¹ Amasia irsopiakena venticinco walria lripekirrica naco lriniita cádnaco lritalricanaataca; venticinco walria lritalricanaataca Jerosalén lrico. Joadán pia jlidoa iipitana, Jerosalén darro iofawa. ² Lrinaitja matsia Dio ipeyajle, mitsa corri cantja lricaolre matsiadalri iapiya lriomacawa Dio. ³ Niini matsia cadanacoena lritalricanataca, lrinaa nainoca naji lrirsoperri inocapem jlinirri, natalricanam pia. ⁴ Mitsa corrim lrinaa nainoca njaji neenipemi; icamitsa lrinaitjaca cayoji lricaite capisho jliaji Moisé idananda, njaji iacoti yajicape panaco, cayoji wa-Minalri inaa capisho nanaitjaca, ima cayo pia lricaiteca: ''Corrim nataita nainoca njanirri neenipe ikjaote, corrim tsacja nataita nainoca neenipe njanirri ikjaote. Nacoanamtsa narsotsa mayamicana namatsicana ikjaote.'' ⁵ jite Amasia iwaketa njai Judánai lriniwetá-carrona coanca naferrinaipemi iipaneta nacó, njite lricadaa nanaco comandante irsocape mil ipeyajle inaiki, njite njaji irsocape cien inaiki ipeyajle tsakja, lriniweeta pjiomi njai Judá poco njite Benjamín poco tsakja. Lriniweta njaji irsocape venta walria napekirrica naco ipeyajle, njite lriniweta pjiomina treciento mil atsianai namaimaca, njatsa njaji naniwanajitsa, itaitacapena iacawa oowi-rico, itaitacapena jipaca molroco njite nadanaita tsakja. ⁶ Lricaoña pja cien mil atsianai itaitacape inoacawa oowi rico Irael ricope, lricaoña nacoana cientalento sho palraata. ⁷ Mitsa pada atsia Dio imenacanda iawa talricanaati iderse, lriaco lrirso: ''Talricanaati, nacadatsa naaca piinai njaji tsolrodaonai aimadan iraelitanai, ima Dio imacaca njaji Iraelnai, corrin tsakja njaji inaiki Efrai nakjoitepe. ⁸ Mitsa pjia cadatsa iawa maficaite capoa pjia njite kjaidete oowi rico, Dio ipecoatsa pipeyajle njaji picoema, ima Dio irsoca jiida lrikitsindatácarro, njite lripeecó-carro tsakja teeco.'' ⁹ Njite Amasia iaco lrirso jliaji atsia Dio imenacanda: ''¿Njite coaje nonaitjaca, ima nocaoñaca aima palrata sho njaji tsolrodaonai Irael lricope? ''jite jliepacani jliaji atsia Dio imenacanda: ''Dio itaita iáaca aima pja naoya njaji piaji narso.'' ¹⁰ Niini Amasia jienita njaji tsolrodaonai inocapempia Efraín lrikjoitepe; njite lrimeenaca nadiawa njapodamrsewa. Njite kerroacana pekirritsa Judá ikjoete, njite nadia nérroa lrico nakjoete naapana lricojle. ¹¹ Amasia ikjaidatacawa niini lrideeca njaji lrinaikite naacarro lri_ricoda jliaji jiipai ioyawaca Yokirra-dalri iipitana; Lriino die mil tsolrodaonai Seir lricope niini. ¹² Njaji tsolrodaonai Judá lricope njepa caafitsa die mil tsolrodaonai tsakja. Nadee yenoncawa nacojlena napeecó-carro njewa njitena mayamícarrona. ¹³ Mitsa njaji atsianai tsolrodaonai Amasia imenacaji idiawa, wadee naaca nainoacawa lrikitsindaona, nadia naino njaji yacaalre Judá lricope, nainita nainoca Samaria lrikjoite teeco Bet Horón lricojle. Naino tre mil inaiki yacaalre ricope, njite nadee naoya aima nanaanipem. ¹⁴ Njite Amasia idia cádanaco iocawa lriino cayami aima edomitanai, lridee yacaalre seir rikjoite nadiote njaji ninperri, njite lricadaana nadiote