¹ icatsa waminalri iacoca lriaji inolri lricjalre ljiaji Sofonia lriri ljiaji Cushi, lriri ljiaji Gedalias, lriri ljiaji Amarias, lriri ljiaji Ezequias, natalricana cadanaco ljiaji Josias lriri ljiaji Amon, Juda italricana. ² "nowayetawatsa pjiomi njaji aperiji ipairico icatsa lricaiterica ljiaji waminalri . ³ nomatsicawatsa pjiiomi atsianai maficalri tsaca , nowayeketa tsacjaotsa njaji wipjiaro yarracaperi njite njaji cuije oni macapawan ricoperi nocadawatsa kjenaa njaji matsiperi njtaotsa nooya naofaacawa njaji atsianai ajii jipairico , lriaco ljiaji waminalri ⁴ njorretanjite nanaco Juda naco njite pjiomi njaji inaiki iofacaeriwaji Jerusalen rico nowayaketawatsa pjiomi nacuamitsa njaji padapenaeritsa Baal inaikte iofacaperiwaji, njite ljiaji attsia caconaite maricalrinaco napiya njaji Sacerdotenai. ⁵ njaji inaiki iacape napanalrico matsiadalri narso ajaji enolricoperi, njite njaji inaiki iacaperi matsiadalri njite njaji icaitecape masaadalri iwaminalri irso mitsa nacaitetsacja mashaadalri naminalri irso. ⁶ nowayeketa tsacaotsa njaji shenitacaperi iwamilri ioya, njaji coriperi ioma waminalri, corintscas naacawa lrinai ⁷ macotsa jia lripjeya ljiaji waminalri ! ima tsomiketsa lrinanaa ljiaji waminalri ; ⁸ lriadaotsa jalredaoca lriapitetacadao ljiji waminalri, njite njorapitetaotsa shoaji italricanati iito njite njaji lrienipe ljiaji natalricana, njite pjiomi njaji shetacape iyarroti nanaitjaji njaji pana inaiki. ⁹ Lriadawatsa jalredaoca, njorapitetawatsa pjiomi njaji iacaperi matsiadalri lrirso ljiaji Dagon, ipacjamitacape njaji lripana ljiaji naminalri matsidalrisho njite ishati tsacja ¹⁰ Cayo lricaiteca jliaji imalri imanalri jliada watsa jalredaoca nawanacaotsa inonacalri rico copje peco lrikjoite njite lriocawa yacalre pemajle. Coriotsa pacapá corica iñjaodate narso njaji yacalre ricoperi, njite corim tsaskja narso njaji padanlreperi. ¹¹ iwaopiawa shaa aperiji nawendee cawalrico ima nocada caitsa kjena njaji iwendee cape; pjiomi njaji ipesacape jliaji palrata nowayaca tsakjaotsana. ¹² Nini watsa jliadanaco, najiwatsa nomaca jliaji Jerusalen lamara sho, njite njorrapiteta watsa njaji atsianai iwafetacape kaiji jaicotjeda iayana sho icaitecape icaolrerico jliaji waminalri coriotsa lrinaitjaca matsiadalri o matsidalri ! ¹³ njaji nayarro netaotsana njite jaji napana kjenawatsa maminalricana ! nanaitjaotsa panti, mitsa coriotsa naofacawa nini, nanaitjaotsa napaniapiwa mitsa coriotsa njetaca nairao nanaa ¹⁴ kjeyenatsa llrinana jliaji waminalri tsominatsa ¹⁵ Lriadawatsa jalredaoca lriarocadanaco lriroa jliaji waminalri, pada jalredaoca matsicawa njite njerrapitawa, padaa kjenacawa njite maminalrinaa cawa padaa cadaocacawa, padaa iyadaocawa njite matsinaa cawa cadaocacani. ¹⁶ Lriadawatsa pjemi trompeta njite pjeminda nanaco njaji yacalre nacorrarrataji njite yenonperi lriwai ¹⁷ ima nodeewatsa jirrapitakjefi nanaco njaji atsianai, nocarroatsa najiwa caiji matjiperrinsho, ima nanaitjaca namatsicanawa waminalri irso, caiwatsa iarro caoji Lritalresho, njite lripe tjewacalri caiji napecondam sho. ¹⁸ coriwatsa lri - owirrote lriparatani itaita iyomjetacani waminalri irroa ioya ima lriwayake caotsa jliaji jipai lrirroa sho ima lridewatsa pjiomi njite matsidalriwatsa lridee lriwayaca shopa narso njaji atsiana iofacawaji jipai naco.