¹ Makatimata katsa Israel, iikatimatakao nakayotso najji opana. tsaapia taimiperipeina tsaa, iimaoda kaka i Dioste ioya, tsaa iipeyo iikaoñaka lisho liaji iidenikale tsuaji kawiledaron liaji itodetanda. ² Mitsa naaji liyape naji itodeetandan koriotsa iiñakana; liaji waalidali vino ljinita kaanakai kani. ³ Njaa koritsa naofakao naaminali jiipaite inako; tekoleenaka, Efraín iidiawa Egipto liikole niite paapia jaaledaoka njaa naawa naaija kaopitadali onaji Asiria. ⁴ Njao karin naawa naro liaji naanda vino naaminali isho korita matamikona liapiya. Liaji naanaitetali lisho liimotua kaiji mayanda iiñaodanasho: Piomi naaji iijalin kaikanaji kaopitaperitso liaji naiñaoda naatsowalekatsani; koriotsa naanoka naaminali iipanalikole. ⁵ ¿Kookaotsa iinaita liada iiniwaa nakadanako liikaoya liaji jikatimata kakoroda, liiadaotsa liikakimatakaroda liitsowale liaji iiminali? ⁶ Likaa-paata, mitsa njaa naapitokaotsa lioya liaji iomali iiwaya kjetakana, Egipto iiwakjeta kaotsana, niite Menfis liitakaotsana. Naaji mayawi naamotokaotsa naana niaroliko palatatsodali niite naaji neewi paakamikana pantiriko. ⁷ Naleedao kate iokakao neerapitakaro; naalredaokate nakaoñokaro liokakao. Iidada piomi naaji Israel-nai piomi liinako liaji neeyapaliotso, liaji iinoparotacada manikadalikatsa niite liaji Dios iimenacando apada atsia iipikakadakan, liimatsikana matsiidali iina niite aima matsidalikan. ⁸ Liiji iiwapado liidanatatsaka Dios iicada Efraín. Naaji iinaikjinai naanaita apada nadanatatsopa aakjerekatsa liawa. ⁹ Naa naamatsikakakao aina liawalipia liaji Guibeá Dios watsa iide liakona maamatsica liawatsa iikaada neerapitaka naamatsikana iima. ¹⁰ Liikaite naaminali kuankadanadodaotsa nua noo kjeta naaji Israel, kaiji paokjetakapitsa uva maminaliwerriko. Kaiji iinitakadatso liinaka liawalia liaji aapana jaiko liipitana (higo), nua jiinisi nookjetatsa. Mitsa naa nawa Baal iikaole matsina niite naamapa liaji idolo kaapaimanaádali. Niite naaji inaikji naadofia liaji idolo naapeyonda pia. ¹¹ Liima liaji Efraín, liimatsiaka iipokota kaiji wiipiaro iarakapitso. Koriotsa paakapa aapada iimotokao, koriotsa kjewedandaro. ¹² Nintsanta naadeka naaji yeenpetipe, Nuawatsa iidena kurikaroatso aapada iufawa. ¡Aapadapenawatsa naanakaite noenakaotsa naoya! ¹³ Noa nookapentsa liaji Efraín, kaikaniaji naakajotso najii Tiro, naapananda aanaji jamaliaanriko, mitsa Efraín liidewatsa liaji lienipe aapewatsa iiwapa iinoni. Piinaitena, waominali - ¿Kookaotsa lia? ¹⁴ Piikada notso neenipe jiiwakaro nawa wari koite niite naini karin liishoka iiniati. ¹⁵ Piami naamatsikana iipokotakao anaji Gilgal, aapianaji noinitapiali noa okapakana motsi liima liaji naanaitanda maakadatsa.Noatraotsa jiitana noopanalikoite. Koritsa koankaoli noopieta noopeyokana; naaji taatikanatinai meepakaperikana. ¹⁶ Efraín liaka apada iipoati naaji liipali nainitaka peetakani; niinina korin kurin kainakakana.Pandeka natsoka nenipe, Noa nokada liipeyonda lienipe mayamikaotsani. ¹⁷ Liaji no Diote liimakoada ta kaotsa liimaotsa liaji korikapoa nepani, kaikanaji neenitakakapitso naoyo naji apana naakjitsiñape