carroenakja njaji lrinaikite. Amasia icoanja naikjaolre njite lrimjaita narso incienso. ¹⁵ Niini kerroaca Dio Amasia ikjoete. Dio imeenaca pada profeta lriderse lricaité-carro lrirso cayoji: ''¿Coadao pirso nadiote apana njaji inaiki, njaji dionai corri perritsa itaita imanacotacana pioya?'' ¹⁶ Mitsa caaco cádanacotoa jliaji profeta talricanaati irso, talricanaati iaco lrirso: ¿Capja nocadandaca pjia icaoda norsao iacoti? ¡Ajena caacoca pjia, noinoda pjia!'' Ikaamitsa yami catoa jliaji profeta, njite lriaco pja lrirso: ''Noanjintsa Dio iwayaketacaotsa pjia lrikjaote jliaji pinaitjalri maatsi, njite corrin pioma pjimica nocaiteca pjia.'' ¹⁷ Njite Amasia, Judá italricanaa ioma iacoti naiani njaji iácape lrirso iacoti, njite lrimeenaca iacoti Joas irso, Joacaz irri, Jehú irri Irael Italricanaa cayoji: ''Pinoatsa wainoacá carro oowi rico pjiá njite njóa.'' ¹⁸ Mitsa Joás, Iraelitalricanaa idieta iacoti Amasía irso, Judá italricanaa, lriaco lrirso cayoji: ''Jliaji mayafina iemacadam pia Libano lrico lrimeenaca iacoti lrirso jliaji cedrona iemalriwa Libano lrico, lriaco lrirso cayoji: ''Picada piito roofá carro nirri iinai.'' Mitsa apana maaficalri jiyapa Libano lrico niini opica jlipjoa jliaca mayafina.'' ¹⁹ Ajádalri opica pjiameta njaji Edom lricope, picatimataacawa lrisho, mananitsa pjia piyacalre rico wadee piomaca pirsowawa matsicalri ¿Coadada pioma pirsowao maatsirri, njite narso njaji Judá lricopetsakja?'' ²⁰ Mitsa corrim Amasía jlimica lrirso ima Dio catsa icadaa cayocarro jliyapacawa, lricadaacarro njaji Judá lricope nacoema irsona, naoma capoa iacoti nainai njaji Edom perri idiote iinai. ²¹ Niini Joás, Irael italricanaa iáa inoacawa Amasía ikjoete, Judá italricanaa. Nainoacawa nakjoetewaca Bet Semes lrico, jliaji yacaalre Judá lricoda. ²² Niini Irael jiametaca Judá, njite njaji tsolrodaonai Judá lricope napitocawa naapana lricojle. ²³ Joás, Irael italricanaa, jipaca jliaji Josía, Judá italricanaa, Joás irri, Joacaz irri, Bet Semes lrico. Lrioca cádanaco Jerosalén lricojle, Joás itsolrodaonai jiweta Jerosalén idana, wadepia ciento ochenta metro jliwalripaca, Efrain ipananoma nakjoite teeco jlinaa yacaalre idaana itonjiwi nacojle. ²⁴ Niini jlipaca lridee pjiomi njaji owirro, palraata, pjiomi njaji lrioketalri Dio iipana lrico Obed Edom iapiya, pjiomi njaji inaaniti dape cacoadaperri talricanaati dapana lricope, lridee tsakja preso njaji inaiki, njitena lridiawa Samaria lricojle. ²⁵ Njite Amasía, Joás irri, Judá italricanaa iofaa quince oonia mayami cayami Joás, Joacaz irri, Irael italricanaa. ²⁶ Njite nja Amasía inacoanaperri pacapacana lri ricoda jliaji paperra nanacoapana njaji talricanaatinai Judá lricope njite Iraelnai tsakja. ²⁷ Yaami cayami pia Amasia iomaca Dio, njaji inaiki nanaitja pada iwaopiakjeti Amasía ikjoete Jerosalén lrico, niini lripito catjawa Laquís lricojle, mitsa nameenaca paana atsianai iacape ioman Laquís lricojle, niinitsa nainoni. ²⁸ Nadee ketsa jliaji mayamdalri-mitsa caballo naco nadawá carroni David iyacalre rico, lriferrinaipem iinai.