¹ Nini nanacoite imatsietacape nanaitjacaro matsi, njaji imatsietaca naorsoacarodalrico nanaitjacaro ljiaji matsidalri, nanitja piyompinaconi catsina ima nashoca jiduati. ² Nakemica ljiaji naofacawa njite naoma nañaitoca naoyani naomapanti njite njeta naoyana. Nerapiteta ljiaji atsia njite lripaneta, atsiatsaca njite lriyaroaji. ³ Mitsa lriaco ljiaji WAMINALRI icapa kejeyetsa nodee naicjaolre matsidalri njaji coridalri itaita iwayaketaca iwedalrico ioya. Coriatsa yanjicava padalrepersho lriada jalredaoca, ima matsiwata lriadanaco. ⁴ Lriadawatsa jalredaoca nacantawatsa pada canción inaco njaji icoema njite inonawatsana matsinadalrina, nacantawatsa; ima kjenacafá Isrraelnai lriaji WAMINALRI, lricadawatsa pafénakja naofacawa njaji nonaikite. ¿Coajintja lritacani noya? ¡Lriacadana ljiaji waofacawa nasho njaji inocape imawadacaperitsa" ⁵ Njite shaá, cananiperi curiwatsa irsica jiapadampe icadacaro pafepena ljiaji iofacawa fiticai lriwaketa cawalrico ljiaji WAMINALRI. ⁶ "Macaitetsa, "naco njaji icaitecape coajica; corim nataita nacaiteca lrinaco ljiajimcorimtsaca nataita nacateca corica lrino. ⁷ Capja nataita nacaite njaji Jacob ipaneta: "keroaca ljiaji WAMINALRI Iespirituni? ¿Capja ljiaji noaco corica lrinaita matsia coajidalricatsa lriajicarowa matsiawa. ⁸ Piketem njaji nonakite njenicoetacawa caiji nocoemasho, shaa jita ljiaji natsayanalre njite tsaya, naoya njaji coriperitsa pawada, caiji owisho idiacada owiricjoite njaji iwadacape imawadaca. ⁹ Shaa jita njaji inatjepe narsowalrepe njaji nonaikite napeyonpe napanalrico; Shaa jita ljiaji nomatsiaca naoya njaji yenipe caidalriwetsa. ¹⁰ Jinicoetacawa njite warsa yawa, ima ljiaji cori cawatsa itaita iofacao, imatsicana ima; matsicani pjiomi. ¹¹ Pada inocadaa ikjaolre espiritu cashadalrisno lricashaata lriaco: "No caitewatsa lrinaco ljiaji vino njite capoaldari", capjawatsa lriaca profeta narso njaji inaiki. ¹² Nowaketawatsa jia pjiomi Jacob. Noniwaotsa pjiomi njaji Israelnai itepem nodewatsanacaiji padecapisho oveja corrarra lrico caiji maficalrisho nacorrarratají naijaaperico malritsi, nini watsa kemana kjaidaa namaimaca ima. ¹³ Padawatsa ljiaji iacada imjecocada inipo narso, lriawatsa napjeyalre, njiteotsa nadoita pantinoma namutocaroa, ljiaji natalricana lriawatsa napjeyalre, ljiaji awatsaniji njewida icao.