Njaji matsiaperri njite njaji mátsiperri
1
¡Catimadalrica jliaji atsia corridalritsa inaitja cayoji nacaite capisho lrirso lrinaitjácarro njaji inaiki matsiperri, lriaji cantja nainai njaji camatsicanaperri, o lriofacawa nacodapi njaji icacaperri apjetsida nacó.
2
Icamitsa lricatimatacawa Dio iaco naco, deepi rico njite jalrewerrico tsakja!
3
Njite kjaidacani cayoji jaico napananda ooni iarrocawa icodapi, cainaca cani jlinana lrico, njiyte corrin meetaca nja lripje niini corrin njewacawa; njite matsiaca lrirso pjiomi njaji lridejirri.
4
Mitsa, corritsa cayoca njaji inaiki matsiperri, ima cayocanaji panapje merriperrimi sho caojli ipjiaji ipeco teeco.
5
Niini njaji matsiperrimi, caiperrinatsa camatsicanaperricana, njite njaji camatsicanaperri corri watsa nataita naofacawa nacodapi njaji matsiaperri.
6
Jliaji IMINALRITI lriaji lrideeca matsiakjai lrico inipo njaji matsiaperritsa, mitsa njaji mátsiperri icamitsaotsa njenacawa inipo ioya manalrecarrona.