¹ Picaite maiso njaji: pikitsiñape, njite narso njaji pikitssidoanaipe "¡Nonaiaikite aimadanca sha!" nokadaji irsó icapácarro coajica kjenaca nocapala irso. ² Icaite roacona rsoaji jidoa, icaite roacona, ima corritsa noinocano, njite corrin tsakja roinirrica njóa. Jita rooya roeilre, njite y amicarro ronaítjaca muatsi rodada sho. ³ Ima corri cadaa rsoepa, njota caotsa rooya rotsayani matsayan carroatsano cayoji jico caoj-píano. Nometataotsano cayoji jalrapocolri sho, jiipai meetádalri sho, njite nocadaotsa mayamicano meta capoa rocaqore. ⁴ corriotsa kjenácarroca nocapaca narso njaji roenipe, ima ioenipecana rowilre ricó. Ima cawilre-darroca rsoaji jidoa, ronaitjajica sha rowilre ricó njite corrin capaimanicano irikjaote. ⁵ Ima roaco: "Noatoa nooma njaji nonapjenai, ima icatsa njaji ialrica noiñjao njite noirrao tsakja." ⁶ Ninitsa njorretaotsa rodanawa jaico cadanawa wade róketaca roapowao. ⁷ Roajitjaotsa romaji njaji ronapjenai, mitsa corriotsa voketá carrocana. Njite rocaiteotsa: "Nodiaca tsenakajawa Irikjaolre jliaji noinitalri noinirrica, ima matsia pja piaca norsoni oopi panaya ioya". ⁸ Ima corri pia roaj: njoa piaca ia roijao trigope, jaicotjeda iana walriajai njite aceite, tsakja, njite imaimatacada ropalratani njite rowirrote tsakja roalri mana Baal irso. ⁹ Ima njoatsa iwaketa vorso matsia njaji ropania trigo roniwa caojlina-ná, njite njaji jaico tjeda iana walriajaipe no yaperri jlinana Irico. Njotaotsa rooya njaji pajleti noyape roitashopa pia rodada matsía. ¹⁰ Njite njotaotsa rotsayani rooya nacapatsa njaji ronapjenai, njite corriotsa cocá carroca ímanacotani njoida. ioya. ¹¹ Noyamitatsa rooya rojoitaaca-cawa ioya, nawacaaca cawa ioya nacatima-taaca carroa ioya, walripi cádanaco kérri, jliaji jalredaoca nawapetacarroda irico, njite pjiomi njaj: nawacaaca-cawa irico nacatmataaca-carroa ioya Nocadanda narso. ¹² Nomatsikeotsa rooya rokinikerre njite pjiomi njaji lripaníana higo, njaji rocaiteji inaco cayoji:"Icatsa njaj: nonapjenai icaoñashopa njoa" Nocadotsa tsamicarro naicao njite maficalri iñjacaotsana. ¹³ Njorrapiteta caotsano naikjaote njaji nacatinataaca carroa Baal iso, romjaita capoa incienso narso, romatsietaaca capoawa matsia rsoeta cádanaco ronacoa rocapirro njite njaji ropatjepi,njjite roacawa njapodem njaji ronapjenai njite romao daeaca nooya. Icatsa Dio icaiteca cayo" ¹⁴ Mitsa, nopieta tsenakjaotsa nocadaca ropeyoca njoa. Nodeotsano jalrapocilri Iricojle njite caacoatsa njoa rorso matsiatsa, joiwisho. ¹⁵ Nodietaotsa rorso rsopaite, njite rsopaoite pacoaitádalri Acordalri roinita shopa rowapaca matsiadalri. Njite rsoepaotsa njoa cayoji rsoepa caojli pía njoa yempeti caojli píatoano. Cayoji rsoepa capisho pia njoa jliada pia romoto caojli pía Egipto irikjoite. ¹⁶ Icatsa jliada jecoapi, Lriaco jliaj: IMINALRIII, rojicaotsa Njoa, "pjia noinirri", njite corriotsa coancaojji piajiwatsa njaa, "pjia No-Baalni". ¹⁷ Ima Njotacaotsa ronoma ioya jliaji ipitanati Baal; corrinatsaotsa nawada carroketsa Baal ipitana. ¹⁸ Jliadaotsa Jecoapi nonaitsaotsa yacoti narso naapiya njaji maficalri mapirra canaperri, wipjiarro iapiya, njite naapiya njaji maficalri yanjicape nawawasho jiipai naco. Corriotsa cocá carroca inaitja oowi nakjoete. Namaodaca-caotsa naofacawanjepaite ricó. ¹⁹ Nocaite ajadalri pirso pinirrica njoa. Nocaite ajádalri sho pirso pínirri inaitsacíta pirso matsía, mamatada-cádalri, yacoti aja dalri jliaji noccaite pirso, njite kjenaotsa nocapaca pirso. ²⁰ Nocaite pirso ajádalri sho corricaotsa nomatdá carroca pirso, njite panjiwatsa jliají IMINALRITI. ²¹ Jliada watsa jalredaoca, njoepaotsana, iriaco jliaji Iminalriti, nja watsa ianji cenocoma-naco, njite nja watsa ianji jalredaoca naco. ²² Njite jiipai watsa ianji paniati ishi naco, jaicotjedaa walriajai naco njite aceite naco tsakja, nijiite nja watsa ianji Jezreel naco. ²³ Nocadaotsa Norsowaona Nopaite irico, njite kjena watsa nacapaca narso la Ruhomá irico Nocaiteotsa lo Ammi irso cayoji: "Icatsa Ammí Attá-ca sha, njite naicateo tsa njoa cayoji, Icatsa piji Nominalri".