¹ Nomamatsietacacawa njomao carroatsa iwapa nowapa carroda nakjoite yenondalri, corriotsa nomácarroca njomi carroatsa coajica Lricaiteca norso njite norsotsa yamica nocaitepejica Lriapiya ima norsotsa pacoacaca nowaopiakje Dio iapiya. ² Njite Jliepaca njoa Jliaji Iminalriti, Lriaco cayoji: ''Pida jliaji picapalri piwaopiakje ricó, corrin yamadaca piwaopiakje pidana cádanaco paperra lrico lritaitá carroatsa jliecocawa jliaji ileecada lrilee cádanacoatsan. ³ Ima jliaji picapalri piwaopiakje rico a pjatoatsa icaoya cani, icatsa niniotsa cacocani njite corriotsa lrimatadá carroca. Wia cadaotsa jliyapacawa, piwapaotsani. Ima jlinana yokjentsaotsa njite corriotsa wiá carroca lrioca cádanacoenaotsawa. ⁴ Niini picapa jliaji inaiki corridalritsa matsiaca jliaji lrinaitjalri, mitsa napadalretacawa nasho. Mitsa Caficaotsa jliaji inaki lricada capoa lricaolre Dio nacó. ⁵ Ima corridalritsa ajádalrica jliaji atsia yempeti toa idewana cada, padelredalri cani, mikjapandalritsa, icamitsa lrioma pjaca lrirsowawa inaniti, corritsa jamá carrocani, cayocani mayamicalri sho corridalrutsa matsia ianjiacacacawa nasho njaji mayamperrina, lrioma pjaaca. Jlipa lrirsowawa njaji apacoa jiipai njite lriwaketa aima lrinaikitewa nanakjoite. ⁶ Mitsa jliapodamina, pjiomi njaji inaiki necá caotsa lriicao, nacaiteotsa lrinaco cayoji: ¡Matsídalri caotsa íno lrinaco jliaji jipalri lrirsowao njaji corripetsa lriyapecana! Pirsokewna aimádalri coento pinacó ¿Coshoatsa jalredaoca pitaitaotsa pideecani pinacoa? ⁷ Njite corri cádanacoatsa piwapa naocaotsa pikjaolre njaji pidewenji, njite njaji pifionji pia iwana njenico tsenakjaotsa pikjoete njite njetaotsa pioya pjiomi njaji pirsolri pia. ⁸ Ima piino piaca aima inaiki, niini nanakjoite njaji inaiki nawacaacawa nainó carroatsa njamao pjia. Ima aima pinona inaiki njite pinaitja pia aima matsicalri narso njaji inaiki jalredaoca lriciperri, nayacalre irso njite pjiomi njaji iofacapewa lri ricoda. ⁹ Matsídalri ínoca pikjaolre pjia iñaito cáda pirsowao pada iyarro, wadentja maatsica pjia piofacawa lrico, yomjécarro pjia naoya njaji inaiki matsiperri. ¹⁰ Pideeca piipaneta nacojle ipaimanti aimadalri pjimi capoa narso njaji manjicaperri niini pinoca aima inaiki. ¹¹ Ima njaji jiipada yacaalre iwai nacaitecaotsa naacona nerrolri njitewa, njite pacoaca tsakjaotsa nacaiteca njaji panti icoajaipe. ¹² Matsidalrica jliaji inocada inaiki lriñaitó-carro lrinaani lrinaitjácarro lriyacalrewa matsicalri sho. ¹³ Padatsa Dio Jliaji itaitacada imjaitaca tiyé sho nayacalre njaji inaiki aimadan njerrapitanda nanaitjaca mikjapantsa. ¹⁴ Mitsa njaji inaiki jalredaoca lricoperri napakjantaaca caotsawa Dio imatsiaca sho cayoji ooni iita capisho jliaji macapawan. ¹⁵ Matsidalrica jliaji irretacada lricodapidalri, pjia ipecocada pja capoadalri irraodati ricó picapácarro lridada matsayandalrina jliaji idewanacada. ¹⁶ Pioma capoa pimatsiacawa matsicari ricó niini Dio ideca pikjaolre ipaimanti aimadalri. Pirra tsakjaotsa jliaji irraodati pinaitjanda, njite picapa tsakjaotsa pidadawaca matsayandalri. Cayoji Dio jirrapiteta capisho njaji apana inaiki, cayo tsakjaotsa Jlimao jlirrapiteteca pjia Jliida kjaidadalri sho, pjiomi njaji jalredaoca lricoperri nacapotsa pjiina, corriotsa coca icapa coaji piaca kjaida cádanaco piatoa pjia. ¹⁷ Piino pia aima inaiki Libano lrico njite piino tsakja aima nápirra niini. Niini panaya pjiomi njaji pinaitjalri nini namtsiketa caotsa pjia. Cayoatsa pjiyapacawa piino capoa aima calretsa inaiki, pinaitja maatsi narso njaji inaiki jalredaoca lricoperri njepaite ricó, nayacalre ricó njite pjiomi nanaikitena. ¹⁸ ¿Coada pirso jliaji idolo lriaitjalri jliaji inaitjacadani? Ima jliaji inaitjacadani o jlia cadaa jliaji ipatsicacada pada idolo tsipalra sho, pada cayecádalri cashadalrim; ima pjiepaca nanaco njaji idolonai corripetsa itaita cacoca. ¹⁹ Matsidalrica lrirso jliaji icaitecada jaico irso: ''¡Picafiawa!'' o jiipada maacodalri irso: ''¡Pjinicowa!'' ¿Capja njaji nataita nacanantaca? Icaa coajica idatacana owirro sho, palrata sho, mitsa corrin narsoca nacafica. ²⁰ ¡Mitsa jliaji IMINALRITI acaniji lriofacawa lrico Matsiadalri ricó! Maacotsa Lripeyajle pjiomi sha jalredaoca lricoperri.'