Joseeliezerr123-guh_num_text

Capitulo 3

¹ Ajjona jjaita piaja liwaisi pepitsapaevi Aarón yajava Moisésvita jjüa wajatujjanenü barü kueikueijai Moisés Sanai unuta. ² Pewünü Aarón pajji Nabad matapajinu Abiú, Eleazar, Tamar. ³ Bajara Aarón pejji pewünüjji, Sacerdotevi pamonae pita petsivitsi pamonae nubatsi sacerdotevi kuenia. ⁴ Betitsijane Nadab y Abiú tüpa pitajjutua wajatujjanenu jjüa tsipaeba isoto apo jejai itsiate Sinaí tusato Nadab y Abiú apo jjainaibeje pejji, bajara jjuata Eleazar kaenü, Itamar beje to ponapone beje Sacerdote kuenia Aarón pajja. ⁵ Waja tujjanenü barü kueikuei jetsi Moisés jumeitsi arabonü: ⁶ Kapare Leví piaja tribu tsi itajure Aarón Sacerdotenü bajara pomonae peya wenonainejja araponü. ⁷ Bajara pamonae be nekueneba pe wünüta Aaron yajava piaja tomara dajjita pena keituatsi boo javata. Bejara pamona be nakuenebati pekanajitsibota. ⁸ Bajara pamonae be eweta pe enaijawanüta bajara pamonae be yavenona Israel piaja tribu anü jjania weitsia peto kaponai nejja pekanaijitsi boo. ⁹ Levitavi berajuta Aarón, pejjinua Bajara pamonae Etapetatsi peya wenonai nejja Israel tomara. ¹⁰ Be nutanua Aarón yajawa pejji Sacerdotewi kuenia, itsa tomara pijinu natsi imojjoyota be tüpa. ¹¹ Wejatujjanenü barü kueikuejai Moisés bajara ponü jumeitsi: ¹² "Taima, jjanü raja itapetajü levitavi Israel tomara tutujuta/ jjanü raja majjua itsinü taita petsi kowü javata kae matipijinü kanakujitsia penai jjanaivi Israel tomarata levitavi raja jjanü tajivi. ¹³ Dajjita matipijivi reja tajivi. Pameta kobi tsimajju ponainaju dajjita matapijivi Egipto ira pijivi, jjanü ita petsianaju jjanu nejja dajjita matapijivi Israel tomarata, itajjutejema jivi yejava dajuvi bajara pomanae tajivi jjanu raja niaja tüjjanenünü" ¹⁴ Waja tujjanenü barü kueikueijai Moisés Sinaí tusatota Bajara ponü jumeitsi: ¹⁵ Paiba levi piaja monae wiria java, pe ruju boo anü java nameta üjüta keepobi kana kujitsia pejjainavi kae juametojji yajava perujjibi. ¹⁶ Moisés tsipaiba jume kaponaeya waja tujjanenu, pakuenia to najume kapatatsi. ¹⁷ Pewünü levi pejji Gersón, Coat, Merari. ¹⁸ Piaja monae pejji Gersón: Libni, Simei. ¹⁹ Piaja monae pejji coat: Amram, Izhar, Hebrón, Uziel. ²⁰ Piaja monae Merari: Mahli, Musi, Bajara ma pa monaeje piaja monae levitavi, ayaibitsautojjenato. ²¹ Piaja monae libnitavi yajava simeitavi majaita rubena Gersón wina java werena. Bajara pamonae piaja monae Gersonitavi. ²² Dajjita pebijiví kaijuameto y perujivi namata ujutatsi, Dajjitata 7500 pajivi beje. ²³ Piaja monae Gersonitas be jinavanapa wauyabelia pekanaivitsi boota. ²⁴ Eliasaf, Pejjunato jael, be naitajjuto kaeweta piaja monae wiria Gersonitas. ²⁵ Piaja monae Gersón be eweta pena kaituata biabi boo javata. Be eweta bajara pa boo dajjita kuene be ya unüa ekai java. ²⁶ Be eweta pepana anü wayapjo dajjita wayupjo pena wajükabiabi panaboto. Dajjita be eweta pekobe kowü kuene. ²⁷ Bajara pamonae Coat wiria: Piajamonae amramitas, piaja monae