¹ Itata Dios inai iiya onia lrico, Waminalri icadawacha colrocolroda eeno, njitje lricada wacha iiya jiwacao aima, njite lricadachaca jaico o malrichi ipanjiapjirrico. ² Njá nji nadiote nacaiteocha yaacotji midalricha, njite lriaji nacapalri njanji inopalrotacape ishatjicha, nacaite njetapon namanjetashopa, namawadaketaocha midalricha, nini manalrecana cainji ovejasho, korripacoa nalro naminalri njerrapjitjachaca. ³ Noilroa inowacha nanaco njaji naminanai; icacha njaji naminai machiperrin, njite lriaji Owinai iminalri lrinochacaocha lricapa lrinaikite, njite naji Judá lricadawachana cainji cabayosho yaacape owirrico! ⁴ Naoyeteocha lrino lrianji lipada keemjefi, naoshetjeocha lrino lriaji camarrai yocacalrona naapa nalrico, naoyetjeocha lrino lriaji nayawitjiapo owi icaoya, naoshete nano nja nji napiyawanai piomi iwaketacacapeo. ⁵ Njawacha inaitacao owinaiwa, naji opoalriocha njeponda jotjo jothopalrirrico, calle rrico chaca Nanaitaocha owi ima waminalrica nanai nacapaimantaca njaji yaácape caballo naco owirrico. ⁶ Noa nocaidataocha Judá iipana, njite noyomjetachacaocha José iipana: Norretachenacaochana kenawacha nocapa nalro njite caichenacaocha naji korriperrisho nomacoadata, NOAWACHA NAMINALRI NADIOTECHACA, noepaochana. ⁷ Efrain caiji owipedalrisho, catimaocha lrícaolre caiji irracadasho irraodati, njite lrienipe icapani catima nacaolre, catimacha nacaolre noicaote. ⁸ ¡Nowanaochana nowinjacalresho, njite Nowaketaochana njite notaochana, njite nadiechenacaocha aimana caiji nai nitacapisho! ⁹ Noapanajica napjecolrico naji apjechida nenipechaca nadiachenaca noicaolre. ¹⁰ Notana Egipto lricoite, nowaketacalrona Asiria lrico. Njite nodeena jipai Galaad lrico, Líbano lricochaca atee nokeetaca lropa nepaiteo. ¹¹ Noyapetaocha lriaji njerrapitapialri oni marsho; Noyamitawacha oni mar oriocaa nometataocha lriaji tjewacadalri oni Nilo. Nite lriaji Asiria jidaá lriwayacacao. ¹² Noaá nocaídataochana NOA nite naá njicaocha noinai noipitananaco icacha lricaíterrica lríaji WAMINALRÍ.