Capitulo 5
1
!Jiíma lriaji, sacerdotena¡ !Wapa jimio, jia Israelna¡ !jimica jia rey¡ paneta ima machiolari inocoacha icoete. Jia inaitusha ca narso machicarrona aaji Mizpa njite apamacha toda tabor naco.
2
Nauji meepacaperri newapao tewacapa nainocarrona, mitsa norropitelaoshona piomi.
3
Noajinsha lriaji Efraín, njite Israel corrisha lridawakenca cayoyi yoopidarronsho, israel mashicana rromachicana sho.
4
Naji nanaitanipe corrin lricadaca nadiawa Dios idershe iima lriaji waminalri.
5
Lriaji lripadalreca lriaji Israel lrirrapitetacaoshana cayoji Israelsho njite Efraín newacooshao namashicana ima, njite Judasha jiwashacaoshao lrima.
6
Nawasha piomi papoco naapirra yaapia naomacarro Waminalri, misha corriwasha naoketacan, ima lrienitacacaosha naoya.
7
Ima namatadapía Waminalri irsho, ima nashopiaca nenipe apana anaiperrisha. Panaya walripi kerrinaco nowayaketacaoshana piomi napaite iapiá.
8
Ipiawacha kemashopa aji Gilbeálrico, njite lriaji trompeta aaji ramalrico. Nijite kejemalri nainoacashada aji Bet Avén: wawasha piapondan pia Benjamín.
9
Efraín lriwayaketaoshani lriadaosha lrirrapitetacani. Naapoconocoiteperri njaji Israelnai Opiria nocadaa njaji lriaji mashadalri.
10
Naaji nevidapo naji Judanai nacayoshocana naaji yomape jiyapa lrioyawaca lriaji napaite. Noarroasha noirroa cayoyi oonisho.
11
Efraín lripatoetacani lriaji jirrapitaketi, ima lriwacasha iawa napodan naaji idolonai.
12
Cayowasha nua wepisho narso noaji Efraínnai njite ipacadalrinshoca naapana irso naji Judanai.
13
Nite Efraín icapadanaco lriaji lriyamike njite Judá lricapa lriyaoni, icamitsa Efraín iawa Asirialre njite Judaireshaca. Lrimenaca njaji idecape yacoti caidalri talricanati iderse. Mitsa corrin lritaita lrimachietacana o lritapeca nayaone.
14
Leonshoatsa noa Efraín irso njite lrienipenashaatsa noa Judá ipana irso, noa, nowayaketaotsani njite noavashawa, teecolve, njite corriwatsa pacapa apada iyumetacaitana.
15
Noavatsawa njite nodiashenacaotsao nowacawa lrico. Até kerrecaotsa naoji lrioji namashicana njite naomashenacaotsa nocapacana, até kerrecaotsa naoma noa inonacalrirrico.