ö ö̧jä̧mä̧do̧nö̧mä̧, o'ca juiyönämä 25 a̧'ȩ hue'inö Jerusalenämä, a̧ju̧mä̧ Azuba silhi kittiju ji̧na̧'a̧. ⁴³ Jä'o Asa jȩi̧nö̧'a̧nö̧tä̧ jȩpi̧nö̧, kara'acumä 'cäi̧cho̧cu̧ pi̧nö̧, Ttö̧ä̧nä̧hua̧ ä'ca jo̧mȩttö̧ adiunä jȩpi̧nö̧, ja̧hua̧nö̧ ja̧'a̧ttö̧ ku icu iyähuome'inä 'choicuocu pinö, utahuiyä ttö̧ja̧'i̧nä̧, i̧sa̧rö̧ ku icu iyinätö̧, incienso'inä juorötä kuinätö̧. ⁴⁴ Josafatmä, Israel ru̧hua̧cu̧ esecuinö. ⁴⁵ Josafat hue'inö pä̧nä̧ 'cuä'opinö'inä, uruhuo u̧ju̧nä̧ri̧nö̧'i̧nä̧, urohuähuinö'inä ¿Cronoca cuyäru'tänä huȩyȩcuo̧'ca̧ tä̧ji̧ ru̧hua̧ Juda jȩi̧nö̧mä̧? ⁴⁶ Jä'o Asa hueinö pä̧nä̧ttö̧ kä̧mä̧dö̧, juajättö suron jȩä̧cuä̧huä̧ ttö̧ja̧ pinätörömä, ka̧cui̧pi̧na̧tö̧rö̧'i̧nä̧ rä'opö icuinö. ⁴⁷ Jaunu pänämä Edom ru̧hua̧mä̧ toina'a pabanä juehuä i̧sa̧tä̧ ru̧hua̧ jueäjome. ⁴⁸ Josafatmä aje huoi'quiyö aditinö; ja̧u̧ aditinömä Ofira̧'a̧ oro ja̧'a̧tä̧ i̧'cha̧ pä'ö ji̧na̧'a̧, ja̧hua̧nö̧ ja̧'a̧nä̧ huoi'quiyö Ezión Geberttö pparöhuaya'attö 'cho̧'co̧tö̧ pi̧nä̧tö̧. ⁴⁹ Ja̧hua̧nö̧ ja̧'a̧ttö̧ Aca i̧tti̧ Ocoziasmä Josafatrö pä'inö: "Ja̧'a̧tä̧ topi huoiquiyönä cuettaya'anä chumuhuäyotö cumuhuäyotöcu". Ja̧hua̧nö̧ ja̧'a̧nä̧ Josafatmä ja̧'a̧tä̧ topocö pinö. ⁵⁰ Josafat 'corupä'inö, ja̧hua̧nö̧ ja̧'a̧mä David ötahuiyänä u̧tö̧mi̧nä̧cu̧ 'törepö ttötinäcu̧; chutä i̧tti̧ Joramtä̧ ötahuiyä ru̧hua̧ pä'i'inö ja̧u̧ hueometä̧. ⁵¹ Acab i̧tti̧ Ocoziasmä Israel rȩjȩttö̧ samarianä ruhuo hue'a pä'ö kä̧mä̧di̧nö̧ Josafat Juda rȩjȩ ru̧hua̧ diecisieste a̧'ȩ päiomenä ja̧hua̧nö̧ ja̧'a̧mä̧ ja̧u̧mä̧ hueinö todäre a̧'ȩ jo̧mȩnä̧ Israel rȩjȩttö̧mä̧. ⁵² Dios to'omettö̧mä̧ surojutä jȩpi̧nö̧, jä'o u̧mä̧nä̧ i̧'chi̧no̧mȩnä̧tä̧ 'chi̧nö̧, ja̧ju̧ ku̧mä̧nä̧ ji̧nä̧mä̧nä̧tä̧, ja̧hua̧ta̧'a̧nö̧ Nabat i̧tti̧ Jeroboam u̧mä̧nä̧nä̧tä̧, ja̧hua̧nö̧ ja̧'a̧ttö̧ Israel suronä jȩttö̧nä̧ jȩpi̧nö̧. ⁵³ Ja̧u̧mä̧ Baal hueötä jȩpö̧ ucuoteäu'inä jȩpö̧ Dios ya'acutä ö̧ä̧i̧cu̧nä̧ jepinö, Israel Ttu̧ru̧hua̧, Jä'o jȩi̧nö̧ ji̧nö̧ta̧'a̧nö̧ tä̧.