¹ Ljinljimatsiakal ljiaji iomakada iiwayaketakapia piikaidatakao liikoete, piiwapa ljiaji iinipo, iikaidatakao, iiwaketa naji iitsoolodaoni. ² Miitsa ljiaji iiminali liiwalridalritaka ljimatsiaka ljiaji Jacob kaiji naamashiakasho naaji Israel - nai, kaikadana naaji ii;aitokape naa;aitokaotsa, niite naamatsikaka ljiki ljiaji uva. ³ Naaji nanaadanatakashopa naajii ashianai kaidaperi naakapakana iiraidalji, mitsa naaji kaaidaperi nasho - ka naashayani ljikapakana pootokudaljii iiraika ; naaji carro naakanaka ljima ljiaji tsipalrakapoani ljiada naamashietakakadanako, iima ljiaji m ulrocu paashimikan. ⁴ Naaji ljishoetani ljiaji caballo keeya naamotua callerikolje; naomotuenao niite naadiawa maakakai calleriko. kaipanalitsaji paapayaitsho niite neekoa kaiji eeno iiperokapisho. ⁵ ljiaocha ljiaji iitokoakada ljibititetaka tsa iiwana naaji kaakonaaeri ; naa neewanikao naokoete maomakadankoeno naakao ; naakeyapita naakaro naadatakaro ljiaji ljidana ljiaji yaakalje. Ljiaji naadanatakashopa maakaite naamashietani naadanatakashopa naoya naaji naakoema. ⁶ Naaji naapananoma naaji iinipao naamekona jiidatisho niite liaji panti kaakonnadali ljiwakao maatsi. ⁷ Huzzab shoa nenita naaji rronani niite ljia neeranda. Niite shoaji iidenikada shiomikano kaiji jolritasho ljiñaka ljikodaljiko. ⁸ Ninive kaikaniaji aapada ooni iofakaroda oopidaljinsho naakao naanaikite iapiya kaiji ooni iamarakadasho keeya. Apana tsemaatta : "yeemao, yeemao", mitsa korii apada iikabako iikapa naapodanshe ⁹ Jiita ljiaroda ljiaji palrata, jiita ljiarada ljiaji oowiro miitsa kori lishoka ljiwayakakawa ljimashiaka naasholjii kookadapekasha matsiaperi ljisholjii ljiai ¹⁰ Ninive kaikaniaji meetadadaljisho akaniaji Keenakalririiko. Ljiaji naakade kaikaniaji iipokotakadasho; naatetekao naoshripada piomi niite naaji tsakara naamotokao piomi; niite ljiaji neekoa eewakaan. ¹¹ Akeree naaji naofakaroda naaji yaawinai, niite koakawaotsa neemanikao naaji yaawienii aotsaji koorikawa koka iifietetakana? ¹² Ljiaji yaawi ljiipa koandalikatsa naatsowaalre naaji ljienipe niinotsaka rooshowalre shoaji yaawi iinaronaa, paakamika ljiipesho ljiaji ljiofaakawa. ¹³ Piikapa, noa paanayaljiaji iikoetekanoa, likatsa ljiaji ljikaiteri ljiaji iiminali aayadashaka naaji tsolrodaonai. Iiamakaotsa niite watsa notsotaka iitamaanati piicarron ioya, niitewatsa ljiaji naamtsetan ljiiyoetakaotsa naaji yaawi shonipetoa. Neerakaotsa jiipaite ioya ljiaji iiyada, niiteotsa kooritsa peemika ljiuwanaka ljiaji iimenaakaanda.