izharitas, piajamonae hebronitas, piajamonae Uzielitas. Bajara pamonae Coatitas wiria. ²⁸ 8600 pa pebi beje na meta üjütatsi kae juametojji pe jjainaivi yajava perujivi pe ewetsivi nejja pekobe kowü waja tujjanenü. ²⁹ Piaja monae wiria Coat be jinavanapa Sur mujjunania imojjoyo peka kanaijitsi boo javata. ³⁰ Elizafán, Pejjünato Uziel, be naitojjuto kaiweta Coatitas bitsauto. ³¹ Be eweta ayai jera moo anü, mesa anü mesa anü, dajjita peya ünü ekaijava. ³² Eleazar, pejjunato Aarón Sacerdote nü, be eweta pebijivi levitavi. be kobü tane dajjita pebijivi pe ewetsin Dioso piaja tajjunae. ³³ Najua monae beje piaja monae Merari: piaja monae mahlitas piaja monae musitavi. Bajara pamonae Najaitarubena Merari java merena. ³⁴ 6200 pa pebi beje na mata üjütatsi kae juametojji pe jjainaivi yajava perujivi. ³⁵ Zuriel, pejjünato abihail, be eweta piaja monae Merari, be eweta jinavanapa pe nawajukaebo. ³⁶ Pe pitsa paibi Merarivita be eweta dajjita barra, postes, dajjita pekobekobu kuene. ³⁷ Dajjita pena itayotsi nacanü dajjita piaja wayepjo pejjanaijava. ³⁸ Moisés, Aarón yajava pejji be jinavanapa imojjoyo pena wejükabiabi boo javata matujabi voüpata. Bajara pamonae pe ewetsivi bajara pa boo Israel tomara bijivi nejja. Itsa wiria natsi emojjoyota be tüpa. ³⁹ Moisés, Aarón beje Namaüjüta dajjita pa pebi beje piaja monae levi pewajji, perujivinua, pakuenia waja tujjane itorobatsi, namata ujüte 22000 pa pebi beje. ⁴⁰ Waja tujjanenü jumaitsi Moisés jawabelia "Namata üjüre dajjita pebijivi matipijivi Israel tomara pijivi kae juameto pejjanaivi yajava perujivi. Kae wünü bajjuto ejjenare. ⁴¹ Be pitamü levitavi jjanü nejja jjanü raja pa niaja tujjanenünü pekowüta matapijivi Israel tomarapijivi". ⁴² Moisés namata üjüta dajjita matapijivi Israel tomara pijivi pakuenia wajatujjanenü najumekopatsi. ⁴³ Namata üjüta dajjita pa pebi nüyo beje pewünü kana kujitsia, kae juameto wai javabelia kujinae perujivi javabelia. Bajara ponü namata üjüta 22273 pa pebi beje. ⁴⁴ Ikatsia waja tujjanenü barü kuei kueijai Moisés. Araponü jumeitsi: ⁴⁵ Dajjita levitavi penaitajjuto kaewitsimü nejja pewajji Israel tomara tutujuta, wü piaja vaca anü levitavi tomara pijivi. levitavi raja jjanü tajavi. jjanü raja paniaja tujjanenünü. ⁴⁶ Be kaetuata kae kobe kuenia pa waibeje pe kapane paenejja kae bitsauto kana kujitsia 273 metapijivi Israel tomara pijivi ayai bitsauto tsaponaivi levitavi. ⁴⁷ Be kana kueneba kaejava santuario javata pe kajubinejja. kae java kana kujitsia jjaina pona kuenia pe arebejawa plata. ⁴⁸ Be rajuta pe matama Aarón yajava pejji. ⁴⁹ Bajara pakuenia Moisés kaetuata pe matama pamonaeta ayaijawa amoneyabatsi levitavita. ⁵⁰ Moisés kaetuata piaja Plata Israel piaja tomara piajivita kaetuata 1365 jjuabeje kuenia kaju biaya santuario piajava.́ ⁵¹ Moisés rajutta plata pekopatsinejjatsi Aarón yajava pejji. Moisés ejjana dajjita jjua jumeitsitsi waja tujjanenü pejumeliwaisita, pakuenia najume kopatsi wajatujjanenü.