¹ Ljiako ljia tsolrodaonai iminalri lirino lrikaite noa, ² Ljia Natalritsanaa naji tsolrodaonai kai ljikaiteka; Noa noopeyo nokerriaka jorredalji ljia yakalee. Nitee noopeyo kerroaka noa sroma, ³ Ljia natalrikanaa naji tsolrodaonai ljikaite; noa nodiawatsa yakaleetse nite nofawatsao pamuyoa Jerusalen lrico, iima ljiñii yakelee Jerusalen lripitaotsa ojadalri nitee nawakadate nanji waminalri itsalrodaote lripitanaotsa wakada maopjidalri ⁴ Ljia natalrikanaa nanji tsolrodaonai ljikaite kainji nanji pekipenay napitatsenakautsa yakalekua anji Jerusalenlriko nakuanaa watsa naumaka nakapirriko nawantakatsopa jaiko imaa opiika pekipenaina ⁵ Ljia yakalekua pjakankany yenpetjipetso atsiadape nitee naitjepedape natupitakarro lrirrikuda ⁶ Ljia natalrikanaa nanji tsolrodaonai ljikaite : Ninkada jirrapitjinadalri lrikapaka ljia namaaketen lrirrikoda jalredaula, kaitsaka jinapitinaka nokapakan ? katsaa lriako lriajli waminalri, ⁷ Ljia natalricana naji tsolodaonai liikaite : pikapake, wadepenautsa numanakutaka nanji noyakalenanai nanji piyonpinakopetua nite nanjii dainumajleperri ? ⁸ Noa tsautsa idietjana, nauwacarro pamoyoa Jerusalen, nini napietaka noyakalreta kana, noatsaotsa nadiote ajadalri jinaitsjada matsia. ⁹ Ljia natalrikana nanji tsolroodaonai ljikaiteka ; shaa yanjikape jimina lria yakutji inulri lrinumalrikuite lriajii kajlikedalri nemetjakarro panti ikatsa nopanaka liaji natalrikana nanji tsolrodaonai, ikapirriko lriaji matsiadalri, wemetakarro waminalri ipana ¹⁰ Lripeyatoa lriaji jajledauka kurrin kaiterrida iniwa nanji pjaniati kurrin pakau nadejikalre ikuada, kurrin atsianai irso kurrintsaka mafikalrinai irso, naa nepjanda kurrinpia namawadaka nakawaa nitee nadiakao, noatsa ikada nakuana nite pjadape nakuemakao, ¹¹ Mitsa pjanaya opjina jliyapao, kaiwatsajii lrimakaketjentso lriajii yakajle, kamitsa lrikaitjeka lriajii natalrikana nanjii tsolrodaonai ¹² Wapjanakarro lrianji irieke matsiadalri narrowatsao jiipjainanako najii lrinjaka, Eno lrikuitje lriwitsikakau tsanja noatsa ikadaa lritepjen itsoirianji yakalre pjiomi natsolji. ¹³ shapia shaa nakapanpe naikau apana jipjai matsiperrin Juda ipjana, Israel ipjanatsaka norsosha nomanakutaka nite shaa irsoatsa matsiadalri mfiotsao ikadakao kaidaperritso! ¹⁴ Lriaji natalrikana nanji tsolodaonai lrikeite: kaiji ikaitepekapisho jinaitena matsi kaijii naumetakapisho nanji ipekipenaite nauametja nuirrua lrikaiteka: lriaji natalrikana nanji tsolodaonai kurrin lriyapakao ¹⁵ kaitsaka nokaitepeka papja jalredauka nomatsietja Jerusalen nite Juda ipjana ! Mafiotsao! ¹⁶ katsa irusha jinaitaka, ikaitje yakutji najadri nakuan naji iktsiñape ikaitje matsialri ajadalri napajananomakuan ¹⁷ Makaitjepetsa jiinaitjakarro matsii ikualrerrikuitje itsowaka , makaitjetsa mmidalritsa nupjitjananaku mapjeyotsan katsa kurripjeka nopjeya njajii kamitsa lrikaitjeka lriajii waminalri ¹⁸ Nitje ltisko lriajii natalrikana nanji tsolodaonai lriako nutso ¹⁹ lriajii natalrikana nanji tsolodaonai lrikaite kaijii maiñjakakana kuakaka kerri, nite pjemashopja pjakapii kerri, sietjeshopja kerri nite yamemashopa pjakapjji, lridiawatsao mejamidalri nite katimadalri ; wawatsianjikao nakatjimatakaonJuda ipjnalriko nini, ipjeyo lriaji ojadalri nitje matsiadri ²⁰ Lriajii Natalrikana nanji tsalodaonai lrikaitje nanji inaiki napjietja nadiakatsenakao, pjdenirri nanji lrimaimaka jiofakapje tjkolrepena yalrkuan ²¹ Nanji jiofakapje apaolja yakalrerriko nawatsaa apjafe yakalrerriko nawatsaa apjafe yakalrerriko nije nakeitje ; ikadaa wakarro keeyao watjatja lrinai wakapjakarro lrikuetje lrioyi waminalri, wakarru waumaa lriaji, natalrikana nanji tsolodaonai! fawatsaa yawaa. ²² Jjurrewatsa inaiki kaidapjerri apjada jipjainakutjeperri nanuatsa nauma tsolodaodai itjalrikana Jerusalenlriko, natjatjakarro tjalrikanatji inaji matsialri ²³ Lrianji tsolodaonai itjalrikana lriako, lriada jalredauka, nanji diedaa atsianai kakapee apjada yakulrikuite nite pjada jipjai ikalrapi natsayan naku: ikadaa waa jinai, imaa femikapjua Dioska pjinai.